¹ Baada ja gene pashikupagwa na sikukuu ja Bhayahudi, na bhalao a Yeshu gubhakelile kwenda Kuyerusalemu. ² Na ngondolo pashiipakwa birika, jishemwa kwa Kiebrania Bethzatha, na jalakwe jishikola matao nng'ano. ³ Nkati gene bhandunji bhabhagwinjinjija bhalwelenji bhashigonanga bhangalonga, viwete, na bhakomilenjwe nakandulu, (bhalilindililanga mashi gaemule) Kwa maana gupali wakati ambapo lihoka linauluka, njinjila katika jejila birika nitibulanya mashi. ⁴ Bai jwene ntai jinjila baada ja mashi tibuliwa, gwalamile shilwele showe shaliji shampatile. ⁵ Na penepa pashikupagwa mundu ambaye akakombolana muda gwa yaka thelathini na nane. ⁶ Yeshu pubhamweni haju agonile, na bhene bhalimanya kubha pali na jene halijo moga gamagwinji, gubhamalanyile, unapingi kubha jwa nkoto?'' ⁷ Jwejula nnwele gwajangwile, mmakulungwa, nne nangali mundu jwandaga mbirika, mashi pugatibuka, ila wakati gungwiya nne, mundu juna aliuruka mmujo jangu.'' ⁸ A Yeshu gubhamalanjile, jima gwitwishe ligodoro lyako, ujende.'' ⁹ Mara jwejula mundu nibha jwankoto, gwa itwishele ligodoro lyake, gwapite. Najalakwe pujaliji ni sabato lyubha lyene. ¹⁰ Kwa ligongo lyenelyo Wayahudi gubhamalanyilenje jwejula alamisiywe. Lelo ni Sabato, wala ngabha halali kungwakokuitwika ligodoro.'' ¹¹ Gwabhajangulenje, jwene andendile kubha jwankoto ndiye amalanjile. Natwishe ligodoro lyangu, nyaule.'' ¹² Bai gubhamushiyenje, ''Jwejula akubhalanjile itwishe' ujende ni gani?''' ¹³ Ikabheje jwejula mundu alamishiywe hanga jangula ni gani, maana an Yeshu pubhaliji bhashikwibhika panyenje, kwa ligongo pashikubha na bhandu bhabhagwinji mahali pene. ¹⁴ Baada ga gene a Yeshu gubhang'imene nkati ja hekalu, gubhamalanjile, ''Angalia, puli jwankoto! ''Ilebho kabhili lina kuimana lijambo lili lya libaya lyapunda.'' ¹⁵ Jwejula mundu gwapite, gwabhapelenje habaei Bhayahudi ga kati ni a Yeshu bhatendile habhe jwankoto. ¹⁶ Kwa logongo lyene Bhayahudi bhashikushimbanga Yeshu,pabha ashikutenda gene lyubha lya Sabato. ¹⁷ Gubhajanglenje, awawa yangu bhanatenda liengo hata nnaino, na nne kumakamula liengo.'' ¹⁸ Bai kwa ligongo lyene Bhayahudi bhashikupunda kupinga kwabulaga, pubha bhanga jitemanya Sabato, pe bali pamoja na gene bhashikwashema a Nnungu ainabhao, bhalikuitenda sawa na a Nnungu. ¹⁹ Bai a Yeshu gubhajangwile, gubhabhala njilenje, Amini, amini, nakumalanjilanga, Mwana akakombola kutenda lilobhe nnyene ila lyelila ambalo lyakwaona ainagwe bhalitenda, kwa maana gowe gakutenda bhene ndiyo gakugatenda mwana nnepeila. ²⁰ Pabha ainamundu bhanakumpinga mwana, na bhalao bhanakunanguya yowe gakugatenda bhaene; hata na liengo likulungwa lyapunda kuliko gene shubhananguye kupinga mmanganya mpatanje kanganigwanga.'' ²¹ Maana malinga atati pakwayuyanga bhawilenje na kwabulaganga, nnepeyo na mwana shakwabulaganga bhebhala akwapinganga. ²² Kabhili atati bhakakungukumula mundu jojowe, bali bhapele mwana hukumu yowe. ²³ Kupinga bhandu bhowe bhangishimunji mwana malinga nneila pakwaheshimunji atati. Hakakungeshimu mwana bhakakwaheshimu atati bhampelesje. ²⁴ Amini, amini, nakumalanjilanga, jwene akulipilikana lilobhe lyangu na kubhaamini bhene bhambeleshe ashikola uzima gwa pitipiti, wala akajinjila kuhukumu, bali hashipita kushoka kuwa kujinjila kuzima. ²⁵ Amini, amini, nakumalanjilanga, saa jinakwiya, na nnaino jipili, bhawa shubhapilikananje sauti ja Mwana jwa a Nnungu na bhebhala shubhajipilikananje shubhabhanganje hai. ²⁶ Maana malinga nneila atati shubhali na uzima, ²⁷ Najwalake gubhampele amri ja tenda hukumu kwa ligongo ni Mwana jwa Adamu. ²⁸ Nnagakangangwanje gene malobhe ga, kwa maana saa jinakwiya, ambayo bhandu bhowe bhalinginji mmakaburi shujipilinanje lilobhe lyao. ²⁹ Nabhalaonji shubhakopokangananje, bhebhala bhatendilenje gambone kwa yuka gwa uzima, na bhebhala bhatendilenje ya ilebho yuka kwa hukumu. ³⁰ Nne ngakombola kutenda lilobhe namwene, malinga pungupilikana ndiyo shungukumiwe,na hukumu jangu nija haki, kwa ligongo ngaloleya manonga gangu nne, bali manonga gao bhambeleshe. ³¹ Nne ng'ong;ondelaga namwene,ukong'ondelo gwangu shubhe ngabha kweli. ³² Apali juna akujikong'ondela, na nne ngumamanya kubha kukongondela kwao kungong'ondela ni kweli. ³³ Mmanganyanji nshikutumanga bhandu kwa a Yohana, na bhalao gubhakongondela kweli. ³⁴ Ikabheje nne ngakuposhela ukong'ondelo gwa binadamu. Ikabheje gunabheleketa agano kupinga mmanganyanji mpatanje kuitapula. ³⁵ Yohana bhenebho pubhaliji shilangaya shikolela na melemeta, na mmanganyanji nshikupinganga kuinonyele mwanga gwao kwa muda. ³⁶ Ikabheje ukongondelo guninago nne ni gwakulungwa kuliko gwegula gwa a Yohana, pabha gegala maengo gambele atati kupinga nigamaliye maengo gene gaene gungugatenda ganngong'ondela ga kuti atati bhashinduma. ³⁷ Nabhalao atati bhambeleshe bhashigongondela. Lisauti lyao mwangapilikananga wakati gogowe, wala kumeyo kwao mwangakuonanga. ³⁸ Wala lilobhe lyao mwangalinji lilitama nkatijenunji, pabha mmanganyanji nkakungamininji jwejula atumilwe na bhalao. ³⁹ Mnakugachunguzanga majandiko kwa ligongo pukuganishianga kuti mnanganyanji nchikolanga uzima gwa pitipiti nkati jake, na gene ndiyo gangong'ondela. ⁴⁰ Wala nkapinganga kwiya kwangune mpatenje kubha na uzima. ⁴¹ Nne ngakuposhela ukonjelo gwa bhandunji, ⁴² Ikabheje njikumanyanga mmanganyanji gabha mwangalinginyi upendo gwa a Nnungu nkati jenunji. ⁴³ Nne njimanya kwa lina lya atati yangu, wala mmanganyanji nkamboshelanga, juna aikaga kwa lina lyake nnyene, shumuposhelanje jwene. ⁴⁴ Nkukombolanga uli kuamini mmanganyanji nkuposhelananga ukonjelo mmanganyanji kwa mmanganyanji, na gwegula ukonjelo ukopoka kwa a Nnungu alijwajika nkaknoleyanga? ⁴⁵ Nnanganishiyanje kuti nne shinishitakianje kwa atati, apali akushitakianga, ndiye a Musa, nkwatumaininji mmanganya. ⁴⁶ Kwa maana kama nkabhamininji a Musa, nkangamininji na nne, kwa ligongo bhene bhashikujandika habari yangu. ⁴⁷ Ikabheje pukagugaamininji majandiko gake, shikaamininji kwei malobhe gangu?