¹ Mwakombokeye kwanyenyekea viongozi wa mamlaka, kwatii na panga tayari kwa kila kazi inanogaa. ² Mwakombokeye keneba mpangi mundu yoyote maakau, mwaepuke yangwana, mwapei nafasi bandu benge kwa panga maamuzi, no laya unyenyekevu kwa bandu bote. ³ Kwa mwanja twenga kabe twabile na mawazo mabou na ukatili. Twabili tuobite no twapangilwe twabanda kwa tamaa yambone na sharere. Twatami kwa bwigu na uovu. Twatekwausi no usiana. ⁴ Lakini wakati huruma ya Nongo mwokozi witu na upendo wake kwa wanadamu paubonike, ⁵ yabileli kwa ikowe itu ya haki yatupangite, ila atulopwile kwa neema yake. Atulopwile kwa kutugolwa kwa belekwa kwa yambe na kwa pangilwa wayambe kwa Roho Mtakatifu. ⁶ Nongo apengine Roho Mtakatifu kwa wambone kunani itu petya Yesu Kristo mwokozi witu. ⁷ Apangite nyoo lenga panga, menatubile tubalangili lwe haki kwa neema yake, tubee twashirika kwa uhakika wa maisha gage mwisho. ⁸ Gone ni ujumbe wo aminika. Ni pala mugalongele kwa ujasiri makowe haga, lenga panga balo babamuamini Nongo babe na nia juu ya kazi inanogaa ambayo yabekilwe nonge yabe. Makowe haga na magolou na gabile na faida kwa ajili ya bandu bote. ⁹ Ila mwiepuke no sikisana kwo kipumbavu, kutumbu, mashindano, no gongana husu sheria. Ikowe yoo topo maana wala faida. ¹⁰ Mukani yoyoti ywasababisha baganika kati inu. Baada ya kweleko gumo ama ibele, ¹¹ mutange panga mundu wa aina yoo ailei ndela yaibile sawa na atenda dhambi na kwiukumu mwene. ¹² Panamtuma kwako Artemi au Tikiko, uyombeteke wise kwango kuno nibile mwiti ambao niteamua tama kipindi cha mbepo. ¹³ Uyumbeteke na utume Zena taalamu kwa sheria, na Aapolo, bila pungokelwa na kilebe. ¹⁴ Bandu bitu lanzima baiyegane kwishungulisha kwa kazi inanoga ambao indakukuywa gagapalikwa muhimu lenga pangu bakine panga bange beleka matunda. ¹⁵ Bote bababile pamope na nenga benda kusalimia. Salamu balo babatupenda kwa imani. Neema ibe na mwenga mwabote.