¹ Katika lichuba lee Yesu abokite mu nyumba na tama kando ya baari. ² Bandu baingi batikusanyika kwa kumzunguka,ajingile mu ngalaba na tama ngati yake. Bandu boti bayema kando ya baari. ³ Kisha Yesu abaya maneno yanambone kwa mifano,Abaya, "Lola,mpanzi ayenda kupanda. ⁴ Paabile akipanda baadhi ya mbeyu zatitomboka kando ya ndela na iyuni baichile na kuidonoa. ⁵ Mbeyu yenge itombwike nnani ya mwamba,ambapo zipatike lii nkando wakutosha. Gafla zatichipua kwa sababu nkando ubile lii na kina. ⁶ Lakini liumu palichomoza lyaitiniya kwa mana zibile lii na mikega,na zatikauka. ⁷ Mbeyu yenge zatomboki ngati ya mikongo yabile na miba.Mikongo yabile na miba yatirefuka kunani yake na kuisonga. ⁸ Mbeyu yenge yatitomboka mu nkando mzuri na kuzaa mbegu,yenge mara mia jimo zaidi,ywenge mutame na ywenge thelathini. ⁹ Abile na makutu na apekaniye. ¹⁰ Banafunzi baichile na kummakiya Yesu, "Kwa namani walongela na makutano kwa mifano?" ¹¹ Yesu anyangwa na kuamakiya, "Mbeilwe upendeleo wa kugatanga siri za ufalme wa mbinguni,ila kwabe bapeyelwa. ¹² Lakini yeyote ywabile nacho,kwake ywembe ywaongezewa muno,na apala faida ngolo.Ila yolo ywabile nacho lii ata kichunu cha abile atanyang'anywa. ¹³ Nga nyoo nalongela nabo kwa mifano kwa sababu ingwa banabona,kana baubweni ukweli. Na mana bayowine. ¹⁴ Unabii wa Isaya watimia kwabe,wolo ubaya,"Mwenda kugasiki,ila kwa namna yoyote mwaelewa lii;wakati mugabweni muweze bona,lakini kwa namna yeyote ile mutangite lii. ¹⁵ Na myoyo ya bandu aba ibile mulibindo,ni vigumu kugayowa,na batifumba minyo gabe,au yowa kwa makutu gabe,au tanga kwa myoyo yabe,nga nyo batikerebuka kai,na nenda kwaponya.' ¹⁶ Bali minyo yinu yatibarikiwa,kwa mana gabona,na makutu inu kwa mana gayowa. ¹⁷ Hakika naamakiya manabii baingi na bandu babile na haki babile na hamu ya kugabona makowe yalo mugabweni,na waweza lii kugabona. Batamaniya kugayowa makowe galo mugapekaniya,babapekaniya lii. ¹⁸ Nambiano muyuine mfano wa mapenzi. ¹⁹ Wakati yeyote paayuine neno lya ufalme na atangite lii,nga mwovua uicha na kukitola chakiyomwile kupandwa ndani ya mwoyo wake.Ayee nga mbegu yelo yatipandwa kando ya ndela. ²⁰ Ywembe ywapandwa katika miamba ni yolo ywaliyowa neno na kulipokya haraka kwa furaha. ²¹ Bado abile lii mikega ngati yake,ila bavumulia kwa kitambo kifupi.Wakati matatizo au mateso gatokea kwa sababu ya neno wikobala ghafla. ²² Ywapandwa katika mikongo yabile na miba,ayoo nga yolo ywaliyowa neno lakini masumbuko ga dunia na ubocho wa utajiri watilisonga neno lipambike lii matunda. ²³ Ywapandilwe mu nkando unoite,ayoo nga yolo ywaliyo neno na alitangite. Ayoo nga yolo ywapambika matunda na kuendelea pambika jimo zaidi ya mara mia,yenge sitini,yenge thelathini." ²⁴ Yesu abapeile mfano wenge,abaya,"Ufalme wa nnngo wafananishwa na mundu ywapanda mbeyu nzuri mung'unda wake. ²⁵ Lakini bandu pabagonjike,adui aichile kae na kupanda manyei ngati ya ngano kisha aboi. ²⁶ Baadae ngano payati ota na kutoa mazao gake,nga manyei gabonekine kae. ²⁷ Na amanda ba ywabile nng'unda baihile na kummakiya,'Ngwana,upandike lii mbeyu nzuri katika ng'unda wako? Ipangite namani mbiambino mubile na manyei? ²⁸ Abayite,Adui apangite lee,"Amanda bammakiye, "Kwa eyo upala tuyende kuyang'oa?" ²⁹ Mwenye ng'unda abaya, 'Hapana,wakati pamuyalema manyei mwalowa lema pamope na ngano. ³⁰ Muyaleke yakue pamope mpaka wakati wa mavuno. Muda wa Mauno nabaya kwa aunaji, 'Kwanza mugang'oe manyei na mugapange matita matita na kugatinia mwoto,lakini muikusanye ngano katika ghala yango." ³¹ Kisha Yesu atikwatolea mfano wenge. Abaya, "Ufalme wa mbinguni walandine na mbeyu ya haradali ambayo mundu atikuitola na kuipanda mu ng'unda wake. ³² Mbeyu yee kwa hakika ni njene kuliko mbeyu ya mmea wenge wa bustani,upangika nkongo,kisa panga iyuni wa mwitu uicha na chenga mu matawi gake." ³³ Atikwamakiya mfano wenge kai, "Ufalme wa mbinguni ni kati chachu yelo ya twaliwa na nwawa na kwiyangabana na vipimo vitatu kwa unga mpaka iumuke. ³⁴ Ayo yoti Yesu agabaya mu kipenga kwa mifano. Na bila mifano abaya lii chochoti kwabe. ³⁵ Ayee ibile panga chelo chakiyomwilwe longelwa pitya kwa manabii kiweze timiya. "Nafumbua nkanwa wango katika mifano.Nabaya makowe yale yabile yatifichika tangu msingi wa lunia." ³⁶ Baoka po Yesu abalekite na yenda ku nyumba. Banafunzi bake bangengime na baya tufafanulie mfano wa manyei mung'unda." ³⁷ Yesu anyangwa na baya, "Ywapanda mbeyu nzuri ni Mwana wa Adamu. ³⁸ Ng'unda nga ulimwengu,na mbeyu nzuri,aba nga bana ba ufalme. Manyei ni bana ba yolo mwovu,na adui ywapanda manyei ni ibilisi. ³⁹ Na mauno ni mwisho wa dunia,na aunaji ni malaika. ⁴⁰ Kati nyaa manyei gakusanywa na tiniwa mwoto,nga nyonyo ipangika mwisho wa dunia. ⁴¹ Mwana wa Adamu abatuma malaika bake,kusanya boka katika ufalme wake makowe goti yaliyosababisha dhambi na balo bapanga maasi. ⁴² Watawatupa wote katika tanuru la mwoto,ambako kubile na lela na kusaga mino. ⁴³ Ndipo bandu babile na haki watakapo ng'aa kati liumu katika ufalme wa Tate babe.Ywembe ywabile na makutu na ayowe. ⁴⁴ Ufalme wa mbinguni ni kati hazina yaibile yatijificha mung'unda. Mundu mana aibweni na kuificha. Katika furaha yake ayenda kuipemeya yote yaabile nayo,na kuununua ng'unda. ⁴⁵ Kai, ufalme wa mbinguni ni kati mundu ywapangite biashara ywapala lulu yaibile na thamani. ⁴⁶ Wakati paibweni yelo yaibile na thamani,atiyenda pemeya kila kilebe chaabile nacho na kuinunua. ⁴⁷ Ufalme wa mbinguni ubile kati nyavu yaibile ngati ya bahari,na panga hukusanya viumbe vya kila aina. ⁴⁸ Pautwelilwe wavuvi batikuuvuta muufukwe.Kishha batama pae kusanya ilebe yaibile njema ngati ya chombo,lakini yaibile lii na thamani yatitupwa kutalu. ⁴⁹ Ipalikwe namna yee katika mwisho wa dunia.Malaika baicha na kuwatenga bandu baovu boka miongoni mwa babile na haki. ⁵⁰ Na kuwatupa ngati ya mwoto,ambako mubile na lombola na kusaga mino. ⁵¹ Mugatangite makowe goti aga? Banafunzi ban'yangwine, 'Elo." ⁵² Boka Yesu amakiye, "Kila mwandishi ambaye abile mwanafunzi wa ufalme anafanana na ywabile na nyumba ywaitoa katika hazina yake ilebe yambeambe na ya kale." ⁵³ Mana ipangite payomwile mifano yoti,atiboka katika sehemu yoo." ⁵⁴ Boka po Yesu aikite katika mkoa wake na atikwafundisha bandu mu lisinagogi! Matokeo gake ni kuwa batishangala na baya, "Ni wapi mundu paipatike heshima yee na miujiza yee? ⁵⁵ Mundu yolo ni mwana wa selemala lii? Mariamu ni mao bake lii? Na alongo bake ni Yakobo lii,Yusufu na Yuda? ⁵⁶ Na dada zake tubile nabo pano? Bai ayoo agapatike kwaako aga goti?" ⁵⁷ Atikwachukiza. Lakini Yesu aamakiye, "Nabii akosi kuwa na heshima ila kwao na katika nnema wake. ⁵⁸ Na aweza lii panga miujiza yanambone kwa sababu babile lii na imani naye.