¹ Sona ingamuona ugwa ndumi umunine ugwa maka akwika ukufuma kumwanya, afwalite ibhingu, nu mpingo ugwa fula pamwanya gwa mutu gwake. Napamaso pake pakabha ingati lisubha. Nutulindi twake ingati panda isha mulilo. ² Nakukakono kake ali ni chitabu ichinandi chicho chighulighule akabhika akalundi kake akakuruwisa pamwanya panyanja, na kakushomi pamwanya pa chisu. ³ Gwepe akalina kwishu ikulu, ingati gwisimba mwa kubhunila, nabwo alila, nu kubhuna kusaba kukatisha mashu ghabwo. ⁴ Nukubhuna kwabwo kusaba bwo kwatisha mashu ghabwo ingabha nubwanandi ukusimba, ''Nune inga pulika amashu ukufuma kumwanya bhakuyugha ghasimbe inembo amashu ang'o ng;oghakuyughigwa nu kwo bukubhuna kusaba, manye usimbaghe.'' ⁵ Na yula ugwa ndumi yuyo inga mubwo ingamubwo na imite pamwanya panyanja na pamwanya pa chisu, ⁶ akimika akakono kake akakumwisa ukubhukila kumwanya, akalambila ku yuyo alinu bwumi ubwabwila na bwila yuyo avipelite ifwa kumwanya ni vindu vivyo vilimwo na pachisu ni vindu vivyo ni nyanja na vivyo vilimwo, na pakuti pata pakabhe na kabhalilo bwo shikali isho. ⁷ Lole bwo tikukabhe amashuku agha mashu agha ndumi abha saba linga abhanubwanaloli ukukoma ichikobhe apo papo shisho shafifigwe ishu Chala bwosha bwoneka, ingati isa mwumwo salumbilili gwe, na bhabwombi bhake abwo na bhasololi.'' ⁸ Namashu ghala ghang'o napulikite ukufuma kumwanya ghayunghite, ukagha gwise na chila ichitabhu chicho chighuligwe mtukono mwa yula ugwa ndumi lyulyo imilepamwanya oanyanja na pamwanya pachisu.'' ⁹ Akamughendela ugwa ndumi ywa ngamubhula ukuti amupe chimo ichitabhu ichinandi. Akamubhula banacho ulye, chope itichibhe kupelele ubhubhafy. Umwufukwe lwako, ole kumulomo gwako itichibhe chisa ingati bhuki.'' ¹⁰ Akisa nachila ichitabhu ichinandi ku kakono ka gwandumi ywa, akachiya, chope chikabha chiza ingati bhuki umughi gwake, na bwoabha alya wufukwe lwake lukabha nubhubhafu. ¹¹ Bhakamubhula, chukulondigwa ukutisha ubhusolali sona pamwenya ya bhandu ni chisu ni jeghu na bhayafwale abhingi.''