¹ Haleluya, veru vakwa furahinyi hena Mndumi. Sivoni mji ithumbua imuandikiahe firero fiafia. Findo ifi fyamunika mborere. ² Kulolienyi na fite. Kulolienyina vahiri kathi vavichwa. Kulolienyi na vaya vachikuvegha miiri yavo. ³ Kwaku ifwe nifwe futhambiwe. Ifwe nifwe fwamtereva Ruva kwa irirwa ya Ngoo. Ikuji ha Kristo Yesu, na vaya varaghire nguju hena mwiri. ⁴ Hata kwiyo kole fuveghire mndu wetegemea mwiri iu, inyi niveeirima ihira kwiyo itekelesha. ⁵ Kwani nilechembiwe mfisi wa mnane, nileghiriwe hena ikabila ya Vaisraeli. Ni waikabila ya Benjamini. Ni Mwebrania wa waebrania. Hena itimitha sheria ya Musa, nilikuwa Farisayo. ⁶ Kwa nguju thake niletelethere kanisa. Kwa iirikia haki ya sheria, sikuwa thileghirenyi milaho kisheria. ⁷ Mira hena findo fyoshe nivonire fighire faida kwa inyi nileghatarire tha uchafu kwa thababu ye mmanya Kristo. ⁸ Kikweri niku naghatara mambo ghoshe iva hathara ifumana na vucha vwemmanya Kristo Yesu Mndumi wakwa. Kwa ajili yakwe nindeleka findo fyoshe, nafitara tha uchafu kimacha nimpate Kristo ⁹ na nivonekanike voshi yakwe. Thighirenyi haki yakwa binafsi ifuma hena sheria, mira nighire haki iya ichivonekani kwa miirikilie hena Kristo achifuma kwa Ruva, ighire mithingi ya miirikilie. ¹⁰ Luvaha ninashigha nimmanye na nguju ya ufufuo wakwe na ushirika wa matetho ghakwe. Nashigha ibadilishwa na Kristo hena mfano wa kifo chake, ¹¹ kiuekyava niirime ighira ikuji hena ufufuo wa vafwie. ¹² Ni kweri ku tayari nindemi vona findo ifyo, kana ku nindemiva mkamilifu hena ifyo. Mira nakathana kimacha niirime ivona kiya kivonikene na Kristo Yesu. ¹³ Veru vakwa, thinamanyanyi ku nemivona findo ifyo, mira nahira kindo kimwi, naivaa fya nyuma nalolea fya mothia. ¹⁴ Nakudindisha nifihie ilengo kimacha nivone thawadi ya kaghu ya wito wa Ruva hena Kristo Yesu. ¹⁵ Voshe fuleherie wokovunyi, fwashighuva ivuvua kwii, na ikava itafithiri kwa mbare tofauti vundu kindo kyokyoshe, Ruva nawe alirughuayo kwenyu. ¹⁶ Hata kwiyo fukafikiefwe na fuendelee hena mtindo tho. ¹⁷ Veru vakwa nyiivarienyi inyi. Valolienyi kindo kicha vaye vagheghenda kwa mfano wa vundu vyweru. ¹⁸ Vengi vaishi ni vaya ngevo kando kengi, nimuvirie na luvaha na muviya kwa mithori vengi vaikaa tha vavichwa va mthalaba wa Kristo. ¹⁹ Mwisho wavo ni ikondeka. Kwalia Ruva wavo ni ndenyi, na mafuti ghavo ike hena irawa yavo. Vayafikia mburi tha kiithanga. ²⁰ Mira uraia weru uke kaghu ngeho fwamlolea mghekira weru Yesu Kristo. ²¹ Alacha miiri yeru iletherie ivatha mwiri wakwe wa utukufu kwa nguju thia thia uamuirimisha ithibiti findo fyoshe.