¹ Baada ya mpongo ijoo nalaanga, nkoona noongo morengo oyowee wa runguitwe, era sautiya vaala ejloseka na nee hja tarumbeta, chaloosa," Njoo na afa, akonyesha enje ajesumera baada ya mpongo ijo." ² Mara emo njire kere moo noona neetumbakweise ra enzi chaveekwa runguitwe na moonto wikaree. ³ Omo wava ikarea wonekana ja iwe ra yaspi na akiki, ne eoyta wa mbula weeiseko oazunguka itumbe ra enzi otambula woonekana ja zumaridi. ⁴ Ozunguka itumbe ra enzi na tumbe esekoo a enzi vinge meroongo evere na inyo, na vara vaikala kere itumbe a enzi ne vakolo meroongo evera na inya vavekeruu ngoo njeero na taaji ja dhahabume twei yaavo. ⁵ Osuma kere itumbe ra enzi yasuma miala ya milaya, nkove na moolaya, taa mofunkata jaaka mbere ya itumbe ja enzi, taa joo ne myoo mofunkate ya Molongo. ⁶ Kaaya mbere ya itumbe ra enzi ne na habaeri kweise, were mwarya ja kiyoo voonse ozunguka tuumbe ra enzi ne veima vaisekovaane, veijola meeiso mbere na nyuma. ⁷ Keumbe wa vaala ore na weema ne ja nsimba aise keumbe wa veere weise na meema ne ja mdana eise keumbe wa saato aare na weima na oshoja wa mwanadamu, na ora weise na weima na inya ne j taayii eise ekafalal. ⁸ Viumbe vyeise na meime kila emo ne ne mabava weise a saasanto vaijola meise yoolwi na nsesi yaachwe netoko na monsakate tevatoshirya oloosa, Molaulau ne Moneen Molongo, motawala yoolwi wa vyoonse, misekoo, erekoo , na ojeja." ⁹ Kila mpendeee viumbe vire na meime nyasunya otukufu, heshima na okalamya mbere ja ora weikala ero itumbera enzi wa wiakala milele na daima, ¹⁰ vakolomeeroongo evere na inya vamoterya isaambee veene mbera yaachwe waikera itumbe ra enzi vajeloosa, " ¹¹ Ostahili okende wee Monene meito na Molongo waito osokera otukufu na heshima na ngulu. Chaafa wanyoomba vimaka vyoonse, ne kwa mapenzi aako, vyisekoo na wavyoomba."