¹ Kera fanto favee utii kore onene wa yulwi, me nakemo onene wasumera kore Molongo. Me onene orekoo wavekwa ne Molongo. ² Kore echo wee akesita onene eche nosita amriyaa Molongo. Na vara vakesita nosokra laana yulwiyavoo venee. ³ Kaaka kore vanene tere voya vakee jisha terere tere javara vakejisha ovee. Me neonera okende kolo toke nda faa onene? iji jire jija, neolunyi we nevoo. ⁴ Chafara nemosomba wa Molongo wene kwajera jija. Wee ngare ojejisha jire mbee. Weofaa chhafara ne mosomba wa Molongo wandaa vaa nafadede me avee na marefu yulwi yajira akejisha mbee. ⁵ Kaaka nejoo ekasakwa ovee na motuu tere kw ampongo ya marefo. Mew ne kwa m[ongo ya Moo okemoshota. ⁶ Mene chafara okerefa kodi, me chafara nevoo varenaonene ne vasumba vaa Molongo avoo vakendelrea ojisha mbongo ee. ⁷ Morefii vara vale motowerwa shiri baa nave omo: kodi okesta hili koi ushuru ole stahili, ushuru kekoro okestahili krhoro otuu okesta hili otuu. ⁸ Mokisetomererwa ne monto kemaka chochonse nosakwa ekende mweaje nyee nyonse me kaaaka wee mopeende waachwe wanja osokera mwaimo. ⁹ Me kaaka wasotuu tojalaa, tejivaa tojone rakolo , ne ngarekore naa amri yenge kayeomotenya kore mpongo ee omwanja mopendo wako wee wamwene." ¹⁰ Wanjwi watema reta kore mopendo wa monto, kore wabjwi na weleleku waa Mwiro. ¹¹ Kere mpongo ee, omanyankende mpende kaaka otoriye ne mpende yasumera kore toolo ne kore wokori waito ofokiye mono mpende era kwa amini emo. ¹² Otiko waenndelea , ne mose wasengerewrya me koveke kavelwi vimaka ya mwirama. Me kwevekere virwana vya wero. ¹³ Me koyete terere na kore wero. Terenduvaa ya lwango ou orevi. Me kokisejisha kaaka oshotu au lako kokayelwe rya wesikerya. Metere kore we tunganerya na ke songosongo. ¹⁴ Me kwevekeye monene Yesu Kristo, kokiseveka fenja kore njera ya moovere kore lako yachwe.