¹ Jejino mala ja tatu nilikwiya kunngwenunji. "Kila lishitaka punda lishengwe na ukong'ondelo gwa mashaidi vavili au vatatu." ² Nne melekete kwa venevo vatendilenje ilevo kabla na kwa vananji vowe wakati punaliji kweneko mala ja vili, na ngunaveleketa kavili: Pushing'ishe kavili nganpilililanga. ³ Nakummalanjilanga mmanga lyeneli kwa ligongo, nnaloleyanga ushiaidi kuti Kristo ashiveleketa pitila nne. Jwenejo nngee dhaifu kunngwenunji, badala jake, jwenejo ni akwete mashili nkati mwenunji. ⁴ Pava ashikusulibiwa katika udhaifu ikaveje jwankoto kwa mashili ga Annungu. Pava uwe pia tuvadhaifu nkati jake, ikaveje shitutamenavo kwa mashili ga Annungu miongoni mwenunji. ⁵ Muiangalianje mwashinnyene nnolenje ivaga nninginji katika kulupalila. Muipimanje mwashinnyene. Nkang'emulanga kuti Yesu Kristo eli nkati mwenunji jwenejo apali, ivaga nkavethibitishwa. ⁶ Na njikola mashili kuti mmanganya nkupinganga mulanga kuti uwe twangankanwa. ⁷ Nnaino tunafuga kwa Annungu kuti nnakombolanje kutenda shoshoe shanyata. Ngajuga kuti uwe tukombole kuvoneka tushipila lingwa, badala jake ngunajuga kuti nkombolanje kutenda shilishanmbone, ikave tunakombola voneka tushilepela lingwe. ⁸ Pava uwe tukakombola kutenda lyolyoe shilinyuma na kweli, ikaveje ni kwa ajili ja kweli pe. ⁹ Pava tunakuinonyela wakati putuvha dhaifu mmanganya nninginji na mashili. Pia tunajuga kuti nkombolanje kutendwa mmavakamilikanje. ¹⁰ Nakujandika gene mambo ga nilikwetalika na mmanganya, ili kuti wakati magaga mpamo na mmanganya ngapinga nin'ngulanje kuvava mmanganya. Ngapinga kutumia mamlaka gambele nne jwa N'kulungwa nin'chenganje na nngae kunng'alivlia pai. ¹¹ Mpelo, mpwangwa jwa nnume na jwankongwe, muinonyelanje! ntendanje liengo kwa ajili ja mavuyo, ntaganjwe mia, nkubaliane ashinnyene kwa ashinnyene, ntamangane kwa ulele. Na Nnungu jwapinga shava pamo na mmanganya. ¹² Nsalimiananje kila jumo kwa busu ja takanyolo. ¹³ Waumini vowe vanakunsalimunji. ¹⁴ Shikono sha Vakulungwa Ayeshu Kristo, kupinga kwa Annungu, na ushirika gwa Mbumu ya ulonyelo iuve pamo na mmanganya mmowe.