¹ Hena ikyo vaghefurwa vakwa, vaya nighire macha navo vaya ingevo ni kilemba kyakwa na inuliwa. Mkenyi mkiva mdindie hena Mndumi, imwe vambwie vaghefurwa. ² Niakulomba iwe Eudia, na niakulomba iwe Sintike, muvwighire mborere hena vumbwie maghari yenyu hena icho imwe voshe vavi mlevwerene na Mndumi. ³ Hena keni, niavalomba imwe vaghehira ndima varoo, muvaghenje vaka iva kwa liya walechihira hamwi na inyi hena itika injili ya Mndumi fukiva na kelementi hamwi na vahiri vengi va Mndumi, ngevo marina havoghaandikiwe kitabuni kya ngalamo. ⁴ hena Mndumi mifiri yoshe. Kangi narera, nuliwenyi. ⁵ Itia yenyu limanyike hena vandu voshe. Mndumi ake aghwihi. ⁶ Munakulitha vwathi hena kindo chochoshe. Kivungi kyakwe, hirenyi hena njia ye tereva, ilomba na nahavache. Kangi findo fyenyu fimanywe ni Ruva. ⁷ Bathi mborere ya Mndumi ngeyo nduwe ikelele vumanyi vwoshe, yaria ngoo na maririkano ghenyu hena ighenjwa ni Kristo Yesu. ⁸ Mirakyo vandughu vakwa; ririkanenyi mnu findo fyyoshe vighire keni, shima, kitea, iela, ifura na ghaya ghaghire mburi njicha, ghaghire kiughi hamwi na ghaya ghakyashigha itumbishwa. ⁹ Hirenyi findo fita mujifundhire, mughapokerie, mughachue na hena haya mughavonire kwakwa na Papa weru wa mborere ava na imwe. ¹⁰ Nifurahiliwe kirwe mnu vundu vwenyu hena Mndumi kwa liya imwe munderora kangi nia ye kumanyisha kwenyu hena inyi niashigha. Iyo ni keni, iho kuvoka mughechue macha ghenji thaidia henaifyo inyi niashigha, mira mupatiemwe nafathi yenjithaidia. ¹¹ Thiareranyi ifyo kimetha nighire findo hena ifyo inyi niashigha. Kwaliya nijifundire itinika hena hali toshe. ¹² Mumanye mkiikaa hena iishiwa na kangi hena iva na findo fingi. Kangi ijungulukwa ni findo fyoshefi inyi nijifundhire findo fyethughana na fundu fyeya mfiri weighuta na thafundu yeya mfiri haraghire kijo, hena fingi na iva mgheshigha. ¹³ Niairima ihira ifi hera itashwa ni uya achinjiivikia nguju. ¹⁴ Hena ifyo, mughehirire ficha ivwarana na inyi hena vwathi vwakwa. ¹⁵ Imwe vafilipi mumanye iku ivoka liya ya injili nikinavuke Makedonia, haghireho nyumba ya Ruva injili injighenjere hena findo fyehuthu ifunya na ighuhia there imwe mweka. ¹⁶ Liya nigheke Thesalonika, imwe mlenjirumirie findo fingi fyenjithaidia kando kamwi hena fiyaniavishigha inyi. ¹⁷ Thiaro ranyi iku niashigha itashwa. Mira nia ghamba mecha mupate ndunda teunika irunjukiwa. ¹⁸ Nindeondoa findo fyoshe, na luvaha nindeichurwa findo fingi. Nindeondoa findo fyenyu ifuma kwa Epafradito. Ni findo fyenyu ficha fichinyukia tha mbungo njicha, fya irikiwa ngefyo fyoche ni itathi ngeyo Ruva afurie. ¹⁹ Hena ikyo, Ruva wakwa avaichurire ifyo fyenyu muashigha hena vuthuri wa ngatho yakwe hena Yesu Kristo. ²⁰ Luvaha kwa Ruva Papa weru ive ngazo telele na tele. Amina. ²¹ Iirikira yakwa limufikie vaibumba voshe hena Kristo Yesu. Wambwie nike navo iha vamuirikira. ²² Kangi va ibumba voshe iha vamuirikira, hatha vaya va mbari ya Kaisari. ²³ Luvaha mbora ya Mndumi weru Yesu Kristo ive na ngoo tenyu.