¹ Wono nga utumbulwo wa Injili ya Yesu Kristu, mwana wa Nnungu. ² Kati mwaiandikilwe na nabii Isaya,"Uliinge,nintuma mjumbe wango nnonge yako,ywapala kuandaa ndela yako. ³ Lilobe lya mundu ywa kema mupongote,"Mwikamilishe ndela ya Bwana;mwigoloye ndela yake. ⁴ Yohana atiicha,batiza mupongote na kwabakiya ubatiso wa toba kwa msamaha wa sambi. ⁵ Nnema wote wa Yudea na bandu bote ba Yerusalem batiyenda kwake.Babile kababatizwa na ywembe nkati ya mase gagabile Yordani,kabatubu sambi yabe. ⁶ Yohana abile wala kwake liyobo lamanyoya ga ngamiana nkanda wa likogwa mukibuno chake,abile lyaa nnjige na busi wa mmwitu. ⁷ Atikwahubiri bandu na baya,"abile yumo andaicha bada yango nee mwene nguvu kuliko yango nenga.na ndopo nifaika lii hata yolita pae no taba ngamba ya ilatu yake. ⁸ Nenga natikuwabatiza kwa mase,lakini ywembe aluwa kuwabatiza kwa Roho mpeletau." ⁹ Yapitike katika masoba go panga Yesu aichile boka Nazareti ya Galilaya,na batiswa na Yohana nkati ya mase ga Yordani. ¹⁰ Wakati Yesu pakakatwike boka mumase,abweni kuliunde kubaganike bweya na Roho kauluka nnani yake kati ngunda. ¹¹ Na lilobe lwa boi kunani"Wenga nga wamwananngo ywanimpendile.Ywanimpendile muno nga wenga." ¹² Baada ya po mara jimo Roho nganazimisha ayende kupongote. ¹³ Abile kupongote masoba arobaini,ngapapayilwa na shetani.Abile pamope na anyama bamwitu,na malaika batikumwudumia. ¹⁴ Tumbwe baada ya Yohana boyolwa,Yesu ngaicha Galilaya katangaza injili ya Nnungu. ¹⁵ ngabaya,"Muda wikite,na ukolongwa wa Nnungu ukaribie.mutubu na kuiobelya injili. ¹⁶ Na kapeta mbwega ya bahari ya Galilaya,amweni Simoni na Adrea nnongowe Simoni kabaliikwa nyavu yabe mubahari,kwakuwa babile avuvi. ¹⁷ Yesu ngaabakiya,"Muichange,munifatange,na nee nipaa kuapanga avuvi abandu." ¹⁸ Na mara jimo ngabaleka nyavu na kunfata. ¹⁹ Wakati Yesu patyangange kutalu pachini,ngamona Yakobo mwana wa Zebedayo na Yohana nnongowe;babile muntumbwi kabatengeneza nyavu. ²⁰ Mara atikwakema na bembe ngabanneka Tate babe Zebedayo nkati ya ntumbwi na atumishi babakodishilwe,ngaba nkengama. ²¹ Nga pabaikite Kapernaumu,lisoba lya sabato,Yesu ajingile musinagogi na pundisha. ²² Batishangala liyengano lyake,kwa mwanja babile kabayengana kamundu ywabile namamulaka na siyo kati baandishi. ²³ Muda wowolo pabile na mundu mulisinagogi lyabe,ywabile na roho nchafu,akombwile ndooti, ²⁴ kabaya,"Twi na kele chapa na wenga,Yesu wa Nazareti?uichi kutubulanga?Nikutangite wa nyai wenga.Wenga wa mpeletau wa Nnungu kichako." ²⁵ Yesu ngalikemya pepo nobaya,"ukotokake na na ubuke nkati yake! ²⁶ Ywa roho nchafu kantombwa pae ngaboka kachake wakati kalila kwa lilobe lya kunani. ²⁷ Bandu boti batishangala,kwanyo ngabalunyana kila yumo,"Ache nga kele? Lifindisho lyayambe lyalibile na mamlaka?Hata amulisha lyoka aboya na bembe kabamtii." ²⁸ Na makowe kuhusu ywembe mara jimo ngabayowanika kila semu ngati ya mkowa wa Galilaya. ²⁹ Na mara jimo baada ya peta panja ya lisinagogi,bajingile munyumba ya Simoni na Andrea babile na Yakobo na Yohana. ³⁰ Mbiyambi mama mkwe wa abile agonjike ntamwe wa homa,na mara jimo bammakiyange Yesu kuusu ywembe. ³¹ Nnyo aichile ngankamwa kwa luboko lwake na kunkakatuya kunani,homa ngaiboka kachake,na ngatumbwa kwaudumia. ³² Ktamwinyo cha wakati lisoba liswikikile,ngababanetya kwake bote bababile atamwe,au babachanganyikilwe na moka. ³³ Nnema wote batikusanyika pamope pakati ya nnyango. ³⁴ Atikwaponiya banambone bababile atamwe na batammwe gakutalu na kutalu no boya lyoka bambone hila abaluswile lii lyoka longela kwa kitumbu bantangite. ³⁵ Ayumwike kindae na mapema,muda wabile bado lubendo,ngaboka na yenda pandu pakisake na loba akwo. ³⁶ Simoni na boote bababile pamope naywembe batikunkengama. ³⁷ Bampatike na ngabamakiya,"kila yumo ndakukupala." ³⁸ Ngapabakiya,"Tuboke pandu penge,panja katika kilambo yaituteleta lenga niwese kuihubili akwo na kwembe.Nga kitumbu naisile pao." ³⁹ Ayei kapeta Galilaya yote,kono kaubili katika lisinagogi lyabe nobendwa moka. ⁴⁰ Mwenye ukoma yumo atiicha kwa ywembe.Abile kankokolekwa,atikilikita na kumakiya,"mana upendile,wawecha kunipanga na nkoti." ⁴¹ Kasukumilwa na kia,Yesu nganyosha luboko lwake na kunkuywa,kamakiya,"nipala ube wansafi." ⁴² Mara jimo ukoma gaumoka,na apangilwe panga msafi. ⁴³ Yesu hatikumkweleka ukale na kumakiya aboke mara jimo, ⁴⁴ Ngamakiya,"uhakikishe ubaya lii likowe kwa ywoywote,lakini uyende,ukailaye kwa kuwanina ukapiye sadaka kwa ajili ya upona ambao Musa atilangwa,kati ulongeli." ⁴⁵ Lakini atiboka na tumbwa kumakiya kila mundu na onesa,makowe muno ata Yesu awecha lii kae jingwa mukilambo cha ulu.Nga atami pandu kichake na bandu batiicha kwa ywembe boka kila pandu.