¹ Henu kuyichindu ambachi tipwagha ni ache tiyili ni kuhani Mkuu yuakatemi pahi katika chiwoku cha malelelu cha chiteu cha enzi kunani. ² Yombi ni katumitumi kupetela mahali pahuhu, Hema la Chakaka ambalu Bambo alivekiti, nga mundu yoyoha wa kuhwa. ³ Kwa maana kila kuhani mkuu avekakiki kuwoha zawadi ni dhabihu, kwa hiyu ni muhimu kuva ni Chindu cha kuwoha. ⁴ Henu ngati kristu akayili panani ya ndema, yombi nga akayili kuhani kupeta hapa. Kwa kuva vakayili tayali vala vavawohiki hipawa kulengana ni sheria. ⁵ Vakahudumwi chindu ambachu chikayi nakala ni chihwali cha hindu hya kunani sawa ngati musa paakanyakiki ni Chapanga chikai Chapalikayi kuchenga hema. "Lola" Chapanga apwagha, "kwamba mulengenekihayi kila chindu kulengana ni muundu munikulangihi panani ya chitombi." ⁶ Lakini henu kristu ayopiki huduma inyahi sana kwa sababu yombi mpatanishi wa aganu linyahi, ambalu linyamwili kuimalishwa kwa ahadi inyahi. ⁷ Henu ngati aganu la kutumbulila ngati kayili ni mahoku ndupi nga kukayili ni haya ya kupalapala agani la kaveli. ⁸ Kwa kuva chikai Chapanga paakahumbuli mahoku kewa vandu akapwaghiti. "lolayi machova yahika, apwagha, Bambu, chikai chinanilengenekihani aganu la nyuani papamu ni nyumba ya israeli ni nyumba ya Yuda. ⁹ Ngalikuvi ngati aganu linakatendiki papamu ni akatati vau lichova ambalu nikaatohiki kwa chiwoku kwa alongoha kuhuma kundema wa misri. kwakuva ngachevakaendali, katika aganu langu natu ngache nikajaliki kaveti apwagha Bambu. ¹⁰ Kwa kuva ale ndo aganu yanilitendayi mu nyumba ya israeli baada ya machova hayo, apwagha Bambu yanivekayi sheria hyangu mumahola lelu yau, ni yanihilembayi mumitima yawu. Yaniyai na Chapanga wau, niwombi ya vayai Vanangu. ¹¹ Ngavawolini kila yumu ni jilani yaka, ni kila yumu ni nndongu, waki yapwaghayi, mmanyai. Bambu "Henu woha yava ni manyayi nenga kuhuma nchoku mpaka nkolongwa wau. ¹² Henu yanilangihayi rehema kupetela matendu yau yanga haki, ni ngani hikomboki dhambi hyau kaveti." ¹³ Kwa kupwagha "Nyuani, "alitendiki aganu la kutumbulila kuva kuukuu. Niheli ambalu alitangizi kuva kuukuu Liyili tayali kuwohakeka.