¹ Paulo motomwa wa Kirisitu kwa waanjwi wa Jova, na Timotheo waaleyto, ² kwa waumini na vawaleyto vaumin kore Kirisitu vare kore Kolosai. mboto neevee na nyee na otoolu osuma Moloongo Baaba weiyto. ³ Osunya kokeende shukurani kwa Molongo Baaba monene weyto Yeesu Kirisitu, na omolombera koketalokera. ⁴ Koteye kekwata moo chaanyu kore Yeesu Kirisitu na wooja more na woo kore vara vonse vatengwa cha Molongo. ⁵ Nee wenywi oo chafara kokerendera uwakika wa veekwa rungutwe kwaajili yaanyu. Mwaterera kuhusu taraja eyo ya uwakika kabila mpoongo ya chaadi, injili, ⁶ era yaaja na kore nyee. Injili ee yayala tuunda na neosala ekendea njaweero konse. Yaava ekejisha joo miyoo yanyu otonyererya nsiko mwatere wemberwa osumera kore mboti ya Molongo kore chaadi. ⁷ Ee noo injili mwembererwa osuma kore Epafra, mwanjwi waito motumishi weyto we ne motumishi mwaminifu wa Kirisitu kwa niaba yeito. ⁸ Epafra wajisha amanyeke kore siye wanjwi wanyu kore moo. ⁹ Chaafa ne wanjwi oo otonyererya nsiko kwatera ee tekwareeka omolomberwa. Kwaava kojelomba chafara weijorewa na maarifa ya waanjwi wachwe kere hekima yoonse olanganyi wa moo. ¹⁰ Kwaava kojelomba chafara otingoka moje kore wemereru wa Monene kere njera yandaverera. Kwavaa kojeloomba kwafa oyala moje matunda olokera kore mpoongo njija neekaye ova moje na maarifa a Molongo. ¹¹ Olomba kokeende mokwerye ofewa ngulu kore kila ovee olanganyi na ngulu ya olaulau wachwe kore ovumilivu wonse. ¹² Olomba kokende kwa morere. Osunya moje shukurani kore baaba, ora wa mojisha nyee mokweryee nee faaja kore ¹³ Wakasunya osuma kore osungati wa duu nosengereriwa kore osungati wa mwaana waachwe mwanjwii. ¹⁴ Kore mwana waachwe koteete olamolwa mosamaa wa mbiri ¹⁵ Mwana ne mosananya wa Jova akaonekaniye. Ne moyalwa wa mbere woombwi wonse. ¹⁶ Kore wee vimaka vyoonse nyoombwa vira vyaare rungwitwe navyaarekoo njaa weero, vikendonekana na vikakeendonekana vikeva nee vya nyuma au mamlaka au osungati ore na ngulu, vimaka vyoonse vyoombwa ne wee kwaajili yaachwe. ¹⁷ Wee nakoare kabla ya vimaka vyoonse, nakore wee vimaka vyoonse vyakwatana famo. ¹⁸ Wee nawee motwe na movere yaani kanisa, wee nawe moyalwa wa mbere osuma miongwi mwavare moo, hakaaka, nawe ore naifeenja ra mbere ra vimaka vyoonse. ¹⁹ Chafara Jova avirera kwa mpaango mooja wachwe vikale mioyi yaachwe, ²⁰ naokwatanisha vimaka vyoonse vyaachwe kwa njera ya mwana waachwe. Jova wareeta otoolu olokera kore mosalaba waachwe. Jova wakwatanisha vimaka vyoonse vyaachwe mweene, ekeeva nevimaka vya weerwi au vimaka vya irungwitwe. ²¹ Naanyu, kwaampende emo mwavaa veenyu kore Jova na mwaava vavee vaachwe kore akiri nampoongo mbee. ²² Hakaaka faafo ovasengererya aje kwa movere waachwe olokera nkuya. Wajisha jao ili averete nyee valaulau, vakateete makirisano nampoongo mbee mbere yaachwe, ²³ akuunja otuumba mokeende ofolu, mwajishiwa ova terere, osita otanyiwa kolii osuma kore taraja la ojasiri ra injili mwaateera. Ee nayo injili yalooswa kwa kila moonto woombwa nseensi ya irungwitwe. Ee nayo injili era nee Paulo navaa motomwa. ²⁴ Faafo morere nkenonera okulutechiwa kwaane kwaajili yaanyu. Naane omarera nkeende kore movere waane kekesira kore nkulutechiwa ja Kirisitu chafara kore movere waachwe woona kanisa. ²⁵ Nee nemotomwa wa ikanisa ere, kenfero nafewa moremo osuma kore Jova kwaajili yaanyu, naweijorya mpoongo ya Jova. ²⁶ Ee noochaadi ya kemirirya cha viswa kwende merongo meingee nakwangolo. Hakaaka faafo yakunoyiwe kore voonse vaketera kore wee. ²⁷ Nekwavara vare na Jova asaka okunola kenfero woore wa olaulau wa kemirirya ya chaadi kore Mataifa. Nechaafa Kirisitu are nyoombi yaanyu, maangi ya olaulau okeendeja. ²⁸ Oo nawe kokemolosekera. Omositerya kila moonto, naomwemberera kila moonto kwa hekima yoonse, ili komorete kila moonto mweleleku kore Kirisitu. ²⁹ Kwampoongo ee, nee notomama nkeende na wetaidi olingana na ngulu yaachwe yandatomama moremo nseyi yaane kore ngulu.