¹ Buli kavili tuandamuka kuiinya twashing'ene? Tukapinga balua ja mapendekezo kunngwenunji au kopoka kunngwenunji, mbuti baadhi ja vandu, buli tuwapinga? ² Mmanganya ashinng'ene ni balua ja mapendekezo jijandishwa mmitima jetu, jimanyika na asomwa na vandu vowe. ³ Na nnangulanje kuti mmanganya ni balua jakupoka kwa Kristo, jishoshiwe na uwe. Jishikujandikwa nngaa kwa wino ikave kwa mbumu ya Anungu valivavakoto. Jangajandikwa pantundu shibao sha maganga, ikave pantundu shibao sha mitima ja vandu. ⁴ Na gwenegu ndio ushili gutunavo katika Annungu kupitila Kristo. ⁵ Tukakwiamini twashivayene kwa longa shoshowe kushoka kunngetu. Badala jake, kuiamini kwetuwe kukukopoka kwa Annungu. ⁶ Ni Annungu vatutendile tukombole kuva vatumishi va liagano lya yambi. Lyeneil ni liagano nngaa lya balua ikave ni lya Mbumu. Ikaveje mbumu inashoya kulama. ⁷ N'nnaino liengo lya sliwa shaveshiywe katika elyi pa ntundu maganga pujaishe kwa namna ja nng'inio mbuti vandu vaku Israeli vangalolanga shenyi sha Amusa moja kwa moja. Jeneji ni kwa ligongo lya nng'inio gwa shenje shake, nng'inio gwaliji ulititinula. ⁸ Buli, liengo lya Mbumu likava na nng'inio gwapuda? ⁹ Pava ivaga huduma ja hukumu pujaliji na nng'inio ni palingwa puda huduma ja punda kaje katika nng'inio! ¹⁰ Ni kweli sheshila, shitendilwe nng'inio kamo shangali nng'inio kavili katika lwene lunda lu, kwa ligongo nng'inio upunda. ¹¹ Pava ivaga sheshila pushaliji shapita shaliji na nng'inio, ni kwa kiasi jeshi ja punda sheshila ambasho ni shadumu shishive na nng'inio! ¹² Kwa nneyo pava tunakuiamini, tushikola mashili kaje. ¹³ Twangova mbuti Musa, avishile utaji pantundu shenyi shake, ili kuti vandu Vaisraeli navakombolanje kulola mojamoja kumpelo gwa nng'inio gwaliji unishoka. ¹⁴ Ikaveje ng'anio yaonji puyaliji ishikutavwa. Ata mpaka lyuvalya utaji gulagula pa gula bado unaigala pantundu usomaji gwa liagano vukala. Jinakavevikwa mwalanga, kwa ligongo ni kuti Kristo jikape apeleke kwa talika. ¹⁵ Ikaveje ata lelo, mda gogowe gwa somwa Musa, utaji unatama pantundu mitima jaonji. ¹⁶ Ikaveje mundu patendeuka kukajwankulungwa, utaji inashoywe. ¹⁷ N'naino jwankulungwa ni Mbumu. Puili na Mbumu ya Wankulungwa, pashipagwe uhuru. ¹⁸ N'nnaino uwe tuvowe, pamo na yenyi yangavikwa utaji, tunakuiona ng'inio ya ya Vankulungwa. Tunatindiganywa nkati gwa ng'inio kupoka shahala jimo ja ng'inio kwenda jinape, ivaga pwili kukopoka kwa Nkulungwa, ambaye ni Mbumu.