¹ Nnoleyanje ukonjole na kupinga kaje makavama ja ntima, zaidi kaja mpatanje kashoya kulondola. ² Maana jwenejo aveleketa kwa shilugha paveleketa na vandu. Ikaveje paveleketa na Ashipanganya. Kwa nneyo jwakapi akwimanya kwa sababu anaveleketa hindu yakwihiya pamo na Mbumu. ³ Lakini jwenejo hashoyo kulondola anaveleketa na bhandu kwa ajili jakwajenga na kwatanga ntima na kwafarijinji. ⁴ Na jwenejo avelekata shulugha anakwijenga nngene, lakini jwenejo ashoyo kulondola anakulijenga sinagogi. ⁵ Lelo napingaa mmanganya mmohe mmeleke kwa shilugha. Kwa nneyo zaidi jajenejo napinga nchoyanje kulondola. Jwenejo ashoya kulondola jwankulungwa kuliko jwenejo aveleketa kwashilugha (labda apagwe jwatafasiri), ili sinagogi lipate kwifunza/kwijiganya. ⁶ Lakini kwa nneyo ashakala na ashalumbwangu gikaga kugwenu na veleketa shiluga, shinilunganje shindu shashi? Ngakombola, ikapagweje shimelekete na mmanganya kwa njia jashihango na kwa njia ja lunda, au kulondola, au kwa mpanda gwalunganya. ⁷ Ikaveje hindu yangali kulama kama filimbi na shinubi hikashoye lilove la tofauti, ishimwimanje na shombo shashi shingandwa? ⁸ Kwa maana balagumu jigombwaga lilove jangajulika, na kwanamna jashi mundu shahimanye kuva hagumo muda gwa ngondo? ⁹ Nnepeyo mmanganya lulimi liyangali la dhahili, jinsi shashi mundu shaelewe shinkuveleketanga? Shimanyanye shinkuveleketa, na jwakapi shaelewe. ¹⁰ Jwakapi jishiipangwa lughaa janjigwunji kila mahali pashilambo, najwakapi hata lugha jangali jambone. ¹¹ Lakini mwanaga ngahimanya maana ja lugha shimenanjeni kwa jwenejo haveleketa najwaveleke shabhe nnjeni kwangu. ¹² Mnepeyo na mmanganya. Pava nnapinganga kaje kulola kuthibisha kwa Mbumu, mpinganje mzidinji kaje kwijenga sinagogi. ¹³ Na jwenejo aveleketa kwa shilugha hajuje kuveleketa kwa shilugha ajuje kutafasiri. ¹⁴ Kwa nneyo nyugaga kwa kilugha, mtima gwangu hunajuga, lakini lunda lwangu lwa ngali matunda. ¹⁵ Ndende hindi shinyuje kwa ntima gwangu ingala nneyo shinyunje lunda lyangu. Shinyimba kwa ntima gwangu, shinyimbe kwa lunda lyangu. ¹⁶ Mwanaga, nasifinji Ashipanganya kwa mtima, jwenejo halinjeni shajijile "Amina'' ushoyaga kushukulu bhabhaga bhakamanya ni kuveleketa? ¹⁷ Maana mmwe kweli mnashukuru, lakini juna akaelewa. ¹⁸ Nakwashukuru Annungu pabha nanenaa kwa lughaa/naveleketa kwa lughaa zaidi ja mmanganya mmoe. ¹⁹ Lakini mwanaga nsinagogi ni heri mmavelekete malove ngano, kwa manya kwangu ngombole kwaluganya kwangu vananji, zaidi javeleketa malove makumi elfu kwa shilugha. ²⁰ Akaka na alumbwangu bhangu, nnavanganje bhana kwafikika kwenunji. Badala jake, kuhusu shambi, mmanganje kama bhana bhabhashoko, igala katika fikilia mmanganye malinga bhandu bhakulungwa. ²¹ Ishiji yandikwa pakati pa sheria, "Kwa bhandu lugha njina na midomo jabha jeni shimelekete na veve bhandu. Hata nneyo bhakambilikananga," bhaveleketa Ankulugwa. ²² Jenejo ni ishara, kwabhahamininji, bhali bhangahaminji. Lakini kushoya kulondola ishala ngabha bhaugahamininji, ila kubhahamininji. ²³ Hayaga, ibhaga sinagogi lyoe likusagana pamo na bhoe bhaveleketanje kwa shilugha na bhajeninji na bhangahamininji bhajinjilanga, penepo nkakombolanga kuveleketa malinga shalubha? ²⁴ Higava mmobhe nwashoyanga kurondola na jwangaamini au njeni hajinjilanga shashawishe na bhoe hapilikana. Shahukumiwe na bhoe bhaveleketanga. ²⁵ Siri za ntima gwake jinafunuliwa. Matokeo gwake, anaweza gwake kifudifuudi na kwahabudu Nnungu. Shibhetari Annungu bhapali pakati petu. ²⁶ Ngalaga shihikagule bhahi ashakaka na ashalubwangu bhangu? Pushintamanga nanje pamo, kila jumo ashikola Zaburi, malunganyo na mafununo, shilugha au kutafsiri. Ntendanje kila shindu kwa ajili kulishenga sinagogi. ²⁷ Malinga jojohe ananena/veleketa kwa shilugha, anapagwa bhavili au bhatatu na kila jumo pakati pazamu. Na mundu lazimaa amnganye shebheleketwa. ²⁸ Mwanaga jwakapi mundu alunganya mkutafasiri, bahi kila mundu atame kimiyaa nkati mwasinagogi. Bahi kila jumo avelekete jikape na Annungu. ²⁹ Na vakolondoloa bhavili bhatatu vabheleketetanje na bhana bhapilikananje kwa pambanua shibhaveleketa. ³⁰ Ibhavaga atemi hafumiliwaga shindu pakati pa huduma, jwejula haveleketa ha pumula. ³¹ Pava kila jumonji jwenunji anaweza kushoya kulondola kila jumo na juna ili kila jumo amanye kwijiganya na bhoe bhamanyanje kutagwa ntima. ³² Pabha ntima gwankolondola lishibha pahing'ang'alizi jwa nkolondola. ³³ Pabha Nnungu ngabha jwa jatya bali jwa ulele. Malinga pwili pakati pasinagogi yoe ya bhahamininji. ³⁴ Imkwapasanga bhandonyanyi bhatamangananje kimiya pakati pasinagogi. Pabha vakani husikanga kuveleketa, badala jake vana paswa kuvanganga kutindivala, malinga sheria pujiveleketa. ³⁵ Mwanaga shipali shoshoe napinga bhahuyanje kwinjiganya, bhahi bhahuyanje bharume bhahonji kungwahonji. Pava ni haibu kwajwandonya kuveleketa pakati pasinagogi. ³⁶ Je bhuli lilove la Annungu lishikukopoka kugwenunji? Je lishikugushilanga mmanganya pee? ³⁷ Pabha mundu haivoga kuva nkolondola au jwantima, inakumpasa haimanye hindu hikunjandishilanga pabha maagizo ga Akulugwa. ³⁸ Mwanaga hakagamanye genego munnekanje bhanammanyanje. ³⁹ Kwa nneyo bhayi ashakaka na ashahembwangu bhangu, mpinganya kaje kushoya kulondola, na ngivanje mundu jojoe kuveleketa kwashilugha. ⁴⁰ Lakini hindu yoe itendeshe kwakonja na kwambone.