¹ Ikibha haghire inikwa ikuji hena Kristo. Ikibha haghire ulembolembo ifuma hena ifura yakwe. Ikibha haghire ibhwraha ya ngoo. Ikibha hanghire ibhonirwa bhwathi na huruma. ² Ikanulishenyi iichwa kicha kyakwa hena ibhwa raha hamwi mkibha na ifura na limwi, Mkibhona bhamwi hena ngoo, na ibhana ikuthudi limwi. ³ Munahira kwa ubinafthi na ikukwera, mira hena unyenyekevu nikibhabhona bhengii iku nibhecha ikela. ⁴ Kila umwi wenyu analolea du findo aafishighawwe weka, Mira he aelotea findo fya bhengi. ⁵ Mughire nia tha aiure Kristo Yesu. ⁶ Kwa lia we ni thawa na kubha. Mira achithara we ibha thawa na Rubha nikindokya kyebhwavana nakyo. ⁷ Badala yakwe akakughata weka, Akaondoa thuna mghehira, Akakudotera hena thura ya bhandu. Akabhonikana tha mfano wa Mru. ⁸ We akakughata mpaka kifhwa, kifhwa kya msalaba. ⁹ Henaikyo lubhaha Rubha alembhutirie mnu, akamnika rinairwe liirie marina ghoshe. ¹⁰ Aghehirire kwio kimacha hena rina ya Yesu kila ndi dikabhwe. Ndi tabha kaghu kwa nibhana bhaibhende mbai na mbai ya teri. ¹¹ Na aghehirire kwio kimetha kila ulimi lathima urere iku Yesu Kristo ni Mrumi, hena ngathu ya Rubha Papa. ¹² Henaikyongu bhaghefurwa bhakwa thafundu kwa ighra yenyu mifiri yoshe, thidu hena injibhona yakwa Mira lubhaha niikela likelele mnu hata haraghire ibhonikana yakwa ukashenyi(Wokovu) ikirwa yenyu mweka kwaiobhoha na idedema. ¹³ Kwa hia ni Rubha aahira kathi bhoshi yenyu kimacha muirime ighira nguju na iwira mburi tia timnulirie we. ¹⁴ Hirenyi mburi toshe bila idughunyika na ighomoa na . Hirenyi kwio kimacha mna lulumiwa na ibhabhana bha kubha bhaaminifu bharaghire ilaumiwa. ¹⁵ Hirenyi kwiyo kimetha mubhekilanga kya ithanga hena kighirwa kyereka, na bhubhichwa. ¹⁶ Bhwarenyi mnukirero kye kia kimacha ni. Nighire yetumbisha mfirwa Kristo. Kangi namanya iku thikabhienyi mbio bhwia kangi thilighienyi bhwthi bwia. ¹⁷ Mirakyohatakole nikutiwe thaitathi kaghoyaitaro ya Rubha na huduma ya miirikilie yenyu, nindeichwa kicha, na nindeichwa kicha hamwi na imwe bhoshe. Kwiyokwiyo na imwe namwe mnafurahiwa hamwinainyi. ¹⁸ na imwe namwe mnafurahiwa hamwi nainyi. ¹⁹ Niichi hena Mrumi Yesu imruma Timoteo kwenyu mifiri ii ya hawihi nikimacha niirime ibhikiwa ikuji nikamimanya mburi tenyu. ²⁰ Kwalia thiraghire ungi aghire mbhonekano thawakwe aghire nia ya keni kwa ajili yenyu. ²¹ Bhengi bhoshe ngebho ngebharuma kwenyu bhaakasha mburi tabho bhokadu, na thi mburi ta Yesu Kristo. ²² Lakini nuiichi bhucha bhwakwe, kwa thababu tha mwana akiaghenja ndiye, nifo fuudu atumikie hamwi na inyi hena injili. ²³ Henaikyo nighire ikuji imruma fia igheri du nikamanya niiki kya dokea kwakwa. ²⁴ Mivakyo nighore uhakika hena Mndume iku inyi njeka nacha mifiri ya hawihi. ²⁵ Mira niyaririkana ikuhikicha imbhighira kwenyu Epafradito. We niweru na mghehira ndima hamwina inyi na mgheria uroo, mmondo na mhiri wenyu kwa aji ghakwa. ²⁶ Kwa lia agheghire wathiwathi na aghechue kulu kwebha hamwi na imwe bhoshe, kwalia mughechue ikunighe muaji. ²⁷ Ang'u kiukweri nighe muaji mnu kiathi kyepfwa. Mirakyo Rubha akamfpwia mbathi kwa vichafyo fighekefyo kaghu yakwa, kimacha mukami mbhona bwathi kaghi ya bwathi. ²⁸ Henaikyo niyambwighira kwenyu fia fundu nairima, kimacha mukami mbhonalie muichwe inuliwa, nainyi nabha nemibhutwa wathiwathia. ²⁹ Mkaribishenyi Epafradito hena Rubha kwa iichwa kicha kyoshe. ³⁰ Bhaheshimunyi bhandu tha we. Henaikyo kigheke tha kwa bhundu bwa ndima ya Kristo iku aghethogelerie kipfwa aghehatarishire maisha ghakwe kimacha anjikire inyi na akahira kiya ingekyo muraghenja inyi mira muke kuwa na inyi.