¹ Kwa vela sheria ni chihwili cha mambu mema yayahika, nga yola yayayili ni uhalisi. Sheria kamwi ngaiwezi kwa kamilisha vala ambao vavaheghelela Chapanga kwa ndela ya dhabihu hyela mambu makuhani vakayendalili kuwoha mwaka badala ya mwaka. ² Au hyengi kaveti dhabihu heyi ngaikaweziki kuwohakeka? Kwa kigezun ache vavalovela, vakayayi vawoluliki mala yimu, ngavakayili ni ungamuho zaidi wa dhambi, ³ Bali kupetela dhambi ahye kuyili ni ukumbushu wa dhambi hyehitendakiki mwaka baada ya mwaka. ⁴ Kwa kuva ngacheiwezekana kwa mwahi wa mafalisayo ni mbuhi kuhiwoha dhambi. ⁵ Chikai kristu pakahikiti pandema, akapwahiti, ngache mwatokulili mawoheluau dhabihu, badala yaki, mukaandi hyegha kwa ajili yangu. ⁶ Ngache mkayili ni samani kupetela mawohelu hoha ya kutekeleza au dhabihu kwa ajili ya dhambi. ⁷ Kwisha nikapwaghiti, lola, apa niyatenda mapalilu yaku, Chapanga, ngati mualembili kuhusu nenga kupetela gombo". ⁸ Akapwaghiti ngati muyapwaghakile panani hapa. Ngache mwatolili dhabihu, au mawohelu, au sadaka ya kuteketezwa kwa ajili ya dhambi, wala ngache muakaweni Luyeku mukati yaki "dhabihu ambahyu hika wohakiki kulingana ni sheria. ⁹ Kisha akapwaghiti, lola, niyili apa kutenda mapalilu yaku. "Avekiti kukehi taratibu hyehiyili hya kutumbulila ili kuimalisha hya kaveli hyela hya kaveli. ¹⁰ Kupetela taratibu hya kaveli, tiyomili kuhohakeka kwaka Chapanga kwa mapalimu yaki kupetela kujiwoha kwa hyegha yaka Yesu kristu mala yimu kwa chikai choha. ¹¹ Ni Chakaka, kila kuhani ayema kwa huduma lichova kwa lichova, pawoha dhabihi yelayela, ambayu, kwa hyohyoha, kamwi ngahikaweziki kuhiwoha dhambi. ¹² Lakini baada ya kristu kuwoha dhabihu mara yimu kwa dhambi milele yoha, akatemi chiwoku cha malelelu waka Chapanga. ¹³ Alendela mpaka maadui vaki vayeghilayi pahi ni katenda chiteu kwa ajili ya mawolu yaki. ¹⁴ Kwa kuva kwa ndela ya wohelu limu livakamilishi milele vala ambau vatengiti kwa Chapanga. ¹⁵ Ni roho muhuhu pia ashuhudia kwitu, kwakuva kwanza akapwaghiti. ¹⁶ Ale ni agano linalitendayi papamu ni wombi badala ya machova haya, apagha Bambu yanivekayi sheria hyangu mukati ya mitima yau, ni yani hilembayi katika hakili hyau." ¹⁷ Kisha apwagha, "ngavahikomboki kaveti dhambi ni mahengu hyau mafu". ¹⁸ Henu malu papayili ni msamaha kwa ava, ngache iyili kaveti dhabihu yoyoha kwa ajili ya dhambi. ¹⁹ Kwa hiyu, mwalongu, tiwona ujasili wa kuyingila pamalu ya huhu kwa mwahi waka Yesu. ²⁰ Aye ni ndela ambayu aihowili kwa ajili yitu kwa ndela ya hyegha yaki, nyuwani ni hai yeyipetela mu punzia. ²¹ Ni kwa sababu tiyinaku kuhani mkuu panani ya nyumba ya Chapanga, ²² Ni tiheghalela ni mtima wa Chakaka katika utimilinu wa uhakika ni imani tiyili ni mitima yeyi longaliwi safi kuhuma uovu wa dhambi ni kuva ni hyegha hyitu hihiwoluliki kwa machi safi. ²³ Basi ni tikamulilayi kwa uthibiti kupetela aganu la ujasiri wa tumaini litu bila ya kung'anambuka, kwa sababu Chapanga yohaidi ni mwaminifu. ²⁴ Ni lazima tiholahilayi maana ya kunjenela mtima kila yumu kupala ni mahengu yanyahi. ²⁵ Ni tikakotoka kukusanyika papamu, ngati muvatenda vangi. Badala yaki, tiyeghilanayi mtima kila yumu zaidi ni zaidi ngati mumulolela lichova liheghalela. ²⁶ Ngati yatitendaya makusudi kuyendela kuhenga dhambi badala kuva tiyopiki elimu ya Chakaka, dhabihu yenga ya dhambi nga ihighalili kaveti. ²⁷ Badala yaki, kuyili tarajiu lakanjika la hukumu ya choghohi, ni ukali wa motu ambau unawateketezayi maadui va Chapanga. ²⁸ Yoyoha ambayu aikaniki sheria yaka Musa ya hwayi bila rehema palongi ya ishuhuda wa mashahidi vaveli au vatatu. ²⁹ Chiwangu chaleku zaidi cha adhabu uholalela chechipalika kwaka kila yumu ambayu anzaliwi mwana waka Chapanga, yoyoha yoautendili mwahi wa aganu ngati chindu changa uhuhu mwahi wa aganu ngati chindu changa uhuhu, mwahi ambau kwayu akavekatiki wakfu kwaka Chapanga yoyoha ambayu antukini Roho wa neema? ³⁰ Kwa kuva timanya yumu ambayu akapwaghiti, kiasi ni changu, yanilepayi." Ni kaveti "Bambu yaahukumwayi vandu vaki." ³¹ Ni jambu la kuyoghoha mundu kuhaukili kupetela mawoku yaka Chapanga yoyili womi! ³² Lakini kombukayi machova yayapetiki, baada ya kunjeghela kwinu nuru, ni jinsi wole mkaweziki kuyavumulia mapotakeku makali. ³³ Mkayili muvekakiki wazi katika dhiahaka ya matukanu ni matesu, ni mkayili mwaashilika papamu ni vala vavapetili matesu ngati haya. ³⁴ Kwa kuva mkayili ni ntima wa huluma kwa vana vavakayili vakakongakiki, ni mkayopiki kwa luyeku adhabu ya urithi winu, mkamanyi kwamba mwenga mwaveni mukayili ni urithi bara ni wakudumu milele. ³⁵ Kwa heyu mkalekela ujasiri winu, wowuyili ni zawadi kuu . ³⁶ Kwa kuva ipaliki uvumilivu, ili kwamba mpatayi kuyopalela ambachu Chapanga achihaidi, baada kuva kuyomwili kuhenga mapalilu yaki. ³⁷ Kwa kuva baada ya chikayi chichoku, yumu yuhika yahikayi Chakaka ni ngakavile. ³⁸ Mweni haki wangu yatamayi kwa imani ngati yakelukayi kunyama, ngambendeze wi ni yombi. ³⁹ Lakini tenga nga ngati vala vavakelukili kinyumi kwa kuangania. Badala yakitenga ni baadhi ya vala tetiyili ni imani ya kuhilenda roho hyau.