¹ Ichinangisho ichikulu chikabhoneka kumwanya, umukolo jyujyo akafwala isubha nu mweshi ghukabha pase patulunili twaka sona kumuntu kukwake itajyi ijya ndondwa kumi na mbili. ² Ghwepe akabha alini myifwa, akalilagah, kuno alinubhubhafu nukubhina bhwokupapa. ³ Chikabhoneka ichinangisho ichinine kumwanya teshanga, injoka ingulu ingesamu, jyi kabha nimitu saba nimbembe kumi, sona kumitu kumutu ghwake ni pitambala saba. ⁴ Sona ubhusinda bhwake bhukakotaghaitheluthi ijya njoko isha kumwanya. Nu kushighwisha pachisu. Sona injoka jyila jyikima pandashi jyumkolo jyula jyujyo akujya pakupapa, ukuti linga appa amulye umwana ghwake. ⁵ Ghwepe akapapa umwana umulisha, jyojyo iti akamalishange abha muchisu bhoshi ningomo ijya chela, na kuchitengu chake icha bhwumi, ⁶ umukolo jyula akakindila munyikani, papo palipo papo pate ndekeshighwe nu Chala ukuti bhamulishange ukwo kukabhalilo kamashiku elfu na mia mbili sitini. ⁷ Kukabha nu bhwite kumwanya. Umikaeli na bhandumi bhake bhakalwa ni njoka jyila jyope injoka jyila jyika lwa nabho nabhandumi bhake. ⁸ Pope bhataka pota papo bhakabha pata kabhoneka sona kumwanya. Injoka jyila bhakaponia, ingulu jyila, ⁹ injoka ka ijya bhwila jyijyo bhakuti ibirisi nu setano, ujyu akuchishimbula ichisu cheshi, bhaka mponia pa chisu - Nabhandumi bhake bhakamuponia pamwene naghwe. ¹⁰ Ingapulika amashu amakulu ukufuma kumwanya jyikati, polwoshi ulu kwabha nu bhupoke, namaka, nubhunyafyale ubhwa bhabha ghwitu, namamulaka agha ukristo ghwake; papo ataghighwa pase ughwa kutusitaka nabhoghwa mwitu, umwene akubhasitaka kundashi ijya Chala ghwitu, pamusi na pabhushiku. ¹¹ Bhope bhakamupote kwilopailya mwana ughwa nangoshi, nakwamashu agha kulingania kwabho, nakumashu agha kulingania kwabho, bhughagho bhatalighana ukuti amaisha ghabho bhafwe. ¹² Popo palishanga, mweshi kumwanya namwemwe mukwikala mumwumo, ulwinyi mwibha pachisu ni nyuja papo jyula umbilisi ila kukwinyu ughwa fujyo inyingi, amenyeshe ukuti alina kabhalilo akapimba. ¹³ Sona injoka jyila bhwo jyasange jyataghighwa pachisu, akamukalalisha umukolo jyula akapapa umwana umulisha. ¹⁴ Umukolo jyula akapeli ghwa ifipapande fibhili ifya tai jyula umkulu, ukuti apuluke abhuka ghekukwake kumnyikani papo papapake papo bhakumulisha kukabhalilo nutubhalilo ni nusu ijya kabhalilo kubhatali ninjoka ijyo. ¹⁵ Injoka jyikatisha mumulomu ghwake, kunyuma jya mukolo ujyo, amashi ungati mulilo abhombe ukweghighwa nulusoko lula. ¹⁶ Ichisu chikamwafwa umakolo ichisu chikifunula umulomu ghwake jyikamila ulusoko lula lulwa jyikalutisha injoka jyila mumulomu ghwake. ¹⁷ Injoka jyikamukalalila umukolo jyula, akabhuka kukwake ukuti abhombe ubhwite kubhwao bhake bhabho bhakashala, bhabho bhakushikolo indaghilo isha Chala, nukubha nu bhusuhuda ubhwa Yesu. ¹⁸ Ghwepe akima akima pamwanya pamusanga lighwa munyanja.