¹ Paulo, Silwano, na Timotheo, kwa ikanisa ya Vathesalonike hena Ruva Papa weru na Mndumi Yesu Kristo. ² Mbora na ive kwenyu na miirikilie ifumie kwa Ruva Papa weru na kwa Mndumi Yesu Kristo. ³ Kifuvaie imshukuru Ruva mifiri yoshe kwa mburi yenyu, vandughu. ang'u kwihi nivundu kifutara, kwa liya miirikilie yenye iyaleha mnu, na ifura yenyu kwa kila mndu uongereke kengi. ⁴ Hena icho ifwe fweka fwarera kwa vucha vundu vwenyu hena makanisa gha Ruva. Fwarera mburi ya subira yenyu na miirikilie muke nayo hena mateso ghoshe. Fwarera mburi ya mateso gha muvaie. ⁵ Kwihi niko ishara yenyamarishwa hena kweri ya Ruva. Matokeo ghakwe ni ku imwe mutaririwe iingia hena vumangi vwa Ruva evo kwa ajili yakwe mwateswa. ⁶ Kwa ku ni haki kwa Ruva ivaliha mateso vaya vamutesie, ⁷ na imunika vaha imwe mupatie mateso hamwi naifwe. Ahira kwii mfiri werughuliwa Mndumi Yesu ifuma kaghu hamwi na malaika wa nguju takwe. ⁸ Hena sese ta moro avaliha kisasi vaya varamwichi Ruva na vaya varakya jali injili ya Mndumi weru Yesu. ⁹ Vacheteseka kwa iangamia telele vakiva vatengiwe na iikaaho kwa Mndumi na ngatho ya nguji takwe. ¹⁰ Ahira mfiri wecha netha ashimiwe na vandu vakwe na istaajabishwa hamwi na voshe vairikivie kwa maana miikalie yeru iirikiliwe kwenyu. ¹¹ Kwa mburii fwamuombea mifiri yoshe. Fwamlomba Ruva weru amutare kumwastahili iilaghwa. Fwalomba ku apate itimitha kila haja ya vacha na kila ndima ya miirikilie kwa nguju. ¹² Fwalomba mambogha kimecha muirime ilitukuza irina ya Mndumi Yesu. Fwalomba nesa mupate ishimiwa niwe, kwa mburi ya mbora ya Ruva na ya Mndumi Yesu Kristo.