¹ Kwa nneyo bhakulungwa pubhamanyi gabha Mafarisayo bhapilikenenje ga kuti, a Yeshu bhanatenda bhakuijiganya bhabhagwinjwi kuliko a Yohana, na kubhabatisha, ² (Ikabheje a Yeshu bhaene bhangabatisha bali bhakwijiganya bhao), ³ bhashikuleka Uyahudi, gubhapite kabhili mpaka Kugalilaya. ⁴ Na bhalao pubhaliji bhangali budi kupita pakati pakati ja Samalia. ⁵ Bai gubhaishe kunako shilambo sha Samaria, gushemwa Sikari, tome na gwegula nngunda ambalo a Yakobo bhashikumpa Yusufu mwanagwao. ⁶ Na peneno pashikupangwa na liko lya a Yakobo.Bai a Yeshu kwa ligongo bhashikutotoshela na mwanja gwao, gubhatemi nne pei pa liko. Na jalakwe pujiliji ishila malinga saa sita. ⁷ Gwaishe jwankongwe Msamaria kuteka mashi, a Yeshu gubhamalanjile, mmba mashi mbapile.'' ⁸ Kwa maana bhakwijiganya bhao bhashikwendangana kumbwani kuuma shalya. ⁹ Bai jwejula jwankongwe Msamria gwabhabhalanjile, Ishibha uli ugwe Guyahudi kupinga mashi kwangune, na nne ni jwankongwe jwa Kisamaria? (maana Bhayahudi bhakaanganikana na Bhasamaria). ¹⁰ Yeshu gubhajangwile, gubhamalanjile, malinga ukamanyi karama ja a Nnungu, ni gani akubhalanjila, mmbu mashi mbapile, ukajujile na jwalale, na jwene akakupele mashigali hai.'' ¹¹ Jwejula jwankongwe gwabhabhalanjile, mmakulungwa, mwangali shindu shateshela, na liko ni lyalileu; bai kugapatile kwei gene mashi gali Hai? ¹² Buli mmwe ni mmakulungwa kuliko aina bhetu a Yakobo, bhatupele lyene likoli, na bhalao bhaene ningwa mashi gake, na ashibhana bhao kabhili, na bhanyama bhao?'' ¹³ Yeshu gubhajangwile, ''Gubhamalanjile, kila apapila gene mashigo akaona nnjota kabhili, ¹⁴ Walakini jojowe shapapile gene mashi shinimpe nne hakaona nnjota pitipiti; bali gene mashi shinimpe shigabhe nkati jake shemshemi ja mashi, galijitika uzima gwa pitipiti.'' ¹⁵ Jwejula jwankongwe gwabhabhalanjile, mmakulungwa,mmbe gene mashigo ngunaona nnjota, wala ngunaishe hapano kuteka.'' ¹⁶ Yeshu gubhamalanjile, jenda ukasheme ambujego, uwishe nagohapano.'' ¹⁷ Jwejula jwankongwe gwajangwile, gwabhelekete, nangali bhalume. Yeshu gubhamalanjile, ushibheleketa mmbone, nangali bhalume,' ¹⁸ Kwa maana bhukwete bhalume nngano, na jwejula julinago nnaino ngabha mbujego; penepo ushibheleketa kweli!'' ¹⁹ Jwejula jwankongwe gwabhabhalanjile, mmakulungwa punguona ya kubha mmwe bhakulondola. ²⁰ Ashainabhetu bhashikuabudunji katika shene shitumbi shino, na mmanganyanji nnabheleketanga ga kuti kweneko Kuyerusalemu ni mahali putupinjikwa kuabudia.'' ²¹ A Yeshu gubhabhalanjile amama, nngamini, saa jinakwiya ambayo nkabhaabudu atati katika shene shitumbishi wala kwekula Kuyerusalemu. ²² Mmanganyanji mnaabudunji shikakushimanyanga; uwe tunaabudu tukushimanga; pabha ntapulo kukukopoka Kubhayahudi.'' ²³ Ikabheje saa jinakwiya, na jalakwe saa jipali, ambaya bhaabudunji halisi shubhaabudunji atati katika mbumu na kweli. Kwa maana atati bhanakwaloleyanga bhandu malinga bhene bhakwaabudunji. ²⁴ Nnungu ni mbumu, na bhalaonji bhakwaabudunji bhene inapinjikwa bhaabudu katika mbumu na kweli.'' ²⁵ Jwejula jwankongwe gwabhabhalanjile, ngunamanya ga kuti anakwiya Masihi, (ashemwa Kristo); na jwalake papingakwiya apinga kutuunukulila mambo gowe.'' ²⁶ Yeshu gubhamalanjile, nne ngubheleketa na ugwe,ni nne.'' ²⁷ Mara jene gubhaikengenenje bhakwijiganya bhao, gubhakanganigwenje kwa ligongo bhatenda bheleketa nakajwankongwe; ikabheje jwakwa abhelekete, nkuloleya nndi?'' Au ''mbona mnabheleketa nago.?'' ²⁸ Bai jwejula jwankongwe gwaleshile lulo lwake, gwaijendelele kunjini, kukwabhalanjilanga bhandu, ²⁹ ''Nnjiangananje, kumunolanje, mundu amalanjile mambo gowe nigatendile. Buli ikaaminika jweneju kubha ndiye Kristo?'' ³⁰ Bai gubhakopokengenenje kunjini, gubhaninje ndelelenje. ³¹ Kwene kunyuma bhakwijiganyanga gubhashondelesheye bhalibheleketanga, Rabi, nlye.'' ³² Nne njikola shalya shikakushianyanga mmanganyanji.'' ³³ Bai bhakwijiganya bhao gubhajalulene, buli mundu ashikwapeleshela shalya?'' ³⁴ Yesu gubhabhalanjilenje, shalya shangundicho hashino, nigatende manonga gao bhambeleshe, ngalimaliye liengo lyao. ³⁵ Nkabheleketenga mmanganyanji, bado myua ncheshe, ndipo pugakwiya maneng'eno?' Nnolanje, nne nakumalanjilanga, nnjinulanje meyo genunji nnjilolanje migunda, gabha gamalile kubha ganawe, tayari kwa maneng'eno! ³⁶ Na jwalake shaneng'ene shaposhele nshahara, na konganya iepo kwa uzima gwa pitipiti, kupinga jwene apanda na jwene aneng'ene bhapatanje kuinonyela pamo. ³⁷ Kwa maana penepo lyene lilobhelyo hubhalya kweli, jumo anapanda ninengena juna.' ³⁸ Nne natumilenje nnengenenje gegala mwangagalajililanga; bhanaji bhashikulaganga, na mmanganyanji nchijinjilanga katika taabu jaonji.'' ³⁹ Na katika gwene mji gula wasamaria bhabhagwinjinji bhashikungamininji kwaligongo lya lilobhe lyakajwejula jwankongwe, akong'ondele kuti, ashimalanjila mambo gowe nigatendile.'' ⁴⁰ Bai bhebhala Wasamaria pubhanjendelelenje, bhashikushondelesheyanga atame kungwaonji, na bhalao gubhatemi kwene moga gabhili. ⁴¹ Bhandu bhabhagwinjinji bhapunda bhashikuaamininji kwa ligongo lya lilobhe lyake. ⁴² Gubhamalanjilenje jwejula jwa nkongwe, nnaino tunaamini, wala ngabha kwa ligongo lya malobhe gako pe; nmaana uwe tushipilikana twashaene, kabhili tunamanya kubha hakika haju ndiye ntapulo gwa shilambo.'' ⁴³ Na baada ja moga kabhili go gwajawile kwene, gwapite Kugalilaya. ⁴⁴ Kwa maana A Yeshu bhaene bhashikushondelesheya ga kuti nkulondola akapata heshima katika shilambo shake nnyene. ⁴⁵ Bai paishe kugalilaya, Bhakugalilaya bhashikuposhelanga, pabha bhashikugaonanga mambo gowe gagatendile kwene Kuyerusalemu makati ga sikukuu; maana na bhalanji bhashikujijendelanga sikukuu. ⁴⁶ Bai bhashikuika kabhili kana ja Kugalilaya, pene pagatendele gene mashi kubha divai, na pashikubha na diwani jumo ambaye mwanagwe hakakombola kwene ku Kapernaumu. ⁴⁷ Jwene papilikene ga kati a Yeshu bhashikwiya kukopoka Kuyahudi mpaka Kugalilaya, gubhajendele ni kwashondelesheya bhaulushe na bhakamanywe mwana gwe; kwa maana paliji kuwa. ⁴⁸ Bai Yesu gubhamalanjile, nkaonanje ishara na maajabu nkaaminnje kaje. ⁴⁹ Bhebhala adiwani gubhabhalanjile, ''Mmakulungwa, nngulushe anawa mwanajwangu.'' ⁵⁰ Yesu gubhabhalanjile, nnjende, mwanangwenu jwa nkoto, bhebhala bhandu bhala gubhasadiki lyelila lilobhe lyubhabhala njilwe na Yeshu, na bhalao gubhakamwile mpanda. ⁵¹ Hata pubhaliji bhaliluka, bhabhanda bhao bhashikwalaki, bhalibheleketanga kuti mwana gwenu jwankoto. ⁵² Bai gubhaushienje bahari ja saa jatandwibhe kubha hajambo, na bhalaonji gubhabhalanjilenji, liyo, saa saba, homa gujinneshile.'' ⁵³ Bai ainangwe gubhamanyi gabha ni saa jilapehila jubhabhalanjilwe na Yeshu, mwanagwe nu jwa nkoto. Gubhaamininji bhene na bhowe bhannyumba jao. ⁵⁴ Jene ni ishara jabhili jubhajitendile a Yeshu, pubhaliji bhakopweshe Kuyahudi kuika Kugalilaya.