¹ Vela, mundu yumu akemiki Anania na muhanu waki safira, vakahemali sehemu ya mali, ² na kuhiha sehemu ya hela yavahemelili (mhanu waki nayombi akalimanyi heli), na kuleta sehemu yeyibakili na kuyiveka pa mawoha ya mitumi. ³ Lakini Petro akapwagha, "Anani, kwa ndandi kiki shetani autwelihi mtima waku kupwagha upuhi kwaka Roho mhuhu na kuhiha sehemu ya mali ya ngonda? ⁴ Chikahi pawayii ngacheuhemaliki, ngache wayii mali yaku? Na baada maamuzi yaku? Iyii wole uholaleli jambu heli muntima waku? Ngache unkongiti mundu, bali unkongiti Chapanga." ⁵ Payowini molovi hagha, anania akahawiki pahi na akahwili. Na woghoyi ukolongwa uhakiki woha vavaliyowini heli. ⁶ Akakombu vakahikiti palongi na kunjeghela musanda, na kumpeleka kunya na kuutagha. ⁷ Baada ya musaa ghatatu vela muhanu waki akayingii mukati, akamanya chindu woli chechoyii chipitalili. ⁸ Petro akampwaghili, "Mbwaghilayi ngati mukahemalili ngonde kwa samani heyi, "Akapwaghiki, "Ena, kwa samani heyi." ⁹ Kisha Petro akampwaghili iyii wole kwamba mupatini kwa papamo kundenga Roho waka Bambo? lolayi, mawolu ya vala vavantaghiki ndomi waku ghayii pa ngyangu, na navakubeba na kukupeleka kunja." ¹⁰ Gafla akahewiki pa mawulu ghaka Petro, akahekiti Roho, na vijana vala vakahikiti mukati na kuhyimanila ayomwi kuhwa, vakambebiki kumpeleka kunja, na kuntagha papipi ni ndomi. ¹¹ Woghoyi nkolongwa ukahikihikiti panani ya kanisa loha, na panani ya woha vavayowini mambo hagha. ¹² Ishara hyanawingi na maajabu hikayii hipitalili miongoni mwa vandu kupetela mawoku ya mitima, vakayii papamo katika ukumbi wa solomoni. ¹³ Lakini, njeta mundu yongi tofauti yoayii ukangamahu wa kulimbana nawu, hata vela, vakapekahiki liyiniku la panani na vandu. ¹⁴ Kaveti vaamini vanawingi vakayii vayonjukeka kwaka Bambo, idadi ngologwa ya akambaku nakambomba. ¹⁵ Kiasi kwamba hata vakatotwili vagonjwa mumitaa, na kwaghoneka muhitanda ni mumakuchi, ili kwamba Petro paapetikayi, chihwili chaki chiweze kwa huhukula panani yawu. ¹⁶ Hapa pia idadi ngalongwa ya vandu vakahikiti kuhuma michi hyeihyongolota Yerusalemu, vakaletiki vagonjwa na woha vavaworiki na roho ihakau na woha vakaponiki. ¹⁷ Lakini kuhani nkolongwa akatondaviki, na woha vavayi papamo naku (ambao ni wa madhehebu ya masadukayo) na vakatweliwi na wihu. ¹⁸ Vakanyoshiki mawoku yawu kuvakamula mitumi na kuvaveka mukati ya gereza la jumla. ¹⁹ Na chikahi cha ikihu malaika waka Bambo akahowili milangu ya gereza na kwalongoha kunja na kapwaghila, ²⁰ Muyendayi, mkayemayi muhekalu na kupwaghila vandu malovi yoha ya womi womi." ²¹ Pavayowini heli, vakayingi muhekalu chikahi cha lukela na kuwola. Lakini, kuhwani nkolongwa akahikiti na woha kwa papamo, na madoda ghoha gha vandu vaisraeli, na kwatuma kugereza kwaleta mitumi. ²² Lakini vantumishi vavapiti, ngachevahimalili mugereza, vakakulawiki na kuwoha taarifa. ²³ Tulihimalina gereza likongiki wichi salama, na valinzi vayemi pangyangu, lakini patahowili, ngachetumbweni mundu mukati." ²⁴ Henu chikahi jemedali wa hekalu na makuhani vakolongwa pavayowini malovi hagha, vakayingiliwi na mashaka makolongwa kwa ajili yawu vaholalilo nalikuva woli jambo heli. ²⁵ Kisha yumu wao akahikiti na kupwaghila, "Vandu vamwavekiti mugereza vayemi muhekalu na kuwola vandu." ²⁶ Hivyo jemedari akapiti papamo na vatumishi, na kwaleta, lakini panga kutenda valungu, kwa ndandi vayoghupa vandu vakaya waweziki kwalapula kwa maganga. ²⁷ Pavayomwi kwaleta, vakavavekiti palongi ya baraza. Kuhani nkolongwa akahojiki ²⁸ akapwaghiki "tukavamwili mukayoha kwa lihina heli, na mukona mutwelihi yerusalemu kwa fundishu linu na kutokulela kuleta mwahi waka mundu huyu juu yitu." ²⁹ Lakini Petro na mitumi vakajibu, "lazima kumtii Chapanga kuliko vandu. ³⁰ Chapanga waka atati witu akanhyohiki Yesu, yomwankomiki na kutanga munkungu. ³¹ Chapanga alimtukuza katika chiwoku chaki cha kumalelelu na kuntenda kuva nkolongwa na mwokozi kuwoha toba kwa Israeli, na msamaha wa mahoka. ³² Tenga ni mashuda wa mambu heya, na Roho muhuhu, ambayue Chapanga ambohiki kwa vale vavamtii.'' ³³ Wajumbe va baraza pavayowini hegha vakakamuliki muhuhu ambaye Chapanga amboiki kwa vala vavamtii. ³⁴ Lakini farisayu yokemika hamelieli, mwalimu wa sheria, yoyinikika na vandu woha akayemi na kwamuru mitimi vapahika kunja kwa chikahi chiyipi. ³⁵ Kisha akapwaghili, "Akambaku va Israeli, mukuva makini sana na chela chemupendekeza kwatendela vandu hava. ³⁶ Kwa ndandi, mwandi, theuda akayimwiki na kuyigamba kuva mundu nkolongwa na idadi ya vandu vapata mia nne vakanjengalili. Vankomiki na woha vavayii vankolopa vakatawanyiki na kuhova. ³⁷ Badala ya mundu hoyu, yuda mgalilaya akayimwiki machova ghala ghakulembeka sensa, akahutiki. Nayombi akahoviki na woha vavayi vankolopa vakatawanyiki. ³⁸ Henu nimpwaghila, mujiepushayi na vandu hava na mwaleki vene, kwa ndandi, ngati mpango howu au lihengu heli nii la vandu nelilovayi. ³⁹ Lakini ngati laka Chapanga, ngamuwezi kuvahivalila, muweza kulihimano mashindana na Chapanga. Hivyo vaka shawishiki ni malovi ghaki. ⁴⁰ Kisha, vakakemiki mitima mukati na kakapula na kuvaamuru vakapwagha kwa lihina laka Yesu, na kaleka vayenda yau. ⁴¹ Pavawokika palongi ya baraza vakahekalili kwa ndandi vavelangiki kuva vastahili kung'ahika na kutoheghimiwa kwa ajili ya lihina heli. ⁴² Kwa hiyo, kila lichova, mukati ya hekalu na kuhuma nyumbani hadi nyuma vakayendalili kuwola na kuhubiri Yesu kuwa masihi.