¹ Baisile mpaka upande wenge wa baali katika nema wa Galasi ² na himukwa muda wabile kapita mu ntumbwi mundu mwene mwoyo nchafu atiicha kwake boka kumakaburi. ³ Mundu ywo atami kumakaburi.Ntopo ywawesike kumwibiliya muno ntopo ywawesike kumwibilia muno ntopo utayololo. ⁴ Abile atabilwe kwa mula wa mbone kwa pingu na minyololo hati kataminyo lolo na pingu yake ngaitekwa ndoto mundu ywawesike no bana ngupu ya kumwecha. ⁵ Kilo na mutwe nkati abile kumakabuli na itombe,endelea na kwikata mwene na maliwe makali. ⁶ pamweni Yesu kwakutalu,ngamutukwa no lita nonge yake. ⁷ Nga lela kwa lilobe likolo,"Upala nikupangie kele Yesu mwana wa Nnungu ywabile kunani muno?nikuloba kwa Nnungu mwene kana uteseke. ⁸ Kwa mwanja aamakiye,"Umoke mundu yo,wenga wa mwoyo nchafu." ⁹ Na ywembe nganaluya,"Lina lyako wa nyai? ngayangwa,"lina lyango Legion,kwa panga twatwi wanambone. ¹⁰ Ngabannoba muno kana ababoye panja. ¹¹ mbeyambe likundi likolo lya ngobe lende lelya kunani ya kitombe. ¹² Na bembe ngabalindia kababaya,"Ututume kwa ngobe;tujingye nkati yabe." ¹³ Kwa nyo ngabaruhusu kumwoya mchafu,ngababoka na jingya nkati ya magobe,na ngobe ngababutuka pai ya kitombe mpaka mubaali na kalibu na ngobe elufu ibele nga chwikia mubali. ¹⁴ Na balo babaleleyage ngobe ngababutuka no piya talifa ya cha kipitile katika kilambo na katika nnema,ngapo bandu banambone ngaba yenda lola chakipitike. ¹⁵ Ngapo ngabaicha kwa Yesu ngabamweni mundu ywa changanyikilwe na moka ywabile na likundi atami pae,awalikilwe na abile na akili yake sawasawa,nabembe batiyogopa. ¹⁶ Balo bababweni chakipitile kwa mundu ywayangabanike na moka ngaba baya chakipitike kwa yolo na chakipiti kwa magobe. ¹⁷ Nabembe ngabatumbwa kunendya aboke mukilambo sabe. ¹⁸ Napabile kajingya nkati ya ntumbwi,mundu yolo ywa yangabake na moka nganendia alongwane nakwe. ¹⁹ Lakini anlusulule lii,lakini ammakiye ayende kaya na kwa bandu bake,nawabakiye,gakupangile mkolongwa,na nema yaikupulike." ²⁰ Kwa nyoayei no tumbwa makowe makolo gapangite Yesu kwake katika Dekapoli,na kila yumo abweni ajabu. ²¹ N muda Yesu paombwike upande wenge,nkati ya ntumbwi,umati nkolo watikusikana teleta pababile mwenga ya baali. ²² Na yumo ywabile kilongoli wa lisinagogiywakemelwa Yairo,Ngaicha,napamweni,ngatomboka pamagolo gake. ²³ Nga nendendiya muno kabaya,"mwe nyawango nchini aipapipi na waa.Nikuloba,wiche no ubeke maboko gako kunani yake lenga mwiso apate ngupu na lama." ²⁴ Nga ayei pamope nakwe,umati nkolo wa bandu watikunfata na bembe watiegelwa no kunzunguka. ²⁵ Kwa abile na nnwawa ywabile damu yake yabile kaipita myaka komi na ibele. ²⁶ Atiteseka muno na matabibu banambone na atumite kila kilebe abile nacho.Ata nyo yansaidiye lii kwa kilebe,lakini bada yapo azidile panga alimbaya. ²⁷ Ngayowine makowe usiyana na Yesu.Nga nyo kaicha nchogo yake muda pabile katiyanga nkati ya umati,na ywembe ngaikamwa ngobo yake. ²⁸ Kwa panga abaite,"Mana niikamwile ngobo yake tu,napanga na nkoti." ²⁹ Paankamwile,pita kwa damu kwakotwike,na ayowine muyega panga atiponeyelwa boka mumateso gake. ³⁰ Nga gafula Yesu ngatanga ngati yake mwene panga ngupu imoi. Ngatendebuka kono na kono pakati ya umati wa bandu naalokiya,"Nyai ywaikamwile ngobo yango?" ³¹ Banafunzi bake ngabammakiya,"Ubona umati wono utikwegelyaga,wenga ubaya,nyai ywa kukamwile?" ³² Lakini Yesu alingite kono na kono amweni ywapangite leno. ³³ Nwawa,atangite chaakipangite kwake,atiyogogopa no lendema.Ngaicha na tomboka pae nnonge yake nakummakiya ukweli woti. ³⁴ Ngabaya kwake,"Mwennja,imani yako ikupangite nkoto.Uyende kwa pulaika no uponeyelwe boka mutamwe wako." ³⁵ Pabile kalongela,baazi ya bandu batiicha boka kwa kilongoli wa lisinagogi,ngababaya,"Mwenja wako awile.Kwa mwanja kele uyendelya kunchuluya mwalimu?" ³⁶ LAKINI Yesu paatangite cha bakibaya,ngaamakiya kilongozi wa lisinagogi,"Kana uyogope,Uamini bai." ³⁷ Hanruswile lii ywoywote longwana nakwe ila,Petro,Yakobo na Yohana,nnongowe Yakobo. ³⁸ Baisile munyumba ya kiongozi wa lisinagogi ni ywembe aibweni vurugu,lela kwanambone na ombolesa. ³⁹ Paajingile munyumba,ngaabakiye,"Kwa mwanja namani mukokoleka na mwanja kele mulela?mwana ana waa lii atigonja." ⁴⁰ Batikuncheka,laki ni ywembe,ngabapiya boti panja,ngabatola tati ba mwana na mao na balo bababile pamope ni ywembe,ngajingya nabo munyumba mwaabile mwana. ⁴¹ Katola luboko lwa mwana nakummakiya,"Talitha koum,"ambayo ni kusema,"Ywa nnwawa nchunu,nakumakiya uyumuke." ⁴² Na gafla mwana ngayumuka no tyanga (kwa panga abile na myaka komi na ibele).Na gafla bakamulikwe na nchangalo nkolo. ⁴³ Nabaamuru kwa nguvu panga ntopo ywoywote ywapalikwa tangaza usiana na leno. Na ngaamakiya mumpei mwennja chakulya.