¹ Pauli mtumishi wa Nongo na tumwa Yesu Kristu, kwa imani ya ateule pa Nongo na maafa ga kweli gagaleta utawa. ² Babile kwa abelya kwa ukoti wangemwisho ambao Nongo ywawesali baya uboso atekuaindi boka mwisho. ³ Kwa wakati gogolo, ali umukwi likowe lake kwa ujumbe wanipeile nenga hubiri yanipangite nyoo kwa amri ya Nongo mwokozi witu. ⁴ Kwa Tito, mwana wa kweli kwa imani hitu. Neema, huruma na amani boka kwa Nongo Tati na Yesu mwokozi witu. ⁵ Kwa mwaja nyoo natekuleka Krete, panga kugatengezenze makowe goti gagabile ganakamilikali no beka kwa agoi ba kanisa kwa kila nema ngati mwanitulagile. ⁶ N'ngoi wa kanisa lanzima nalome wanwawa yumo, ywabile na bana haminifu babalongel ali manyatau au bange eshima. ⁷ Ni muhimu kwa hangalia, ngati nyemeleki wa nyumba ya Nongo, kene ubee na lawama. Kene abee mundu wa ndoti au ywange kwiziwia. Lanzima kene abe nyombeteki wa nyongo, kene abee nevi kene abee mundu wa sababisha bulwe, na kene abee mwene tamaa. ⁸ Badala yake: habe mundu ywakaribisha, ywapendile wema. Lazima habe mundu mwene akili timamu, mwene haki, mcha Nongo ywahitawala mwene. ⁹ Ywawesa yema yenganilwa kweli gagayeganilwe, lenga hawese kwayeya moyo kwa yeganilwa magolou na ywawesa kwa keleboya bote babakania. ¹⁰ Kwa mwanjaa babile aasi babone, muno balo ba tohara. Makowe gabe na ga upusi. Bendakonga na kwalangya bandu kwakwaobea. ¹¹ Ni lanzima kwa kanikia bandu ngati boo. Bayengana gale gangepangilwa kwa faida ya oni na alibiya familia yote. ¹² Yumo wabe mundu mwene busara, gabaya, "Wakrete babi;e na uboso wange mwisho, hakau na anyama ba hatari, hakataa na alafi." ¹³ Hagaa malongelwa ga kweli, kwa nyoo wakanikie kwa nguvu lenga panga bawese baya kweli kwa imani. ¹⁴ Wenga kene wijingie na hadithi yangali kweli ya Kiyahudi au amri ya bandu, ambao bakeleboya chogo ukweli. ¹⁵ Kwa bote bababile safi, ilebe yote safi. Lakini kwabote bababile achafu na bangeamini, topo sakibile kisafi kwa mwanjaa mawanzo ngabe na dhamiri yabe ichambwike. ¹⁶ Bendakili kutanga Nongo lakini kwa ikowe yabe bendakukana. Bembe aovu na bangetii. Bapalikwelili kwa likowe lolote linanogaa.