¹ Na nnaino ashapwanga, Nntujujilanje kuti lilobhe lika lya bhakulungwa likombole kujenela na kunywa kama shinihitebha na kungwetu. ² Tujuje ili tukombole kujololwa kushoka katika yunaulu na bhandu wangalibhambone, pabhangabha bhowe, bhakulupalilanga. ³ Ikabheje bhakulungwa ni bhambone, na shibhangimarishe mmanganyanji na kunindilanga kushoka kuka nandenga. ⁴ Tunakombola kwa bhakulungwa kwa ajili jetu, kuti nnakamulanga na nnaendelea nga kukamula gawe gutulajila. ⁵ Bhakulungwa bhakombole kutulanguya mitima jetu katika pingana na katika kuipililila kwa Kristo. ⁶ Nnaino tunakwalajilanga, ashapwetu, katika lina lya Bhakulungwa A-Yesu Kristo, kuti mukwepanje kila mpwako atama maisha ga ukata na nngabha kwa desturi jimposhele nje kushoka kungwenunji. ⁷ Pabha mmashaenenji muumaanyinji ya mbone. Mmanganya kutukaguyakwe. Twangalama nkati jenunji kama bhenanganya bhala bhakanakolanga adabu. ⁸ Na twangalya shalya shikamundu jojowe bila kushilipila. Badala jake, tushikukamula maengo shilo na mui kwa liengo lya ukomu kwa mashili, ili tunabhe nchigo kwa jojowe kwa kwa mmanganyanji. ⁹ Putwateile nnei nngaa kwa ligongo twangali uwezo. Badala jake, tushikutenda nnei ili tubhe mfano kwenunji, ili nnukaguyanje uwe. ¹⁰ Putwaliji na mmanganyanji twannajienje, "Na kama jumo jwenunji akapinga kamula maengo, na analye." ¹¹ Pabha tunapilikana kuti baadhi bhanakwendangana kwa ukata nkati jenenji mo. Phakakamulanja maengo ikabheje badala jake ni bhandunji bhangalinginji bhambone. ¹² Nnaino bhenanganya bho tunakijia na kwalugulilanga kwa bhakulungwa A-Yesu Kristo, kuti lazima bhakamula nje liengo kwa shinunu na laya shalya shabhonji asheyene. ¹³ Ikabheje mmanganyanji, ashapwanga nnaondokanje ntima katika kukamula gali gabhone. ¹⁴ Ibhaga mundu jojowe akapinga kukamula lilobhe lyetu katika jene barua ji, mmanganje makini najo na nnakolanje na ushirika najo ili okole honi. ¹⁵ Nnanjigalanje kama nnchipwatanga, ikabheje munkalinilanje kama mpoe nunji. ¹⁶ Bhakulungwa bha ulele bhayene bhampanganje ulele moga gowe katika mipanda jowe bhakulungwa baibhe na mmanganyanji mmowe. ¹⁷ Jenejo ni salamu yangu, Paulo, kwa mkono gwangu na mwene, jeneyo ni alama katika kila barua. Jenejo ndio punyandishe. ¹⁸ Mboka ja bhakulungwa bhetu A-Yesu Kristo jibhe na mmanganyanji mmowe.