¹ Kwa nneyo mmanganje bhandu bhakukagulanga Nnungu, malinga bhana bhao bhakwapinganga. ² Ng'owanje katika kupingana, nnepeila malinga a Kristo shubhatupinjile uwe, bhashikwishoya bhaene kwa ajili jetu. Bhenebho bhashikubha sadaka ja mbepe, kubha na liumba lyammbone lyakunonyela Nnungu. ³ Zinaa na uwekwa gogowe na ilokoli yanyata lazima inalugulwe kati jenunji, malinga shikupinjikwa kwa bhakung'amininji, ⁴ wala ya shimwa kunalugulwe, yakungulunga ya shipumbafu, au mbenji yatokomaya ambayo ngabha sawa, badala jake jipagweeja. ⁵ Shikombolanje kubha na uhakika gwa kuti ishipagwa zinaa, uwakwa, wala alokolila jwenejo jwa abudu shanamu, angali urithi gogowe katika ukulungwa gwa Kristo na aNnungu. ⁶ Mundu jojowe anakutembe kwa malobhe gayoyo, kwa ligongo ga mambo genega nnjasha ja aNnungu inakwiya panani pa bhakakumpilikananga. ⁷ Nneyo bhajangutana pamoja najo. ⁸ Pabha mmanganyanji ndandubho nshiku kubhanganga lubhindu, ikabheje nnaino nshi bhanganga shilangaya katika Bhakulunga. Kwa nneyo nng'owanje malinga bhana bhahilangaya. ⁹ Pabha iyepo ya shilangaya inalundanya kukonja kowe, unguja na kweli. ¹⁰ Loleya sheshila shikwanonyela Bhakulungwa. ¹¹ Unapagwe ushirika katika liengo lya lubhindu yangali iyepo, badala jake ubhishe nngwee. ¹² Kwa ligongo indu itendeka na bhanganyanji yakuiya ni oni kaje hata kugatagulila. ¹³ Mambo gowe, pugaundukulwa na shilangaya pugabha nngwee, ¹⁴ pabha kila shindu shiundukwile shinabha pa shilangaya. Nneyo palugula nnei, "Jumuka, ugwe ugonile, na jinuka kushoka kubhawa na Kristo shubhamelemete panani jako." ¹⁵ Kwa nneyo mmanganje bhatetelesheanga namna shing'owanje, nnabhanganje malinga bhandu nkaelewanga bali mmanganje bhaelewanga. ¹⁶ Nnitapulanje lipesha pabha moga ni ga ilebho. ¹⁷ Nnabhanganje bhajinganji, bada jake, mmanyanje nndi manonga ga Bhakulungwa. ¹⁸ Nnakolelwanje kwa ukana, unalongoya kuhangabhanya, badala jake ngumbayanjwa na Mbumu ya Ukonjelo. ¹⁹ Nkungulukanje na kila jumo jwenunji kwa zaburi, na nng'inishio, na nyimbo ya mmbumu. Nnjimbanje na nng'inyanje kwa mutima gwa Bhakulungwa. ²⁰ Daima nntende eja kwa indu yowe katika lina lya Kristo Yeshu Bhakulungwa bhetu kwa a Nnungu. ²¹ Mwishoyanje ashaenenji kila jumo kwa kanjake kwa lunda lwa Kristo. ²² Ashimama, mwishoyanje kwa shimbuje bhenu, malinga Bhakulungwa. ²³ Kwa ligongo ambujebhenu ni ntwe gwa bhakongwe, malinga aKristo pubhali ntwe gwa likanisa. Ni ntapulo gwa shiilu. ²⁴ Ikabheje malinga likanisa pulili pai ja Kristo, Nnepeyo bhanabhakongwe lazima bhatendanje nnepeyo kwa shimbuje bhao katika kila shindu. ²⁵ Ashibaba, mwapinganje ashakongo bhenunji malinga nneila aKristo shubhalipinjile likanisa na kuishoya bhaene kwa ajili jao. ²⁶ Bhashikutenda nneyo kupinga libhe lyakonja. Bhashikulikonjeya kwa kulishapa kwa mashi katika nnilobhe. ²⁷ Bhashikutenda nnei kupinga bhakombole kuipeleka bhaene likanisa lya ukonjelo pangali lilemba wala shigwegwe au shindu shikandana na genega, badala jake ni lya ukonjelo lyangali ilebho. ²⁸ Kwa mpanda gula pegula ashibaba bhana apinjikwanga kubhapinganga ashakongobhao malinga iilu yaonji. Jwejula akumpinga nkagwe anakuipinga nnyene. ²⁹ Jwakuwa hata jumo akushishima shiilu shake. Badala jake, anakushikonjelela na kushipinga, malinga aKristo kabhili pubhalipinjile likanisa. ³⁰ Pabha uwe tubhalunda shiilu shao. ³¹ "Kwa ligongo lyeneli bhanabhalume shubhale kanje ainabho na anyinabhao na shubha lundane na akongobhao, na bhene bhabhili shubhawanganje shiilu shimo". ³² gwenegu pugwaliji ushiiywa. Ikabheje pumelekete kuhusu aKristo na likanisa. ³³ Ikabheje, kila jumo jwetu lazima ampinje nkagwe malinga nnyeme na bhakongwe bhaheshimu ambuje bhao.