¹ Nkamulile: nnole malobhe ga a Yohana 7: 53 - 8: 11 pene pantundupo). A Yeshu bhashikwenda pashitumbi sha Misheituni. ² Kumashelo gubhashetana ninikalu, na bhandu bhowe gubhaje ndelenje; gubhatemi ni kwajiganyanga. ³ Bhaandi na Mafalishayo gubhampelekenje jwa ndonya akamwilye kwa sababu ga ja jatika. Gubhamishilenje pakatipakati. ⁴ Nkamulile: nnole malobhe ga a Yohana 7: 53 - 8:11 pene pantundu). Gubha bhalanjile a Yeshu, ''Bhakujiganya, aju jwandonyaju ashikamulwa kwashababu ga jajatika. ⁵ Mmorangano, ga amusha bhantu bhalanjile kwa komanga maganga bhandu malinga bherebha, mmwenkutayauli? ⁶ Bhashikubheleketanga genaga kwakwalinga bhapatanje shiumilo sha ikabheje a Yeshu gubhatepile pai bhani jandika na shikowe shao. ⁷ (Nkamulile: nnole malobhe ga a Yohana 7: 53 - 8: 11 pene pantundu po). Pubha pundelenje kwa huyagubhajimi nikwabhalanjilanga, ''Jwene jwa ngalishambi penepo, abha jwa kwanza nkumnkoma liganga.'' ⁸ Gubhate pitena pai, gubhajandishe tena na shikowe shao. ⁹ (Nkanulile: nnole malobhe ga a Yohana 7: 53 -8: 11 pene pa ntundu po). Bhakapilikananje genego, gubhajawilengenje jumo jumo, na bhanko ngopa. Nkungai a Yeshu gubhaigele jikape, na jwandonya alijitome nago. ¹⁰ A Yeshu gubhajimi ni kumalanjila, ''Jwandonya, bhankutumbililenje kukushitaki bhali kweinji? Wala jumo akuukumwile?'' Jwakwapi, wala jumo nnkulungwa.'' ¹¹ Yeshu gubhalugwile, atane ngakuukumula. Jenda mpanda gwanko, kutandu bhili nneino naendelea unatinde shambi tena.'' ¹² Kavili a Yeshu gubha kungulwishe na bhandu bhani bheleketa, ''Nne shenje sha pashilambo; jwenejo angagulanne akaowa paluvindu ikave shabhe na shenje sha gumi.'' ¹³ Mapalishayo gubhatashiyenje, ''Nnakwikongonjela mmayene; kwikongondela kwenu nngabha kwele.'' ¹⁴ Yeshu gubhajangwile, ''Nnkali na kwikondela na mwena, kwikongo ndela kwangu kwakweli. Nikumanyi kungo pweshe na kugwenda, ikaveje mmanganya nkakukumanyanga nkungukopoka wala kugwenda. ¹⁵ Mmanganya nnaukumulanga shiilu: Nne gaukumula jojowe. ¹⁶ Nne ngukumula, hukumu jangu jakwweli pabha nangabhajika, ikava puni pamo na a bhandumile. ¹⁷ Elo, na malajilogenunji ishijandikwa kuti ukongondelo gwa bhandu bhavili nigwammbone. ¹⁸ Nne ndiyo ni kongondele, na atati bhandumile bhani ngongondela.'' ¹⁹ Gubhashiyenje, ''Atati bhenu bhali kwehi?'' AYeshu gubha ja gwile, ''Nne nkamanyanga wala atati yangu nka kwamanyanga; nkamanyinjinne, nkamanyinji na atati yangu.'' ²⁰ Pubha bheleketanga gene malobhego bhali tome na shiviko bhani jiganya niekalu na jwakwapi abha kawile pabhamuda gwao bado ukanabho hika. ²¹ Bai gubhalugwitetena, ''Nguna kwenda; shino leyanje shimaganje mitui ga shambi shenunji, kwekula kugwenda, nkakombo langa kwiya.'' ²² Bhayahudi gubhalugwilenje, shahiulajengene, jwenejo abhalekete kwekula kugwenda nkakombolanga kwiya?'' ²³ A Yeshu gubhabhalanjilenje, ''Nkukoposhelanga pai. Nne kungu koposhela kuntundu; Mmanganya bhapashilambo pano nnengabha jwa pashilambo ashi. ²⁴ Ikaveje, namalanjile kuti shimanganje mitui ga shambi shanunji ikaveje nkulupalilanje kuti nne ni jwene, shimanganje mitui gashambi shenunji.'' ²⁵ Kwaneyo gubhaushiyenje, mmweni ageni?'' Yeshu gwalugwile, jwejula junitashiyenje kungai. ²⁶ Ngweta malobhe gama gwinji gakunguka na kuhukumu pantundu jenunji. Ikave bhebhala bhandumile bhakweli; naindu ni pilikene ngweo, ngunabheleketa na shilambo.'' ²⁷ Bisanga elewanga kuti bhakunguluka, abali ja atati. ²⁸ Yeshu pupinga kwa jinu langa pantundu mwana jwa mundu, ni pupinga ngamula kuti NNE NDIYE, nagatenda shoshowe nafusi yangu. Mbuti atati pubhanyigenye, nipungu kunguluka gene mamboga. ²⁹ Bhene bho ndumile pubhali pamo nanne, na bhene bho bha ngane kajika, ngunatenda gegala ngubhapinga.'' ³⁰ Gwene muda go gubhabheleketaga a Yeshu gene malobhe go, bhabhagwinji bhakulupalilenje. ³¹ A Yeshu gwalugwile kwa Bhayahudi bhakulupalilenje, ''Ibhagaga shitamangane palilobhe lyangu, penepo shimanganje bhakujiganya bhangu, ³² Numbe mmanganya shijimanyanje kweli, na kweli jishimikanji huru.'' ³³ Gubhajagwilenje, ''Uwe lubheliko lya Ibrahimu tukanabhebha pai ja mmanda gwajojowe; nkutayauli, ''Tushivikwe huru?'' ³⁴ Yeshu gubhajagwile, ''Nkulupalile, nkulupalile, na kumalanjinga, kila atenda shambini mmanda jwa shambi ni mmanda jwa shambi. ³⁵ Mmanda akatama pamui muda gowe; mwana tama mubha gowe. ³⁶ Kwaneyo, ibhaga mwana abhavikangaga huru, shimanganje huru kweli.'' ³⁷ Manyi kuti mmanganya luvelekolya Ibrahimu; nnaloleyanga kumulaga ligongo lya lilove lyangu lyangali lilanga nkati jenunji. ³⁸ Ngunaveleketa genemalobhego pabha ni gawene na atati yangu, numbe mmanganya nnatenda mambo gugapilikenenje kushoka kwa atati yenunji.'' ³⁹ Gwajagwilenje ni kwa bhelanjila, ''Atati yetu ni Abrahamu.'' AYeshu gwalugulilenje, nkali nginji bhanabha Ibrahimu, nkatendi lenje liengo lya Ibrahimu. ⁴⁰ Nkali nnehino nnalolelanga kumulaga, mundu abhabhananjilenje kweli kuti njikupilikana kushoka kwa annungu. Aburahamu bhagatenda nnehi. ⁴¹ Nnatendaga liengo lya atati yenunji.'' Gubhabhalanjilenje, ''Twangabhele kwa uwe kwajajatika, tukwete atati bhamo, a Nnungu.'' ⁴² A Yeshu gubhalugwile, ''Ibhaga a Nnungu ni Atati yenunji, nkambilinjenje nne, pabha kungo pweshe kwa a Nnungu; wala nangaika kwa nafusi janu bhenebho bhashi kunduma. ⁴³ Pakuti nkaelewanga malobhegangu? Nkakombola ngakatima japilikanila malobhe gangu. ⁴⁴ Mmanganya Atati yenunji, nandenga, na napenganga tenda maengo ga Atati nunji. pubhaliji bhaulagatoka bukala ngakombola jima pakati pakati ja kweli pabha kweli jakwapi nkati jake. Pubha kunguluka unami, bhana kunguluka kushoka kuluveleko lyao pabha bhanami na atati yao bhanami. ⁴⁵ Atannelimo, ngunu bheleketa ga kweli, nkangangulupalilanga. ⁴⁶ geni alondola kuti nne njikola shambi? Mwana ga gungubheleketa gakweli pakubhanka ngulupalilanga? ⁴⁷ Jwene ali jwa aNnungu anapilikana malobhe ga a Nnungu; manganya nkapilikananga pabhangabha bha a Nnungu.'' ⁴⁸ Bhayahudi gubhajagwilenje ni kwalugulila, twanga bheleketa kweli kuti mmwe nchikola maoka?'' ⁴⁹ AYeshu gwa jagwile, na ngali maoka; ikave nguna kwatindimalila atati bhangu, numbe mmanganya nkandi ndi malilanga. ⁵⁰ Ngaloleya nginio yangu; apali jumo aloleya na ukumula. ⁵¹ Nkulupalile, nkulupalile, nakumalanjilanga, jojowe apiga pilikana lilobhe lyangu, akashiona shibho kaje.'' ⁵² Bhayahudi gubhalugwililenji, ''Nnineino tumanyi kuti nchila maoka. Abrahamu na bhakulondola bhawilenje, ikave nnalugula, ivaga mundu shalikamule lilobhe lyenu, akapayo shibho.' ⁵³ Mmwe nngabha mmakulungwa mbuti atati yetu Abrahamu bhawile, nngabhanneyo? Bhakulondola bhawilenje. Mwe nkwitenda kubhagani?'' ⁵⁴ A Yeshu gwajwagwile, ''Ibhagashini kuye namwene, ukulungwa ngwangu gwa yoyo, atati bhaguya bhebhala nkwalugulanga kuti a Nnungu bhenunji. ⁵⁵ Mmanganya nkwa kwamanyanga bhenebho, ikabhe nne ni bhamanyi bhene bho.Mwananga shimelekete, ngakwamanya, shime malinga nnanganya, nnami, nkali nneyo, ni bhamanyi na malobhe gao ni gakamwile. ⁵⁶ Atati yenunji Abrahamu bhashi kuangalabhaka lioneje lyubha lyangu; bhashi kujiona niangalala.'' ⁵⁷ Bhayahudi gubhalugwilenje, nkana bhe ishila umuli gwa makumi tano bado, numbe mwe mwawene Ibrahimu?'' ⁵⁸ AYeshu gwajangwile, ''Nkulupalile nkulpalile, nakumalanjilanga; kabula ja Abrahamu bhakana bhebhelekwa, NNE NA PALI.'' ⁵⁹ Gubha lokwetenje maganga bhakomanje, ikave Yeshu gubhaijuvile ni shoka palanga ja liekalu.