¹ Na naibubweni mbingu yayambe na nnema wayambe,kwamwanja mbingya kwanza na nne mawo kwanza uyomwike,na habari yabilikae. ² Nabweni nnema mtakatifu,Yerusalemu ya yambe,yaisipae boka mbinguni kwa Nnongo watayalisilwe kati mwalewa ndoo jwapambilwe akwaajiliya nchengowe. ³ Nayowine lilobe likolo boka kukitego enzi kaibaya,''Linga!Kitambo cha Nnongo kibi pamopena banadamu,nembeatama paope na bembe.Baba bandu bakete na Nnongo mwene abanabo na aba Nnongo wabe. ⁴ Alowa puta moli boka mumunyogabe,kwaba lilina kiwokae,ao lombola ao lela ao minya.Makowe ga zamani gayo mwile peta. ⁵ Jwembe jwa tawi pakitengocha enzi atibaya linga!Nipanga makowegote panga gayambe,"Atibaya,"Wandike lee kwa mwanja makowe gaa ga akika na kweli." ⁶ Atikumibakiya mambo gaa gayo mwile peta!Nenga na Alfa na Omega,wakwanza na wamwisho kwa ywojwole jwaibona nyota nampenya mache bila garama mu kinywanyu cha machega uzima. ⁷ Jwashinda alidhi mamba aga na nalowa baa na Nnongo wake,na jwembe alowa ba mwana wango. ⁸ Lakini kati mwaibile kwa bene mwoga,bangeamini,bene mauzi baba bula nga bandu amaya babe ,babaikilikitya kinyango,na abochobote,sumu yabe ya ba ziwa lya mwoto wa kiberiti wautimiaya .Ayo ngamauliye meibele." ⁹ Yumo kati ya balo malaika saba baisi kachango,yulo jwabi na mikwa saba yayatwili mapigo saba ga mwisho na atibaya,"Wishe hapa.Nilowa kuku kulaya bibi harusi,nyumbowe mwana kondooo." ¹⁰ Na napololikwe kutalu kwa Rooho kukitombe kilacho atikumilaya nnema mtakatifu,Yerusalemu,kau uluka boka mbinguni kwa Nnongo. ¹¹ Yerusalemu kwabina utukufu wa Nnongo,nano ga kwake kwabile kati kito ya thamani,kati liwe lya kilolo sapi cha yaspi. ¹² Wabina utukufu nkolo,nnachowene milyango komina na ibele,pamope na malaika komi na ibele paningo.Kunani ya niango paandikilwe maina ga makabila komina ibele ga bana ba Israeli. ¹³ Upande wa kubwani kwabina milyango itatu,wa kubende milyango itatu,upandwa kaskazini milyango itatu,na upande wa kundondi milyango itatu. ¹⁴ Kijingombe cha nnema chabi na misingi komi na ibele na kunani yake kwabina maina kumi na ibele nga mitume wa mwana kondoo. ¹⁵ Jumo jwa longelange na nenga abinakipemo cha bokola yaitengeneswile kwa dhahabu kwa mwanja ya pimya nnema,milyango yake na ukota wake. ¹⁶ Nnema wa bekilwe nkati ya mraba;Ulachowa wake wabi kati upana wake.Alengite nnema kwa kipemo cha boko la yake,Stadia 2,000 kwa ulacho (ulachowake,upana,na kyemo chati landama). ¹⁷ Vile vile apemite,kigombe chake,unenewake wabile dhiraa 144 kwa ipemo ya kibinadamu (na kae ipemo ya malaika). ¹⁸ Ingombe ya sengilwe kwa Yaspi na nnema wune dhahabu safi,kati kilolo kisafi. ¹⁹ Misingi ya ingombe batipamba kwa kila aina ya maliwe ga dhamani.Lya kwana lyabi lya Yaspi lyaneibele lyabi ya kuti samawi lineitatu lyabile kalkedon,na lya necheche zumaridi, ²⁰ lyatano Sardoniki,lya nane zabarajadi lya tisa yakuti ya manjano,lya koni Krisopraso,lya komina moja hiakintho,lya kumina ibele,amethisto. ²¹ Milyango kaminaibele yabi lulu komina ibele kilanmiango watengeniswe bukamu lulu jimo.Milaa ya nne ma yabi dhaabu sapi,kaibonekana kwa kilolo sapi. ²² Nali bweni lili hekalu yolyote munnema kwa mwanja Nawana Nnongo.Jwa tawala kunani ya yoti,na mwana kondoo nga hekalu lyake. ²³ Nnema upalange lili lisoba amwei lenga angaza kwa mwanja utukufu wa Nnongo wati angaza,na taa yake yabi mwana kondoo. ²⁴ Mataifa batyanga kwa bweya wanne mawo,Apwalume ba dunia baleta fahari yabe nkati yabe. ²⁵ Milyango yake bajigala lili wa katiwa mu twekati,kwabalili na kilo palo. ²⁶ Baleta fahari na heshima ya mataifa nkati yake, ²⁷ na ntopo kichapu chachajingya nkati yake.Wala jwojwote jwa panga makowe lya oni ao mocheo ajingya lili,ila balo tuu mainagabe gatiandokilwo mu kitabu cha uzima cha mwanakondoo.