¹ Baada ga gene a Yeshu bhashikwenda kug'ambu ja Bahari ha Galilaya, na jalakwe ndiyo ja Tiberia. ² Namakutano ga makulungwa gubhakagwilenje, kwa ligongo bhashikwiyonanga ishara yabhatendelenje bhalwelenji. ³ Nabhalao a Yeshu gubhakwelile kushitumbi, gubhatemi kwene pamoja na bhakwijiganya bhao. ⁴ (Na Pasaka sikukuu ja Bhayahudi pujaliji tome.). ⁵ Bai a Yesu pubhajimwile meyo gao gubha guweni mkutano gwankulungwa ulikwiya kungwano, bhashikumalanjila Filipo, Tuume kwei mikate kupinga bhanganyanjibha bha apatanje kulya?'' ⁶ (Na lyene bhashikulibheleketa kupinga kuminga, kwa maana bhamanyi bhaene lyakupinga kulitena). ⁷ Filipo gwajangwile, mikate ja dinari mia mbili bhakatogolelanga, kila jumo apate kashoko pe.'' ⁸ Andrea, bhakwijiganya bhao jumo gwao, Andrea, nnungunagwao Simoni Petro, gwabhabhalanjile, ⁹ Yeshu Apalihapano mwana, ashikola mikate nngano ja shayiri na omba ibhili, ikabheje haino nindi kwa bhandu bhabhagwinji malinga abha?'' ¹⁰ Yeshu gubhalugwile, mwatamikanje bhandunji, na pepala mahali pashikubha na maamba tumbe. Bai bhandu bhalume gubhatemingenenje, bhapatanga elfu tano jumla jaonji. ¹¹ Bai a Yeshu gubhatolile jejila mikate, gubhatendile eja, gubhagabhilenje bhatemingenenje, na kadhalika katika yeila omba kadri jwapinjilenji. ¹² Na bhalaonji pubhajikwitenje, bhashikwabhalanjilanga bhakwijiganya bhao, nkonganyabje ipande ilepeshe, shinaobhe shoshowe.'' ¹³ Bai gubhakongenyenji, gubhagumbeyenje ikapu kumi na ibhili, ipande ya mikate ngano ya shayiri ibhalepeyenje bhebhala bhallenje. ¹⁴ Bai bhebhala bhandunji, pubhajiweninji ishara jitendeshe, bhashikubheleketanga hakika haja jwakulondola jula aishe pashilambo.'' ¹⁵ Kisha a Yeshu hali bhalimanya kubha bhashikupingwa kuiya kumulwa kupiga bhatendanje bhakulungwa gubhabhishile panyenje, gubhapite kabhili kushitumbi bhene jikape. ¹⁶ Hata puyaliji ligulo bhakwijiganya bhao bhashikutelemushilanga kubahari. ¹⁷ Gubhakwelilenje nchomno gubhatandwibheje kujomboka bahari kwenda kukapernaumu. (Nakwaleke kumalike kubha lubhinduwala a Yeshu bhakanabhekwaishilanga). ¹⁸ Na bahari gujitandwibhe nyata kwa puyambungo jikulungwa. ¹⁹ Bai gwautilenje makasia kadri ja maili itatu ncheshe, gubhaweninji a Yeshu bhali kwenda juu ja bahari na kushibhandishila chombo, gubhajokopenje. ²⁰ Nabhalao gubhabhalanjilenje, ''Ni nne! Nnajokopanje.'' ²¹ Bai gubhapinjilenje kubhaposhelanga nchombo, na mara jene chombo gushishile shilambo shubhalinginji bhalikushijendelanga. ²² Lyubha lya bhili lyakwe bhandu bhajimingene kungambu ja bahari bhashikuonanga ga bha gakwa mashua gana kwene ila gamo kabhili gabha a Yeshu bhangajinjila katika mashua gene pamoja na bhakwijiganya bhao, bhali bhakwijiganya bhao pubhalinginji jikajwaonji. ²³ (Ikabheje gwiishe mashua ina kopoka ku Tiberia mpaka tome na mahali papala pubhali lenje mikate, wakati Bhakulungwa pubhatendile eja). ²⁴ Bai bhandunji pubhaweninji kubha a Yeshu bhakwa kwene wala bhakwijiganya bhao, bhashikujilanga mmashua ashanenji, gubhapitengene ku Kaperanaumu bhalikwakaglanga a Yeshu. ²⁵ Hata pubhaweninji kungambu ja bahari bhashikwabhalanjilanga, a Rabi mmwe pungishe shakani hakuno?'' ²⁶ Yesu gubhajangwilenje, gubhabhelekete Amina, amini, nakumalanjilanga, mmanganyanji nnanoleyanga ngabha kwa ligongo lya ishara, bali kwa ligongo nchikulyanganga jejila mikate njikutanga. ²⁷ Nnashitendelanje liengo shalya shiharibika, bali shalya shindumu hata uzima gwa pitipiti ambacho mwana jwa Adamu shampanganje kwa ligongo jwene ndiye atajilwe lulembo na atati, yaani a Nnungu.'' ²⁸ Bai gubhabhalanjilenje, tutende uli kupinga tupate kugakamula maengo ga a Nnungu?'' ²⁹ Yeshu gubhajangwile, ''Gubhabhalanjilenje hajilo ndiyo liengo lya a Nnungu: mungamini jwene atumilwe na bhene.'' ³⁰ Gubhamalanjilenje, ''Bai nkutenda ishara jashi, kupinga tujione tungamini? Nkukamula liengo lyashi? ³¹ Ashainabhetu bhashikwilya mana kuhanga malinga nneila puijandinshwe, bhashikwapanganga shalya sha kumbinguni kupinga bhalya nganje.'' ³² Yeshu gubhabhalanjilenje, Amina, amina, nakumalanjilanga ngabha a Musa bhampelenje shalya sheshila sha kumbinguni, bal awawa yangu bhanakupanganga mmanganyanji shalya sha kweli shikopka kumbinguni. ³³ Kwa maana shalya sha a Nnungu ni sheshila shiuruka kushoka kumbinguni na kushipa shilambo uzima. ³⁴ Bai gubhamalanjilenje, makulungwa mogagowe ntupe shene shalyashi.'' ³⁵ Yeshu gubhabhalanjilenje, nne ndiyo shalyasha uzia, jwene aika kungwetu hakaona shibhanga kaje, na jwalake shangamini hakaona nnjota kabhil.'' ³⁶ Ikabheje namalanjilenje ga kuti nshimonanga wala nkahamininje. ³⁷ Bhowe bhamba atati shubhaikangananje kukwang; wala jojowe akwija kungwangu ngajaa palanga kabhili. ³⁸ Pabha nne nangauluka kushoka kumbunguni kupinga ndende maonoga gangu, bali manoga gao bhambeleshe. ³⁹ namanoga gao bhambeleshe ni hagano, ga kuti katika bhowe bhubhambele ngunangovye hata jumo, bali ninyuye lyubha lya mwisho. ⁴⁰ Pabha manoga gao atati yangu ni hagano, ga kuti kila ashanole mwana na kungamini jwene, abhe na uzima gwa pitipiti, na nne shininyuye lyubha lya mwisho. ⁴¹ Bai Bhayahudi gubhainginikenje, kwa ligongo bhashikulugula, nne ni shalya shiulwishe kushoka kumbinguni.'' ⁴² Gubhalugulenje, haju ngabha Yeshu, mwana jwa a Yusufu ambaye tukwamanya ainagwe na akwabhe? Igala palugulu uli kuti ni jwene, njiuluka kushoka kumbinguni?'' ⁴³ Bhai a Yeshu gubhajangwile, gubhabhalanjlenje, nnainginikanje mmanganyanji kwa mmanganyanji. ⁴⁴ Jwakwa mundu shakombole kuika kungwangu, akautwe na atati bhambeleleshe na nne shininyuye lyubha lya mwisho. ⁴⁵ Jishijandikwa katika bhakulondola, na bhowe shubhawe bhajigenyenjwe na a Nnungu. Bai kila alipilikene na kujiganya kwa atati anaika kungwangu. ⁴⁶ Ngabha kuti mundu ashikwaona atati, ilajwene akopoka, kwa a Nnungu, jwene ndiye abhaweni Atati. ⁴⁷ Amina, amina, nakumalanjilanga jwene aamini ashikola uzima gwa pitipiti. ⁴⁸ Nne ndimi shalya sha uzima. ⁴⁹ Ashainabhenu bhashikwilya mana kuanga, gubhawilenje. ⁵⁰ Hashino ni shalya shiuluka kopoka kumbinguni kuti mundu alye wala anawe. ⁵¹ Nne ndimi shalya shili na uzima shiulwishe kushoka kumbinguni, mundu alyaga shene shalyashi shatame pitipiti. Na shalya shinjoye nne ni shiilu shangu kwa ajili ja uzim agwa shilambo.'' ⁵² Bai Bhayahudi bhashikushindananga wao kwa wao bhalibheleketa, akombola uli jwene munduju kutugabhila uwe shiilu shake ili tushilye?'' ⁵³ Bai a Yeshu gubhabhalanjilenje, Amina, amina, nakumalanjilanga, nkalyanganje shiilu shake mwana jwa Adamu na kungwa minyai jake, mwangalinginji uzima nkati jenunji. ⁵⁴ Shalye shiilu shangu nangwa minyai jangu ashikola uzima gwa pitipiti na nne shininyuye lyubha lya mpelo. ⁵⁵ Kwa maana shiilu shangu ni shalya sha kweli na minyai jangu ni kinywaji sha kweli. ⁵⁶ Alya shiilu shangu nangwa minyai jangu mwatama nkati jangu, nnane ngutama nkati jake. ⁵⁷ Malinga nneila atabi bhali hai shubhandumile nne, na nne ni haikwa atati, kadhalika najwalake shanlye nne shabhe hai kwa nne. ⁵⁸ Hashimo ndiyo shalya shiuluka kushoka kumbinguni ngabha malinga ashatati bhalilenje niwanganga, bali shalye shalya shene ahatame pitipiti. ⁵⁹ Gene malobhego pubhabhelkete katika sinagogi pubhalinji bhalijiganya, kwene Kaperanaumu. ⁶⁰ Bai bhandu bhabhagwinji miongoni mwa bhakunjiganya bhao pubhapilikenenje, gubhabheleketenje lyene lilobheli ni lyanonopa, nigani akombola kulipilikana?'' ⁶¹ Na bhalao a Yeshu gubhamanyi nafsi jaonji gabha bhakwijiganya bhao bhanakulingini kanga lyene lilobheli, gubhabhalanjilenje, buli lyene lilobheli linakukwazanga? ⁶² Shibhe uli bai, shumumonanje mwana jwa Adamu alipaa kwene kubhaliji kwanza? ⁶³ Mbumu ndiyo itaga uzima, shiil shikafaa shindu, gene malobhe gunimalanjilenje ni mbunu, kabhili ni uzima. ⁶⁴ Ikabheje bhashipangwanga bhananji nkati jenunji bhakaamininji.Kwa maana a Yeshu bhashikumanya tangu tandubho ni bhangaamininji, na jwalake ni gani shabhasaliti. ⁶⁵ Gubhabhelekete, kwa ligongo lyene njikumalanjilanga ga kuti jwakwa mundu shakombole kuiya kukwangu ikabheleje ajaliwa na awawa yangu.'' ⁶⁶ Kwa ajili ga gene bhabhagwinji nkati ja bhakwiganya bhao gubhanjilenje nnyuma, bhamalongane nago kabhili. ⁶⁷ Bai a Yeshu gubhabhalanjilenje bhebhala Thenashara, Bli na mmanganyanji mwe napinganga kujaulangananga?'' ⁶⁸ Bai a Simoni Petro gubhayangwile, mmakulungwa! Tujende kwa keni? Mwe nchikola malobhe ga uzima gwa pitipiti, ⁶⁹ Uwe tushiamini, kabhili tumanyi gabhamwe ndio mmakonjelo bha a Nnungu.'' ⁷⁰ A Yeshu gubhajangwileje Buli! Nne nangangagulanga mmananyanji Thenashara, na jumo jwenunji ni nandenga? ⁷¹ Jubhannugwile Yuda, mwana jwa a Simoni Iskariote; maana jwene ndiyo apingakwasaliti na jwalake ni jumo jwa bhebhala Wathenashara.