¹ A Paulo, antume va aYeshu Kristo kua manong'a ga Ashipanganya, na apwatu aTimotheo, kwa likanisha lya Ashipanganya liliku Korintho, na vaamininji vowe valinginji mu mkoa goe gwa Akaya. ² Nema na jive kunngwanunji na ulele gwa kupoka kwa Ashipanganya Avava vetu na Vakulungwa aYesu uKristo. ³ Na valumbililwe Ashipanganya na Avava va Vakulungwa Ayeshu Kristo. Venevo ni Avava v leshelwa faraja joe. ⁴ Ashipanganya vana kutupaliji uve nmbatekio yetu yowe, numbe uwe tukombole kwafarijinji valinginji nmboteko. Tunakwafarijinji vananji kwa faraja jilapejila ja Ashipanganya jivatumie kutufajiri uwe. ⁵ Pava ivage mapoteko gegala ga Kristo ganajenjesheka kwa ajili jitu, nnepeila faraja jinajenjesheka pitila kwa aKristo. ⁶ Ikavye ivaga tun'tabishwa kwa ajili ja faraja jenunji na wokovu gwenunji. Na ivaga tunafalijiwa ni kwa ajili ja falaja jenunji. Falaja jenunji jinatenda liengo lyatimilila pankushiliki mapoteko kwa kwipulilila ivaga uwe nauwe pututokoteka. ⁷ Na ujasiri gwetu juu jenunji ni gwakamilika. Tunamanya mbusi ivaga nnashikinji mboteko, nnepeila nnashilikinji falaja. ⁸ Pava tukapinga mmanganya mwe mmanganje mmajinga, apwanga, kene ku Asia. Tushikuvonelwa zaidi ja pepele putukombola kujamula, mbutitukakweteje litumaini lya tama kaili. ⁹ Kweli, putweliji na hukumu ja shiwa juu jetu. Ikaveje jenejo pujeliji ni kutenda uwe tunavishe tumaini juu jetu twashivaene, badala jakwe tuvishe kwa Annungu, vayuya vawilenje. ¹⁰ Vashikutookoa uwe gwa kopoka mmaaja ga mauti, na shivatuokoe kavili. Tushirika ujasiri gwetu kwa venevo kuri shivatuokoe kavili. ¹¹ Shaatende nnei ivage imeila mmanganya shikutijangutiasho kwa katika kujuga kwenunji. Kwa nneyo vvajinji shivashoyanje shukulani kwa niaba jetu kwa ajili ja upendeleo gwa nema jitupegwile uwe kupirila kujuga kwa vavajinji. ¹² Tunakupunile lili: ushuuda gwa tumbilila kwetu. Pava ni katika nia ja konja na ukonje gwa Annungu mbuji tushikwenda twashinng'ene kushilambo. Tushitenda nnei hasa na mmanganyanji, na nngava hekima ja shilambo, ikaveje badala jake katika mboka ja Annungu. ¹³ Tukakunjandishilanga shoshowe shinkakushikombolanga kushoma au kushielewa. Njikolamashili ¹⁴ mbuti mmalilenje kutuelewa. Na njikola mashili kuri katika lyuva lya Nkulungwa tuipinga na ligongo lyenunji kwa ajili ja nnjimwa jenunji, ivaga nneo pushimmanganje kunngwetu. ¹⁵ Kwa lyane ligongo li nakwefye mashili kuusu lyeneli, napinjile kwanza kwiya kunngwenunji, ili kuti nkombolanje kuposhela kupata kwa oelwa pavili. ¹⁶ Natenda panga kunng'owelanga wakti nilielekea ku Makedonia. Kavili njikupinga kunng'owelanga kavili wakati nilivuja gwa kopoka ku Makedonia, na kisha mmanganya ni nduma nne wakati nilieleyekea kulu Yaudi. ¹⁷ Punaliji niliganishia jene nammaji, buli, punaliji nilistasta? Buli nilipanga indu na iwango ija shigundu, ili kuti melekefe "Elo, elo" na "Nngava, nngava" kwa wakati gumo? ¹⁸ Ikaveje ivaga nnei Nnungu, shali jwa aminika, tukaveleketa yowe "Elo" na "Nngava." ¹⁹ Pava mwana jwa Anungu, Yesu Kristo, ambaye Silvano, Timotheo na nne tushikwangaza mmiongoni mwenunji, nngava "Elo" na "Nngava." Badala jake, jwenejo muda gowe ni "Elo." ²⁰ Pava ahadi yao yowe ya Annungu ni "Elo" kwa venevo. Kwa nneyo pitila venevo tunaveleketa "Amina" kwa ng'inio ya Annungu. ²¹ Nnaino ni Nnungu akutukong'ondila uwe pamoja na mmanganyanji kwa Kristo, na atutumile uwe. ²² Ashikuvika muhuri juu jetu na Ashikutupa mbumu katika mmitima jetu mbuti dhamana ja sheshila shapinga kutupa baadae. ²³ Badala jake, nakunjunga Nnungu anjudie nne kuti ligongo lindendile ngunajie ku Korintho ni kuti kunanyeng'oyanje mmanganyanji. ²⁴ Jeneji nngave kwa sababu tunalinga kuivila imani jenunji pujipingwa jiwe. Badala jake tutenda pamope na mmanganya kwa ajili ja furaha jenunji, kama shinkujimangana katika imani jenunji.