¹ Bu'kaapoo Yesu atwi'li Roho mpeletau, aki'li'bwike bu'ka libi'ndi' lya yordani, na alongoilwe na Roho kulubelee, ² Kwa masu'ba alubaini, na akwoo apailwe na seetani. Na masu'ba goo aininyike njala ³ Setani ngapamakia, "Manaite wenga wa mwana wa Nnu'ngu', ulibakie liwe li' lipange likati" ⁴ Yesu ngaanyangwa na kumakia " landikilwe mundu alama li kwa likati bai" ⁵ Bu'kapo, setani ngapanongoya kundo'mbi'lili ya kitu'mbi' na kuunaya ukulungwa wote wa lunia kwa muda mwipi. ⁶ Setani ngapamakia, mbala kupeya amuli yote no tawala kulungwa yoote ya lunia na kila kilibe. Nandaawesa pango nyoo kwa mwanja yoote ibile mokogarangu' kuitawala na kumpeya ywanimpai kumpeya. ⁷ Kwa nyoo mana unilitile na kunikilikitwayi' yote yapanga mali yako. ⁸ Lakini Yesu ngayangwa na kumakia, "upalikwa kunkilikitya Bwana Nuu'ngu' wako, na kuntumikia ywembe bai. ⁹ Bu'kapo setani ngapanongoya yesu mpaka yerusalemu kunani, kundu'mbi'li'li' ya hekalu kunani muno ya ayo nyumba na kumakia, "manaitei wenga wa mwana wa Nnungu' ugu'lu'ki pai' bu'kapano. ¹⁰ Kwa mwanja itiandikilwa, alualagya malaika baake bakwi'ndi'le, ¹¹ Na baalua kukakatua kunani moko yaabelinga kana wailumie magu'lu' gaako mu liwe ¹² Yesu ngayangwa na kumakia, "iandikilwe kumpaya Nnu'ngu' swee, mwilo" ¹³ Setani payomwile kumpaya yesu ngaa neka kwa muda kabuka. ¹⁴ Yesu akilebwike galilaya kaya atwi'lile Roho, na makakala, na makowe gotege gateyu'wanika muilambo yote ya papipi. ¹⁵ Yesu ayi'gine mu masinagogi gabe, na kila mundu naatekunumba. ¹⁶ Lisu'ba limo aayi'i nazareti pandu paaku'lile kati mwayabile kawaida yake ajingile musinagogi lisu'ba lya sabato, na yima soma maandiko. ¹⁷ Bampeile soma kitabu sa nuondoli wa Nnungu' isaya, na ayu'wi kitabu so noo linga pandu papaandikilwe, ¹⁸ Roho wa Nnungu abi kunani yangu' kwa mwanja aniyi'i maunta li'nga kwaabakia aki'ba abali inanoga Anitimite baya yu'gu'li'kwa kwa babatabilwe, na kwaapanga babakatoka lola minyo balole, kwa yu'wa babalimbiliilwe. ¹⁹ Na kuutangasa mwaka wa Bwaana wo laya ngu'ng'u yake. ²⁰ Bu'kapo ngawekelya kitabu na kunki'li'bu'ya ywa kiangalia no tama pai, na minyo ga bandubote bababile musinagogi ganolage ywembe. ²¹ Atumbwi longelanabo na kwabakia, leno maandiko gaa katimile masikilo giinu. ²² Kila mundu palu' atesangala ba longei Yesu, Nabalaluya ayu' kangi mwana wa yosefa au li? ²³ Yesu ngababaakia ndangite mpla baya lukongolu' kwangu' "waniganga wiponeye wamwene. Yote yafuyu'wike upangite kapelanaumu, upange na pano pakasako, pa kijiji sako. ²⁴ Kai' atebaya, "kweli ntu'pu' nondoli ywoywote ywa yiki'ti'lwa muni'ma wake mwene ²⁵ Kweli nimakiage mwe, kwabile na alwawa awi'likwa na akinasengobaba bambonc pabile nnondoli ²⁶ Eliya, wakati payabile njala ngu'lu' muni'ma woti Eliya nnondoli atumilwe li kwa ywengi ila kwa ywengi' ila kwa yulu'ywa Salputa. papipi na nima wa sidoni. ²⁷ Kai' babile baabile bene matana bambone masu'ba ga nondoli Elisha, lakini ntu'pu ywaaponi ila Naamani mundu wa siria. ²⁸ Bandu bote bababile mulu musinagogi batwi'lina nyoongo, pabayuwine gaabaite - gooti. ²⁹ Baatiyi'ma na kuunokulya panja ya kilambo saabe, na kuunongoya mbwega ya kitu'mbi' mwabasengite kijiji sabe, linga baanokoli mmindi. ³⁰ Lakini yesu atumi mangelongelo no pi'ta pakatikati yaabe na kaabu'ka. ³¹ Bu'kapo aeleli kapelanaumu ku ni'ma wa galilaya. Sabato jinio ayi'ganage bandu mu sinagogi. ³² Baomongwite kwa mayi'gano gake, kwa mwanja ayi'gabage kwa amuli. ³³ Tumbwele lisu'ba lyoo nkati ya sinagogi, aabile mundu mwene mbepo inanyata, ngaali'la kwa lilobe lya kunani, ³⁴ Twii na namani na wee, wenga wa yesu wa Nazareti? Uwisile kutuangamisa, ndangite wenga wa myai! Wemnga wampeletau wa Nnuingu' ³⁵ Yesu ngankalipya aywo setani na kumakia, ndu'ti kotoka ponga liki, umuke mundu yu' " na yu'lu' pepo ngaantaikulya pai" yu'lu'mundu bila kunumia nongi" yaabe boti kabalola. ³⁶ Na bandu booti batiomongwa no yendelya longela kikowe so kila mundu na nyine. Ngababaya, "makowe gani gaa? Alasimisa mbepo inanyata na bandakumwesimu nobu'ka! ³⁷ Kwa nyoo habali yaiusu yesu yatienea kila sehemu katika maeneo gagatindia nkoa woo ³⁸ Bu'kapo yesu ngapajigya munyumba ya simoa[poo nkiwe simoni Petro analage minya homa ngali' muno na baatikunu'ba kwa ajili yake. ³⁹ Yesu ngaapamwegelya, papipi no kwikalipya yi'loi' homa naineka no panga nkoto. Nga pakakataka na kwatumikia. ⁴⁰ Lisu'ba paliswikyage, ngbanetya namna yoti ya matamwe. Ngabi'ka mooko gake kunani ya kila ntamwe, na booti kwaaponea. Mbepo inanyaata yababu'i bandu ba mbone ku' no kabali'la kwa lilobe no baya, "weenga wa mwana wa Nnu'ngu', yesuatekwakalipya balu' ⁴¹ Mbepo inanyata. na kwa kanikia longela li, kwa mwanja baatangite yweembe kilisitu. ⁴² Kindai' ayi'i' pandu pange baandu. maplu'ngaga baandu ngabampala na kunyendelya paabile. Ngabapaya kumwibya kanaayende kuutalu na bembe. ⁴³ Lakini ywembe ngaababakia, nipalikwa kwaabakia bandu booti abali yiinanogaya ukulungwa wa Nuu'ngu mu ilambo yambone, kwa mwanja ayi nganatumilwe niise pano luniani. ⁴⁴ Bu''kaapo ayendeli kwa bakia bandu abali ya ukulungwa wa Nnu'ngu' nkati ya masinagogi gooti ga kasabe.