¹ Ketabu cha lokore wa Yeesu Kristo mwaana wa Daudi, mwaana waa Ibrahimu. ² Ibrahimu nee baaba waa Isaka, na Isaka baaba waa Yakobo, na Yakobo baaba wa Yuda naa vawalwe vonse. ³ Yuda nee baaba waa Peresi na Sera waa Tamari. Peresi baaba wa Hezeroni, na Hezeroni baaba waa Ramu. ⁴ Raamu nee baaba waa Aminadabu, Aminadabu baaba waa Nashoni, na Nashoni baaba waa Salimoni. ⁵ Salimoni nee baaba waa Boazi kwa Rahabu, Boazi baba waa Obedi kwa Ruth, obedi Baaba waa Yese, ⁶ Yese nee baaba wa mosungati Daudi, Daudi nee baaba wa Sulemani waa mke waa Uria. ⁷ Sulemani nee baaba waa Rehoboamu, Rehoboamu baaba waa Abiya, Abiya baaba wa Asa. ⁸ Asa nee baaba wa Yehoshafati, Yehoshafati baaba wa yoramu, na Yoramu baaba wa Uzia. ⁹ Uzia nee baaba wa Yothamu, Yothamu baaba waa Ahazi, Ahazi baaba wa Hezekia. ¹⁰ Hezekkia nee baaba wa Manase, Manase baaba wa Amoni na Amoni baaba wa Yosia. ¹¹ Yosia nee baaba waa Yekonia na a vawalwe vochiwa naa Babeli. ¹² Nee ochiwaa naa Babeli, nyekonia nene baaba waa shetieli nee senkoloo waa Zerubabeli. ¹³ Zeribabeli nee baaba wa Abiudi, Abiudi baaba waa Eliakimu, na Eliakimu baaba waa Azori. ¹⁴ Azori nee baaba wa Zadoki, Zadoki baaba waa Akimu, na Akimu Baaba wa Eliudi. ¹⁵ Eliudi nee baaba waa Elieza, Elieza baaba wa Matani na Matani baaba waa Yakobo. ¹⁶ Yakobo nee baaba waa Yusufu mume waa Mariamu, kaaka nawe wamoyala Yeesu, wandawerwa Kristo. ¹⁷ Loyalo lavoo otengerya Ibrahimu mpaka Daudi neloyano komii navinee otengerya Daudi ochiwa naa Babeli loyalo komii na ime, osumera ochiwa babelinee loyalo komii naine mpaka Kristo. ¹⁸ Oyalwa kwaa Yesu Kristo nee jeo kwaise. Nyiima wachee Mariam wasemberwa nee usufu vakonde kundya wonekana na mokavaa nee kwaa ngulu jaa moo molaulau. ¹⁹ Mlome wachwe Yusufu nee mombo waree motolu teasaka omolwatya nsoni koree vanto, wareka osombera kwa seu. ²⁰ Na fikirana mpongo ijoo, malaika waa waamonene wamosumera alaye nee akalotera, akalosa," Yusufu mwaana wa Daudi, akizeofa omocho Mariamu jaa mokaawaho, kwa fara moleovaa are naoo nee kwa njera ya Moo Molaulau. ²¹ Wetingola aje mwana molome omotwaa ojee rinaa rachwe Yeesu, haaka nee owatongola aje vanto kore mbiri javoo." ²² Jonse ijoo jasumera ofanikisha kera chaloswa nee monene korentone, akalosa, " ²³ Laanga Bikira ocha aje mohova naawetingola mwaana mwanamolome, omwokola vajee riina Emanueli maana yachwe," Molongo rerena siyee." ²⁴ Yusufu watombola osumera boolonojisha kefo awerwa nee malaika wa monene akamocha jaa mokaa. ²⁵ Kaaka tealala nawe mpaka akaetingola nee akamwomokola riina rachwe Yeesu.