¹ Sona ingatesha uwandumi umunine akika ukufuma kumwanya na mamlaka amakulu, nichisi chikelupa nu bhwake. ² Akalila kwishu ikulu ngani ati akajya kuwaghwa mubabeli! Ingulu akabha mpina wa setanu ningome jya imbepo inyali ni ngome jya ifinyuni ifinyali ifya kukalalisha. ³ Papo abhamchisu bhoshi bhaghwile umfinyo ghwabhumalajya bhwake nabhanyafyale bhachisu bhakashipana naghwe nabhomba ibiashala abhamchisu bhabhwaghite ubhukabhi kumaka gha matingo ghake.'' ⁴ Sona ingapulika ishu inine ukufuma kumwanya, ''Likuti tila kukwake, umwe mubhangu bhangu, manye mkongaghe imbibhi shake, sona manye mpokelaghe imbombo shake. ⁵ Papo imbibhi shake shifikite mpaka kumwanya, nu Chala akumbushishishe imbibhi shake. ⁶ Mlipe isapo ghwepe akulipite, mkamhombe kabhili kunongwa jya kajyilo kake nchikombe chicho akachanganisha mchanganyishikishe ingani. ⁷ Papo akitufya nu kubhomba ubhuhuni mpe ubhubhafu nu kusulumania kunongwa jyake, papo akujyugha mndumbula jyake, nikile ne malikia, sona indamfwile sona indangatendeshe ichisa nakamu.' ⁸ Papo ulu ubhukome bhwake itibhukise ishiku limu lyene ilyaubhufwe, nubhusulumania, nisala, wepe itiakalungule ingani kumlilo, papo u Chala akamolonga ghwenyo ghwa maka.'' ⁹ Bhope abhanyafyale abhamchisu bhabho bhakashipana na ghwe bhakubhomba ubhumalajya pamupene naghwe, itibhakale nukumulilila bhwobhakulibhona ilyoshi nukulungula kwake. ¹⁰ Bhakima kubhutali nukuswigha ubhubhafu bhwake bhakuti ahele ahele ichisu chila ichikulu, icha Babeli, ichisu chila chilinamaka; papo ishikulimulyene ubhulongi bhwako bhwisa.'' ¹¹ Bhope bhabho bhakaghulisha abhamchisu bhakamulilagha nukumulilila, papo najyumo umundu jyujyo akugha ibiashara jyabho sona - ¹² Biashala dhahabu, ni ndalama, ichindu icha thamani nilulu, ni kitani ichisa, numwenda ughwalangi ijyo zambalau, na halili, nu mwenda umkesomu, numukokwe ghwa undi, ni chombo icha lupembe, ni chombo icha mkokwe umwisa ingani, ni shaba, ni chachela, nicha marimari, ¹³ Numdalasini, iliki, nubhuvumba, mathamu, nubhubhani numufingo, na mafuta aghashunguti, nu bhufu ubhwisa, ningano ni ng'ombe na bhona ghongoshi, ni farasi na maghali, ni mibhili ijya ndumbula isha bhandu. ¹⁴ Namatunda ghagho ghakaghanighwa nindumbula jyako ghatilite nifindu fifyo fyisa nifindu ifya fahali fikusobhanishe, sona abhandu tabhakafibhone sona nalimo. ¹⁵ Nabhobhakubhomba ibiashara ya kindu vyoshi, bhobhakanmwagha ubhukabhi kukwake tibhakime kubhatali, kubhwong'a nukufulala kweke, tibhakalile nukubhalilila. ¹⁶ Tibhakati indishi ichisu ichikulu nguluhafyalite ikitani ichisa, nimyenda, ya rangi iya zambalau, ni myenda imikesamu, bhapambite akisa, kito cha ichathamani, nilulu!'' ¹⁷ Papo kusaa yhimuyhene ubhukabhi umwingi tabhukabhekwo ninahotha nachoahi chicho chokubhuki palapala matanga ni mabahalia, bhoshi bhabho bhakubhomba imbombo malusoka, bhakima kubhutali. ¹⁸ Bhakalila ngani, luhobhatesha ilyoshi likulungula kukwake, bhakati chisu chiki chicho chilinichifwani cha chisu ichikulu?'' ¹⁹ Bhakatagha ifumbi kumwanya kumitu yabho bhakalila nukufuma amashoshi, mukusulumanyha bhakuti indishi ichisu chicho chikulu bhabho mukati yabho bhali nimelikebu mubahali, bhakashagha ihela kubhukabhi bhwake, papo nisaa hyimuyhene bhakabha bhakabhi.'' ²⁰ ''Sekelagha kunongwa yake, mwe bhakumwanya numwe mwibhanalole, na mwibhakunguluka papo Uchala alonga ubhulongi bhwake pamwanya pake!'' ²¹ Nubwanandumi yhumo uwamaka akinula imwehe isa imwihe ikulu ilyakushela, akalitagha mubahali, ati isabhuno bhuno kumaka amingi bhukutanghinghwe Babeli ichisu chila icikulu itavhikabhoneke sona. ²² Sona ishu ilyabhako vinanda, na bhakoma zamali na bhakoma filimbi, nabhakoma balagumu bhatabhakapulike mukati mwako sona. Pamu ufundi wa mbombo yoshi atakabhoneke mukati ati sona. Pamu iyhando lya kushila utaukapweke ishu sona mukati yake. ²³ Sona ulumuli lwaha kolombonyi italukake mukati yake sona, pamu amashu gha bwana arusi nu bibi arusi bhatabhakapwike mukati yako sona papo abhabhomba biashala bhake bhakabha bhosongo chitali, papo abhamuchisu bhakabhashimbula kubhuloshi muhubho. ²⁴ Sona mukati yake mukabha ni bhanda lya wandumi, nabhafundingwa na bhala bhoshi bhabho bhakafwiha kumwanya kuchisu.''