¹ Katika mwei gwa nane shaka shavili kutawala kwake Dario, lilove lika yahwe lya nng'ishile nkolondola Zakaria, mwana juka Berekia mwana juka ido, kuveleketa, ² "Yahwe ashikuva na nnjimwakaje pantundu ja ashainavenunji, ³ Gwalugullilanje, yahwe jwa majeshi alugula nnei njujilanje: na une shinimmujilanje mmanganya, alugula yahwe jwa majeshi. ⁴ Nnavanganje nndu ashianavenunji ambao ukala valondola valugulilenje, valugulanga yahwe jwwa majeshi alugula nnei ntendeukanje kushoka katika mipanda jenunji ja nyata na matendo genunji ga nyala ikaveje je vangakombolanga kupilikana wala kunyali alugula yahwe. ⁵ Kwalinginji kwei ashainavenunji? na valondola buli palinginji apano daima. ⁶ Ikaveje malove gangu na malangano gunamulungi vatumetume vangu valondola, buli gangapatanga ashainavenunji? Kwa nneyo vashitulunji na kuveleketa, nndu nnaila yahwe jwa majeshi shashilalumbilila kuntenda a kadili shikutistaili mpanda na matendo getu, ndo shalutendile" ⁷ Katika lyuva lya makumi gavili na ncheshe lya mwei gwa kumi na jumo ndo mwei gwa shabati, shaka sha vili sha utawala uka Dario, lilove lika yahwe lyang'ishile nkulondola Zakaria. wana juka Berekia mwana juka indo, gwevelekete. ⁸ "Wakati gwa shilo nalolile, na lolai mundu aliji akwelile farasi jwanashe farasi jwa kijivu, na farasi jwanewe" ⁹ Gumeshia "nkulungwa yenei ni indu yashi? malaika avelekete na nne gwenugulile shinikutashie yenei ni indu yashi. ¹⁰ Na mundu ajima kati ja mikongo ja mahadasi ngwajagwile na kuveleketa, vaneva ndio avatumilenje yahwe kutimbilila dunia jowe. ¹¹ Guvennjangwilenje malaika juka yahwe aliiji aliafimi kati ja mikongo ja mihadasi na kunnugulila, Tushikuve tulitimbiilila padunipowe lola, dunia jishitama na kuhania" ¹² Penepo malaika juka yahwe pajangwile na kuveleketa yahwe jwa majeshi, ata shaka ni unauulunia yerusalemu na ilembo ya Yuda ambao ishipotekwa na kushulmiwa yaka makumi saa? ¹³ Yahwe gwajangwile malaika aliji aveleketa na nne, kwa malove ga nmbone, malove ga falaja. ¹⁴ Kwa nneyo malaika, aliji alikunguluka nanne gwanugulile, shema kwa lilove na usheme yahwe jwa majeshi anaveleketa njikola wivu kwa ajili ja yerusalemu yaani sayuni kwa ucaungu gwenkulungwa. ¹⁵ Na nne njikola nnjimwa pantundu ja mataifa gali na utulivu kwa maana nakuutumbalakashoro pe ikaveje venevo gwasababishenje mafhara ga nyata. ¹⁶ Kwa nneyo yahwe jwa majeshi palugula nneyi nijivujile yerusalem kwa uluma. Nneyo nyumba shiijishenjwe nkati jake aveleketa yahwe jwa majeshi.Shipo shishigoloywe pantundu ja yerusalemu. ¹⁷ Shema kavili uliveleketa, yahwe jwa majeshi paveleketa, nnei: Ilambo yangu kwa wala jina shijigumbaywe na ukolo, nagwe yahwe shajiliji kavili sayuni, na kujiagula yerusalemu kwa mala jina kavili. ¹⁸ Na kujimwile meyo kulola ndukba ncheshe. ¹⁹ Gungungulweshe nagwe malaika avelekete nanne yanei ni indu yashi? hwanyangwwile yenei ni ndumba isababishe kupalaganika kwa Yuda, Israeli na yerusalemu ²⁰ Ma yahwe gwanangwile mapunda stadi. ²¹ Gumelekete, "vene vanduva vanakwiyangana kutenda nndi? gwayangwile iipelegenye Yuda na jwakwapi mundu akakombwele kujinulu ntwe gwake. Ikaveje vene vandu vanakwiyangana kukuishoya, kujaa pai ndumba ya mataifa gasinweii mashili gaonji kinyume ja shilambo sha yuda na kuitambaya.