¹ Mda woo pabaichile Yerusalemu,pabakaribiye Bestfage na Bethania,pakitombe sa mizeituni.Yesu ngatuma abele nkati ya banafunzi bake. ² na kaabakiya,"Muyende mu mji chabile papipi na twenga.Mara pa mijingii po,mwalowa kum'bona mwana mbonda ywabile apandwile lii.Munfungulyange na munnete kwango. ³ Na mana ywoywote aabakia,"Kwa mwanja kele mupanga nyoo'?,mpalikwa baya,'Bwana ampala na mara alowa kunkerebuya'." ⁴ Ngayenda na kunkuta mwana mbonda atabilwe panja ya nnango mu ntaa ubile wazi,ngabantola. ⁵ Na baazi ya bandu bababile bayemi palo na ngaabakiya,"Mpanga kele,kuntola mwanambonda yoo?" ⁶ Ngaabakiya kati ya Yesu aabakiyage,na bandu batikwaleka bayende. ⁷ Babafunzi abele bannetike mwanambonda kwa Yesu na kabatandika ngobo yabe nnani yake panga Yesu aweze kumpanda. ⁸ Bandu banambone ngabatandika ngobo yabe mundela,na benge ngabatandika matawi ga mikongo ngabatola moka mung'unda. ⁹ Balo babayenda nnonge yake na balo batikunkengama kabakombwa ndoti."Hosana!Atibalikilwa ywaisile kwa lina lya Bwana. ¹⁰ Ubalikilwe ufalume wauisile wa tate bitu Daudi!Hosana kwa ywaabile kunani." ¹¹ Nga Yesu kajingya Yerusalemu na yenda mulihekalu na lola kila kilebe.Mbeyambe muda ubile watibutuka,ngayenda Bethania pamope nabo komi na ibele. ¹² Lisoba lya liisile,muda pababile bakelebuka boka Bethania,abile na njala. ¹³ Aubweni nkongo wa ntini waubile na manyei kutalu,atiyenda kulola mana awesa pata chochote nnani yake.Na muda paaikite palo,apatike lii chochote ila manyei,kwa mana yabile lii majira ya ntini. ¹⁴ Ngaubakiya,"Ntopo ywoywote ywalya tunda boka kwako kae".Nga banafunzi bake kabakasirika. ¹⁵ Baisile Yerusalem,ni ywembe ajingile mulihekalu na tumbwa kwatoa panja bapemya na banunuzi nkati ya lihekalu.Ngapindua meza za bababadilisha mbanje na viti vya balo bababile bapemeya ngunda. ¹⁶ Atikurusu lii ywoywote potwa chochote mulihekalu chakibile kipemewa. ¹⁷ Atikwafundisha na baya,"Je iandikilwe lii,'nyumba yango ikemelwa nyumba ya sala kwa mataifa goti'?Lakini muipangite pango laanyang'anyi". ¹⁸ Makuhani akolo na aandishi pabayowine gaalongela,bembe ngabapala ndela ya kumulaga.Ata nyo batikumwogopeya kwa kitumbu bandu batishangala mafundisho gake. ¹⁹ Na kila muda paiikite kitamwinyo,baboka boka mjini. ²⁰ Pababile batyanga kindae,baubweni nkongo wa ntini watikauka mpaka mikega yake. ²¹ Petro kaakombokya na baya,"Rabi!Linga,nkongo wa ntini waulaaniye watikaukiyanga." ²² Yesu ngaayangwa,"Mube na imani kwa Nnungu. ²³ Muobeliye naabakiya panga kila ywakimakiyage kitombe chee,"Uboke,na ukajitupe mwene mu baali,'na mana abile lii masaka mumwoyo wake lakini aaminiya panga chaakibaite chalowa pangika,nga nyo Nnungu alowa kukipanga. ²⁴ Kwa eyo nenda kwamakiya:kila kilebe chamukiloba na kunaluya kwa ajili yake,muobelyage panga mwaloa pokya,nayo yapangika inu. ²⁵ Muda wa muyemile na kuloba,mpalikwa samiya chochote chamubile nacho nnani ya ywoywote,ili panga Tate binu ywabile kunani awasamehe kae mwenga makosa inu. ²⁶ (Uyingatie:mstari woo,Lakini mana mwasamiya lii,wala Tate inu ywabile kunani awasamiya lii sambi inu" ubile lii mu nakala za samani) ²⁷ Baichile Yerusalemu kae.N a Yesu paabile mulihekalu,makuhani akolo,baandishi na apindo baichile kwake. ²⁸ Ngammakiya,"Kwa mamlaka gani upangite makowe aga?" Ywa nyai ywakupile mamlaka kupanga aga.?" ²⁹ Yesu ngaamakiya,"Naalaluya swali limo.Munimakiye na nenga nabakiya kwa mamlaka gani mwapanga makowe aga. ³⁰ Je,ubatizo wa Yohana uboka kunani au kwa bandu?Muniyangate." ³¹ Kabajadiliana nkati yabe na shindana na baya,"Mana mubaya,'iboka kunani,'abaya,'Kwa kele bai mwenga muobelya lii?' ³² Lakini mana twabaya,'boka kwa bandu.' "Batikwayogopa bandu,kwa mana bote batikamwa panga Yohana abile nabii. Nga banyangwa Yesu babaya,"Tutangite lii. ³³ Nga Yesu kaabakiya,"Na nenga naamakiya lii ni kwa mamlaka gani napanga makowe aga.