¹ Paulo, Silwano, na Timotheo kwa likanisa iga Wathesalonike katika Nnungu Awawa yetu na Bhakulungwa a Yesu Kristo. ² Shikono na jibhe kukwenunji na kwa Bhakulungwa A-Yesu Kristo. ³ Tunapingwa kwe kumushukuru Nnungu moga gowe, kwa ajili jenunji, asharavanga, ni nnei puiningwa, pabha uleleche gwetu ushikula kaje, na pingana kwetu kila mundu ujenjesheieshe gwangwinji. ⁴ Nneyo uwe twashayene shitukungulushe kwa kunumbililanga kukwemwiyi katika makanisa ga ka Mungu. Tunakunguluka malonji ga saburi jenu na imani jingwete nne katika mboteko jowe. Tunataya kwa malonji ga mboteko jikwikaka timilanga. ⁵ Jeneji ni alama ja hukumula ja unguja kuka Nnungu. Matokeo ga genega mmanganyanji mmlanganganywe kubha nnipinjikwa kujinjila ku likulungwadika Nnungu ambako kwa ajili jake imapotekwanga. ⁶ Pabha ni unguja kukannungu kwalipanga mbateko bhebhala bhakumpotekaga mmanganyanji, ⁷ na kumpanganga raha mmanganyanji nkupote kwanga pamo na mmanganyamji hashatende nnei moga ga unukulwa kwa Bhakulungwa a Yesu kushoka kuliunde pamo na utumetume bhaka Nnungu bhakombola kwake. ⁸ Pakati mkongo gwa moto shabhalipanje kisasi bhananganyanji bhakakummanyanga Nnungu na bhaka pilikananga injili ja Bhakulungwa bhetu a Yesu. ⁹ Shibhalaganje kwa shilaje shapitipiti bhali bhabhilile njwe panyenje na Ukulungwa gwa hashipanganya na mashili na ukulungwa gwabho. ¹⁰ Shibhatende moga gushibha ishe ili kulumbililwa na bhandu bhake na kanganigwa na bhowe bhaaminnji. Kwa nneyo ushuhuda gwetu kugwenunji ushikuhaminika kugwenunji. ¹¹ Kwa nneyo tunakung'ombeanga moga gowe. Tuna juga kwa hashipanganya kuti bhapate kutenda kila shindu shambone na liengo lya imani kwa mashili. Tunajuga agamalobhe ga ili mpatanje kukuya jina lya Bhakulungwa A Yesu. ¹² Tunajuga kwamba mpatanaje kukuywa nabho, kwa ligongo lya shikano shika Nnungu na Bhakulungwa A Yesu Kristo.