¹ Kuhuma kwa mgogolo kuyenda kwa mdala mhanhalwa na mwanaghaki wavile ni wapalao kuuchakaka na nikotoho nenga hela bali na woga wala wanguimanya chakaka. ² Kwaikiva gha dakaka iwelili iwelili mghati gha twenga machuma yayedelela. ³ Manemu,lehema,Aman zitewela na twenga kuhuma kwa sapanga Tati na kuhuma kwa Yesu kilisto,mwana wa tati ku chakaka na upalo. ⁴ Ninguhekelela nesu yiwa ninanyili baasi gha wana wanguyenda ku chakaka banda vila tuipokelili laghi'lilo kuhuma kwa tati. ⁵ Na hinaa na kuluwa wenga,mdala,nikotoho yiwa na kuyandikwa kila laghililo mliyonu bali ila tuwelili nayu kuhuma mwihu yiwa tungu palwa kupalana twenga kwa twenga nahau ndiwa upalo ,tugupalwa kuyenda kukovekela kulandana na laghililo ghaki. ⁶ Hai ndiwa ila laghililo handa muiyoghanili kuhuma mwihu yiwa ngupalwa kuyenda ku hayi. ⁷ Kwakiva wahwangi watangala walandala kumlima wogha na wakwinila ng'ogha yiwa yesu kilisto ahikiliku mhigha haya ndiwa muhwangi na mngingama kilisto. ⁸ Jiloleni weni bahayiwa wapotesa nglagha mighalu yala tuyomili ghota lihengu ila ili yiwa muwese kuipatesa hupo itimila. ⁹ Yoyose ayendelaye kuulongolo na ukomala kuvulo lya kilisto ammanya ng'ogha sapanga.Mweni ayenda delelaye catimila kuvulo avile na tati na mwana kangi. ¹⁰ Handa mundu anguhika kwa mwenga na ayeghi ng'onga vulo hali mkotoho kumkalibisa ku malighuta zya mwenga na mkotoho kumjalimbusa. ¹¹ Kwaikiva amjambu suye ughola pamonga ku matendu ghaki mahakata. ¹² Nivile na mighalu gha kukuyandi kila na nikotoho kupala kukuyandi kila kwa lihamba kwa mwenga na kulongela whuso kwa whuso yiwa luheko yatwenga ipati kugholwa itinila. ¹³ Wana wa mhacha wa mwenga mhaghulwa wangu wa jambusa.