¹ Tupala mwenga mumanyaye, u mbeli wangu ni u nkohanu, kuhusu neema yi ka Chapanga yeiwohakike kwinu mu makanisa ghu ku makedonia. ² Chikali wu lijambo likolongu lya mangaiku, kuyoloka kwi furaha yau ni kuyonjekeka ku umasikini wau uveliki utajiri ukolongwa wu ukalimu. ³ Ndi kaveli nishuhudia ngati vakawaiti mu kadili mo vaweza, ni hata kupeteke mo vaweza. ⁴ Ni kwa hiari yau vene ni kutusihi kwanawingi vakatuloviki ndava yu kushiliki mu hudumu yenjenu kwa aumine. ⁵ Yenje nga che yawokekike ngati mo yaweza kutarajiwa. Badili yaki, oti vakaliwoa wau vene kwa ka Bambo, ka ve vakaliwoa wau vene kwitungati mo apala Chapanga. ⁶ Vela tunkansihi Tito, yo akavi tayali aanzishi lihengu lendenu, lu kulete mu utimilifu litendo lendenu lu ukalimo panani pitu. ⁷ Lakini mavanganya mu yi ni hyanawingi mu kila chindu, mu imani mu kupwagha, mu mahalifa mu bidii ni mu upendo winu kwitu tenga Henu muhakikisha ngati mavanganya. mu yi ni nawingi kave mu litendu lendenu lya ukalimo. ⁸ Nipwagha lendenu nga ngati amuli,badili yaki ,nipwagha lendenu ngati kupema uhalisi wu upendu winu ku kulenganisha ni shauku ya vandu vangi. ⁹ Ndava mmanyi neema yi ka Bambo witu yesu kristo.Hata ngati aka vi tajile,ndava yitu tenga aka vi masikine.pe kave kupete umaskini waki ma weza kuva ma tajile. ¹⁰ Mu lijambo lendenu ya ni mpekiyayi ushaule wo uweza kunjangatila.mwaka yumo woupetike ,ngache mukaweziti pela kuhenga lijambo .lakini makatamini kulihenga. ¹¹ Henu mulikamilishaye .ngati pe mo mukayi ni shauku ni nia yi kulihenga ,halafu je makaweza kave kuliheghekela mu ukamilifu kwi kadili mo muweza. ¹² Ndava mu yi ni shauku yi kulihenga tendu lendenu ni lijambo linyahi ni li-yetekeka.lazima liyemayi panani ya chela che vi nachu mundu,nga panani yi nga kuva nachu mundu. ¹³ Ndava lihengu nga che li vi ndava vangi vaweza kupata unafuu ni mwenga maweza kulemewa .badili yaki,pa ya ni usawa. ¹⁴ Kuyoloka kwinu kwi chikahi cha henu ya uyangatya chela chevikipala.yenjenu ni vela ngati kuyoloka kwavo kuweza kuyangati mahitaji yinu,ni ngati kuva ni usawa . ¹⁵ Yenjenu ni ngati mo mukalembekiki,yola yo yi ni hyanawingi nga che akavi ni chindu che chika highali ni yombi yo aki ni chichoko ngache akavi ni uhitajiwokapi. ¹⁶ Lakini tunchengula Chapanga ,yo akavekiti mukati mu mtima wu ka tito mtima wolawola wu bidii we ye minayu ndava yinu. ¹⁷ Ndava nga che pela akayopiti malovu yitu,bali kave akavi ni bidii kuhusiana ni malovu ye hagho. Akahikiti kwinu kwi hiari yaki mwene. ¹⁸ Tintumiti papamu ni ndongu yosifiwa mu makanisa ndava yi lihengu mu kutangaza injili. ¹⁹ Nga ve pela ,lakini kave akahawuliki ni makanisa kuyenda ni tenga kutotola sehemu yanawingi tendu lendemu li ukarimu yenjenu ni kwi utukufo waka mweni Bambo ni kwi shauko yitu yi kuyangatila ²⁰ Ti epuka uwezikano ngati yokapi apaswa kulalamika kuhusihana na tenga kuhusiana ni ukarimo wombo wo tu utowola. ²¹ Titola uangalifo kuhenga cha chivi ni liyiniko,nga pe palongolu pa ka Bambo ,lakini kave palongolo pa vandu. ²² kave tintuma ndongu yongi papamu ni yombi .Timpemiti panawingi ,ni timboniti ayi ni shauku ndava yi lihenga linawingi .hata henu ayi ni bidii ngamaha ndava yi ujasili ukolongu wo avi nawu mukati yinu. ²³ Kwi habari yi ka tito,yombi ni mshilika wangu nenga kave ntenda kazi njango ndava yino .ngati kwa kalongu ,vitu vatumwa ni makanisa .ni wu liyiniko kwa ka kristo. ²⁴ Henu,ma langiya upendu wino ni mulangiya mu makanisa ndava ya majivuno yinu ndava yinu.