¹ Paulo na Timoteo vatumishi vya Kristo Yesu kwa vaya vatengiwe hena Kristo vachiika Filipi, hamwi na Maathikofu na Mashemathi. ² Neema ive kwenyu na mborere ifunie kwa Ruva Papa wenu na mfumwa weru Yesu Kristo. ³ Niamshukuru Ruva wakwa kila nikimukuka imwe voshe. ⁴ Kando koshe kila iomba yakwa hena imuombea imwe voshe nichifurahi nikimuombea. ⁵ Nighire havache nyingi vundu vywa ushirika wenyu hena injili idungia kuvoka mpaka ithanya. ⁶ Nighire uhakika ku we adungishire ndima njicha voshi yeny aendelea iikamilishe mpaka mfiri wa mfumwa Yesu Kristo. ⁷ Ni thawa kwa kwa ikuichwa kwio kwenyu voshe kwakuu nimuvikie ngoonyi kwakwa. Mana imwe mundeva vashirika varoo hena neema hena ipfungwa yakwa na hena utetethi na ithibitishe injili. ⁸ Ruva ni shaidi wakwa fundu nighire laka kwenyu voshe hena uvoshi wa lufuro lwa Kristo Yesu ⁹ Na nialomba ku lukundo lwenyu luongereke dhaidi na dhaidi hena imanya na maarifa ghoshe. ¹⁰ Nialomba kwa ajili ii muirime iirima ipima na ithagua findo ficha mnu kangi niamulombea kimetha muele na munaghera hatia yoyoshe hena mfiri wa Kristo. ¹¹ Na kangi muichurwe ni ndunda ta idi lichifuma hena Yesu Kristo kwa ngazo na thifa ya Ruva. ¹² Luvaha veru niashigha mumanye ku findo fifumirie kwakw finderuma injili iendelie mnu. ¹³ Nikyo ibohwa yakwa hena Kristo lindemanyika kwa varinji va kitala kyoshe na kwa kila mndu pia. ¹⁴ Na kwa veru vengi hena mfumwa vundu vwa ibohwa yakwa, vandeshawishika ighera ibirikira kirero bila iovoha. ¹⁵ Vengi hata vakyamtangatha Kristo kwa fitina na myandu na vengi kwa nia njicha. ¹⁶ Vaya vakyamtangatha Kristo kwa lukundo vaichi ku nivikiwe cha kimetha niikanie injili. ¹⁷ Mira vengi vakyamtangatha Kristo kwa ubinafsi na nia mbichwa. Vachariri kana ku vakyanjithababishira matatitho hena minyororo yakwa. ¹⁸ Hena ikyo thiathara nyikole ni kwa hila kana kwa kweri Kristo akyatangathwa na hena iko niaithihirwa iyee niathihiriwa.Hena ikyo thiathara nyikole ni kwa hila kana kwa kweri Kristo akyatangathwa na hena iko niaithirwa, iyee niaithihirwa. ¹⁹ Kwa ku niichi ku kyaende irughuliwa yakwa kiafunia kwio vundu vwa maombi ghenu na kwa lughenjo lwa mbeho wa Yesu Kristo. ²⁰ Ifumana na ilolelea yakwa ya uhakika na keni ni kuthikavone iraghwanyi, badala yakwe kwa iraovoha yoshe fundu mifiri yshe na luvaha niaverelea ku kristo avutirwa hena mviri wakwakole ni kwa ikia kana ipfwa. ²¹ Kwa ku kwakwa inyi, iishi ni Kristo na ipfwa ni faida. ²² Mira kola iishi hena mwiri kuchivika ndunda hena ndima yakwa, hena ikyo thuchi ku nithaghue kingenyi. ²³ Mana niashukumwa mnu ni mawathogha avi. Nichue macha gheuleka mwiri nigheeikaa na Kristo, kinda ambakye kya thamai mnu mnu.. ²⁴ Ughongo lungi ireghwa hena mwiri u nikinda kya muhimu mnu vundu vwenyu. ²⁵ Kwaku michi nicha kindoki michi ku nareghwa na iendelea na imwe vosha vundu vwa maendeleo na iizihirwa ya mwitikije wenyu. ²⁶ Na iki kyaende iizihiwa yenyu iiwe yakwe yaongereka kwaku mundevaha hamwi na inyi. ²⁷ Muashighwa muishi maisha ghenyu hena lughendo lucha thawa na injili ya Kristo. Hirenyi kwio kimetha nikicha inghemuuona kana thirache niichwe ku mumki nicha hena mbecho imwi. Nnatamani niichwe ku muno mbiho umwi mukiukavania muitikijo wa injili handu hamwi ²⁸ Na munande ovoshwa ni kinda kyekyesha kichihirwa ni vanzo venyu, ii kwavo ni alama yekondwa. Mira kwenyu ni alama yekirwa ijuma kwa Ruva. ²⁹ Mana imwe munikiwe vundu vwa ni na ilithwa vwasi hena we. ³⁰ Kwaku mughire mwandu kya nya muuvonire kwakwa na muchue ku niughire mpaka luvaha.