¹ Ndipo mafarisayo na baandishi baichile kwa Yesu boka Yerusalemu. Na baba, ² "Kwa mwanja namani banafunzi bayatekwana mapokeo ya apindo? Kwa mana banawi lii kaboko gabe mana balyaa chakulya." ³ Yesu kayangwa na kuabakiya, "Mwenga kwa mwanja namani mwaiharibia sharia ya Ngwana kwa ajili ya mapokeo inu? ⁴ Kwa mana Nnongo abayite, 'Mumweshimu tate bako na mao bako; na 'Ywabaya ubou kwa tate bake na mao bake,akika awaa, ⁵ Lakini mwenga mubaya 'Kila ywamakiye tate bake na mao bake, "Kila msaada ambao apatike boka kwango nambeambino ni zawadi boka kwa Nnongo," ⁶ "Mundu yolo abile lii haja ya kumweshimu tate bake.Katika namna yee mwalitekwana neno la Nnongo kwa ajili ya mapokeo ynu. ⁷ Mwenga mwa anafiki,ni vema kati isaya yaatabiri abaya. ⁸ Bandu aba baniheshimia nenga kwa mikanwa yabe, lakini mu myoyo yabe babile kutalu na nee. ⁹ Baniabudia bure,kwa sababu bafundisha mafundisho gabile maagizo ya bandu." ¹⁰ Ndipo akema makutano na kuamakiya, "Muyuine na mutane ¹¹ Ntopo kilebe cha jingya mu nkanwa wa mundu na kumpanga najisi.Ila,chelo chakiboka mu nkanwa,chelo nga kimpangite mundu kuwa najisi. ¹² Ndipo banafunzi batiyenda kwake na longela na Yesu, "Je!, Utangite Mafarisayo payuine lelo neno batichukyanga?" ¹³ Yesu kaayangwa na baya, "Kila mmea ambao Tate bango wa mbinguni aupandike lii utang'olewa. ¹⁴ Mualeke kichabe,bembe ni viongozi vipofu. Kati mundu kipofu atamuongoza ywenge,boti abele bajingya mu lipole." ¹⁵ Petro kanyangwa na kummakiya Yesu, "Tubakie mfano huu kwetu, ¹⁶ Yesu kanyangwa, "Mwenga kai bado mutangite lii? ¹⁷ Mwenga mubweni lii panga kila chakibile mu nkanwa hupitya mundumbo na yenda kuyeto? ¹⁸ Lakini ilebe yoti yaboka mu nkanwa uboka ngati ya mwoyo. ¹⁹ Ayee nga ilebe impanga mundu mnajisi. Kwa mana katika mwoyo gaboka mawazo mabaya,bulaga,umalaya,uasherati,wizi,ushuhuda wa ubocho,na tukangana. ²⁰ Aga nga makowe yampangayo mundu unajisi. Lakini lyaa bila nawa maboko kumpangite lii mundu kuwa najisi." ²¹ Ndipo Yesu aboka mahali pale na atikuitenga yenda pande za miji ya Tiro na Sidoni. ²² Linga aichile nwawa Mkanani boka pande izo. Apangite lilobe abaya, "Nihurumie, Ngwana,Mwana wa Daudi,nwawa wangu anateseka muno na nchela." ²³ Lakini Yesu anyangwa lii neno. Banafunzi bake baichile na kumsihi,babayite, "Mwondoe ayende,mana atupangia ndoti." ²⁴ Yesu kaayangwa na baya, Nenda tumwa lii kwa mundu yoyote ila kwa ngondolo waliopotea wa nyumba ya Israeli." ²⁵ Lakini aichile na yema nnongi yake, kabaya, "Ngwana unisaidie." ²⁶ Anyangwile na baya, "Ibile lii vema kutola chakulya cha bana na kuwapea mbwa." ²⁷ Abayite, "Eloo,Ngwana,hata mbwa achunu balyaa chakula chakitumbuka mumeza mwa Ngwana wabe." ²⁸ Ndipo Yesu kanyangwa na baya, "Nwawa,imani yako ni kolo. Na ipangike kati ya upala," Na nwawa wake abile nkoto boka muda ule. ²⁹ Yesu abokite mahali pale na yenda papipi na baari ya Galilaya. Boka po kayenda pakitumbi na tama kolo. ³⁰ Kipenga kikolo kiichile kwake. Na kunnetya viwete,vipofu,bubu,vilema na benge banambone,babile atamwe. Baabekite mu magolo ga Yesu na kuwaponya. ³¹ Bembe batishangala pa babweni mabubu balongela,na vilema bapangilwe akoto,viwete tyanga,na vipofu bana. Walimsifu Nnongo wa Israeli. ³² Yesu abakema banafunzi bake na baya, "Naaboniya huruma bandu aba, ka mana babile na nenga kwa masoba gatatu bila lyaa kilebe chochote. Nawaaga lii bayende kwabe bila lyaa,kene batomboke mundela." ³³ Banafunzi bake bammakiye, "Kwaako twaweza pata mikate ya kuwatosha kono mwitu kupanga bandu aba banamboni bayukwi?" ³⁴ Yesu aamakiye, "Mubile na mikate ilenga?" Babaya "Saba,na omba achene." ³⁵ Yesu ammuru bandu tama pae. ³⁶ Atitola mikate na omba,na baada ya kushukuru,autekwane na kuwapea banafunzi. Banafunzi baapeya band. ³⁷ Bandu bote ngabalyaa na yukwita. Na batekusanya mabaki ya vipande vya chakulya vyatisalia vipande vipande,vitwelile vikapu saba. ³⁸ Bote babile alalome elfu ncheche balo balyaa bila balanga alwawa na bana. ³⁹ Kisha Yesu atekuaga bayende zao na kajingya mu ngalaba na yenda sehemu za Magadani.