¹ Malinga nneila pumwalinginyi nng'wi lenje katika mwilebho na yambi yenunji. ² Puyaliji katika genega kuti ndandubha nshikwendangananga kulingana na makati ga shilambo ashi. Ishikubha ntendakwendangananga kwa kagula bhakulungwa bha mamlaka ga anga. Jeneji ndio pumu jake jwejula akamula liengo katika bhana bhatendeukanga. ³ Uwe tubhowe penepo ndanduho tushikubha nkati mwa bhanganyanji bhakaamininji. Tushikubha tutendakamula kwa namna ja ilokoli ya ibaya kwa iilu yetu. Tushikubha tutendatenda manonga ga shiilu na kumanya kwetu. Tushikubha kwa asili bhana bha nnjasha malinga bhananji. ⁴ Ikabheje a Nnungu bhashibha gwinji jwa leshelela kwa ligongo lya kutupinga kwao kukulungwa kwatupinjile uwe. ⁵ Makati putwaliji tubhawa katika ilebho yetu, bhashikutupeleka pamo katika maisha gampya nkati ja Kristo. Ni kwa mboka nshitapulwanga. ⁶ A Nnungu bhashikutuyuya pamo katika mahala pa kumbinguni nkati ja Kristo Yeshu. ⁷ Bhashikutenda nnei kupinga katika makati gakwiya bhakombole kutulanguya njuluka ya ukulungwa gwa mbokaka yake. Bhashikutulanguya uwe alino kwa mpanda gwa shia yao nkati ja Kristo Yeshu. ⁸ Kwa mboka nshitapulangwa kwa mpanda kwa ngulupai. Na jeneji jangashokana kukwetu. Ni upo jika Nnungu. ⁹ Jikashokana na itendi. Matokeo gake, anapagwe jumo jwa kwihinya(kuilumbilila). ¹⁰ Kwa ligongo uwe tubhaliengo lya Nnungu, tushigumbwa katika Kristo Yeshu kutenda itendi ya mmbone. Ni yene itendii ambayo a Nnungu bhashikubhika tangu ukala gwa kabha kwa ajili jetu, kupinga tuowe katika yenega. ¹¹ Kwa nneyo nkumbushilanje kubha ukala mshiku bhanganya bhandu bha mataifa kwa namna ja shiilu. Pungushemwanga "mwangajalukanga" kwa sheshila shishemwa kujaluka kwa shiilu jikamulwa na makono ga bhandu. ¹² Kwa makati gene nshikubhikwanga panyenje na Kristo. Mshikubhanganga bhajeninji kwa bhandu bha Israel. Nshikubhanganga bhajeni nji kwa malagano ga lumbila. Mwangakolanga uhakika gwa makati gakwiya. Nshikubhanganga gwa ngali Nnungu katika shilambo. ¹³ Ikabheje nnaino katika aKristo Yeshu mmanganyanji ambao pene ndandubho nshi kubhanganga kwa talika naka Nnungu nshipelekwanga tome naka Nnungu kwa minyai ja Kristo. ¹⁴ Kwa maana bhenebho ndio ngulupai yetu. Bhashikutenda bhabhili kubha jumo. Kwa shiilu shao bhashikuangabhanya likumba lya gabhanya ambao ushikutubhika panyenje na bhaligongo. ¹⁵ Kwamba bhashikumalisha amri na kanuni kupinga bhagumbe mundu jumo jwa mpya nkati jao. Nibhika ulele. ¹⁶ Bashikutenda nnei kupinga kugalundanya makundi gabhili ga bhandu kubha shiilu shimo kwa Nnungu kupitila msalaba. Kwa mpanda gwa msalaba bhashikuiya umagongo. ¹⁷ A Yeshu bhashikwiya na tangasha ulele na ubhe kukwenunji mmanganyanji nninginji kwa talika na ulele gwaonji bhalinginji tome. ¹⁸ Kwa maana kwa mpanda gwa Yesu uwe tubhowe bhabhili tushikola lipesha kwa jwejula Pumu jumo kujinjila kwa Atati. ¹⁹ Kwa nneyo bai mmanganyanji bhandu bha mataifa nngabha bhasafiri na bhajeninji kabhili. Bali bhaenenji shilambo pamo na bhanganyanji bhanganyanji bhabhishilenjwa panyenje kwa ajili jaka ²⁰ Nnungu na bhantenga katika nyumba ja a Nnungu. Nshishengwanga panani pa msingi kwa ashikatumetume na bhalondola. A Kristo Yeshu bhaene pubhaliji liganga likulungwa lya panyenje. ²¹ Katika bhenebho lijengo lyowe lishilunda nywa pamo na kula malinga hekalu nkati ja Bhakulungwa. ²² Ni nkati jake mmanganyanji mmanganyanji nshishengwanga pamo malinga mahali pa lonjela pa aNnungu katika Mbumu.