¹ Numwe mwe bhomalafyale, bhabhombelaghe abhatumwa bhinyu na kulubhotiko lulwo lubhaghile. Kumbukagha ukuti numwe muli nu malafyale yuyo ali kumwanya. ² Iputagha kwa Chala amashiku ghoshi. Ghwomkwiputa mubhaghe maso kushisho mukwiputa nukumupalisha uchala. ³ Tukusuma mutwiputilaghe nutwe kwa chala ukuti atwitishe ukuti tulumbililaghe pabhelu kubhandu. Une imbinyighwe kunongwa iyo. ⁴ Ingusuma mumanye ukunyiputila ukuti imbe na maka agha kulumbilila pabhwelu isa mumwo shikulondighwa. ⁵ Akabhalilo kako mukubha pampene na bhandu bhabho bhatumwitikite u Yesu ikalagha nabho kumahala, sona langishaga kubhandu abho ukuti mulu bhitiki bha kilisti. ⁶ Mujyughaghe amashu amisa kuhandu amashiku ghashi, sona mujyughaghe a mashu ghagho ghakubhafwa abhandu. ⁷ Umwitiki umunyitu umughanighwa jyujyo ingamu jyake ghwi Tikiko indise kukwinyu nukubhabhula inongwa shangu shoshi. Umwene mubhombi umusubhalilighwa jyujyo tukubhomba naghwe imbombo iya malafyale u Yesu. ⁸ Yonongwa iyi ingumutuma kukwinyu ukuti abhabhule inongwa shitu nu kubhakasha. ⁹ Ungumutuma pamupene nu mwitiki umunyitu umughanighwa uonesimo jyujyo afumite kukwinyu. Abhandu abho bhabho indi bhabhule shoshi shisho shikubhombighwa kuno kukwitu. ¹⁰ Aristarko, umwitiki umunyitu jyujyo imbinyighwe pamupene naghwe, akubhalamuka. Ghwepe ulika jyujyo akubhalamuka, bhalinabha, akubhalamuka linga afika kukwinyu ingusuma mumupokele akisa isa mu mumwo ingabhalaghila. ¹¹ Ghwepe u Yosto. Jyujyo ingamu inine ghwi yusto akubhalamuka mubhayuta bhabhwo bhakwesulighwe, abhandu bhatatu bhobheneshe bhabho bhakaubhomba imbombo pampene nune muchitangalala icha chala. Sona bhobhabho bhakusubhasha ingoani. ¹² Epafra jyujyo afumite kukwinyu sona mubhombi ughwa kilisti u Yesu. ghepe akubhalamula umwene akwifumiya akabhalilo koshi ukubhiputila kwa Chala ukuti mwimaghe akisa, mkalaghe mulwitiko nu kushita kubha nubhwogha kushoshi shisho uchala akulonda. ¹³ Ingujyugha ulwo papo ingumubhona mumwo akujyo akwikalakila na maka ukubhomba imbombo kunongwa jyunyu na kunongwa iya bhandu bhala bhabhwo bhakwikala mukaya aka labho ndikeya na ka Heyelapoli. ¹⁴ Uluka umughanga umughanighwa umunyitu nu ndema umubhombi umunyutu bhope bhaku bhalamuka. ¹⁵ Mubhalamuke abhitiki abhanyutu bhabho bhakwikala mukaya aka labhandikeya, mumulamuke nu mulumbu ghwitu unimufa pamupene ni chibhughutila icha bhwitiki bhabho bhakukomanagha munyumba jyake. ¹⁶ Linga ukalata ijyu abhelengighwe kukwinyu bhuka ukuti ukalata uyu abhelengighwe na kuchibhughutila ichabhitiki bhaho bhakwikala mukaya aka labhodikeya mumwe mubhelenge ukalata jyujyo imbasimbile abhondikeya. ¹⁷ Mubhule u Arkipo, ''Ukuti ayimalishe akisa imbombo jyujyo umalafyale u Yesu ampile. ¹⁸ Unene OPauli ne ingusimba amashu agha nu kubhalamuka na kakono kangu jyunene. Kumbukagha ukuti ingali imbinyighwe munyumba iya bhapuinyighwa, ingusuma ukuti ichisa icha Chala pamupene numwe.