¹ Kitabu cha lukolo lwa Yesu Krisitu mwana wa Daudi,mwana wa Ibrahimu. ² Ibrahimu ywabile tati wa Isaka,na Isaka tati bake Yakobo,Yakobo tati bake Yuda na alongo bake. ³ Yuda ywabile tati bake Peresi na Sera kwa Tamari, Peresi tati ba Hezeroni,Na Hezeroni tati bake Ramu. ⁴ Ramu abile tati bake Aminadabu,Aminadabu tati ba Nashoni, Nashoni tati ba Salimoni. ⁵ Salimoni abile tatu bake Boazi kwa Rahabu, Boazi tati bake Obedi kwa Ruth, Obedi tate bake Yese, ⁶ Yese nga abile tati bake mfalme Daudi. Daudi abile tati bake Suleman kwa nyumbowe Uria. ⁷ Selemani abile tati ba Rehoboamu, Rehoboamu tati ba Abiya, Abiya tati bake Asa. ⁸ Asa abile tati ba Yehoshafati, Yehoshafati tati bake Yoramu,na Yoramu tati bake Uzia. ⁹ Uzia abile tati ba Yothamu, Yothamu tati ba Ahazi, Ahazi tati ba Hezekia. ¹⁰ Hezekia abile tati ba Manase, Manase tati ba Amoni na Amoni tate bake Yosia. ¹¹ Yosia abile tati ba Yekonia na kaka bake wakati wa batolilwe yenda Babeli. ¹² Na baada ya tolwa yenda Babeli, Yekonia abile tati ba Shatieli, Shatieli abile mpindo bake na Zerubabeli. ¹³ Zerubabeli abile tati ba Abiudi, Abiudi tati ba Eliakimu, na Eliakimu tati ba Azori. ¹⁴ Azori abile tati ba Zadoki, Zadoki tati ba Akimu, na Akimu tati bake Eliudi. ¹⁵ Eliudi abile tati bake Elieza, Elieza tati bake Matani na Matani tati bake Yakobo. ¹⁶ Yakobo abile tati bake Yusufu nnyumbowe Mariamu,ywabile kwake ywembe Yesu abelekilwe,ywakemelwange Krisitu. ¹⁷ Ibeleki yoti boka Ibrahimu mpaka Daudi ibile ibeleki komi na nne,boka Daudi mpaka tolwa nayenda Babeli ibeleki komi ni nne, na boka tilwa noyenda Babeli mpaka Kiristu ibeleki komi na nne. ¹⁸ Belekwa kwa Yesu kwabile kwa namna yee.Mao bake,Mariamu,atichumbiwa na Yusufu,lakini kabla bakwembine kwaa,abonekine panga abile ndumbo kwa uwezo wa Roho Mtakatifu. ¹⁹ Nyumbowe Yusufu,abile mundu ywabile na haki apala kwaa kumwaibisha kwa bandu. Apala kunneka nnyumbowe kwa siri. ²⁰ Abile atifikiri kunani ya makowe aga,Malaika wa Nngwana atikuntokya katika lugono,kabaya, "Yusufu mwana wa Daudi,kene uyogope kunkobeka Mariamu kumpanga nyumbowo,kwa mana lya lindumbo abile nalo ni kwa uweza wa Roho Mtakatifu. ²¹ Alowa kumbereka mwana nnalome na wangema Yesu,kwa mana abalopwa bandu bake mu mazambi yabo." ²² Goti aga yatipangika kutimiza chelo chalongelwa na Ngwana kwa ndela ya manabii, abaya, ²³ "Lola, bikra atola ndumbo no bereka mwana nnalome lina lyake Imanueli"-mana yake "Nnongo pamo na twee." ²⁴ Yusufu atiuluka boka mu lugono na panga kati malaika wa Ngwana ywamuamuria na kunkobeka kumpanga nyumbowe. ²⁵ Ata nyo,agonjike kwaa naywembe mpaka paabelekwile mwana nnalome na angemite lina lyake Yesu.