¹ Wakati,Yesu wapitage,amweni mundu kipofu boka belekwa kwake. ² Banafunzi bake ngabanaluya,mwalimu nyai ywapangite zambi mundu yuu au apendo bake,ata abelekwe kipofu?" ³ Yesu ngayangwa,panga mundu yuu au apendo bake babapangite zambi lii,kitumbu aye kachi ya Nnungu ipate bonekana petya kachake. ⁴ Ipalikwa panga kachi yake ywanitumite bado muntwekati,kilo kinaicha ntopo ywawecha panga kachi. ⁵ Wakati wanibaa paduniya,nenga na bweya wa dunia" ⁶ Baada ya Yesu longela makowe gaa alongei padunia,ayangabine litope kwatumiya mmata gake na kumpaka yolo mundu kuminyo lelo litope. ⁷ Ngamakiya uyende ukaoge kuloche lwa Siloamu(yaitafriwe 'ywatumilwe') kwanyo yolo mundu ngayenda na uluwa ngapalola. ⁸ Majirani bake na balo babamweni kalobaloba,ngababayanga,je!ayo mundu yolo ywatama na loba lii benge ngababaya,ywembe." ⁹ Na benge ngababaya lii,atilandana nakwee lakini ngalongela kabaya,nga nenga" ¹⁰ Ngabanokiya tumbwe minyo gako gabweni kitiwi? ¹¹ Ngabaya,mundu yumo ywakemelwa Yesu nganipangite ayangabine litope,na kunipakaya,ngambakiya ukauluwe ku Siloamu nganiyenda uluwa nyani bona. ¹² Ngabanokiya,abile kwako,ngaangwa,ndangite lii." ¹³ Ngabampeleka yulu mundu ywabile kipofu kwa Afarisayo. ¹⁴ Nembe yabile lisoba lya sabato pagambwe litope na kumpapaya. ¹⁵ Nga Afarisayo nganokiya,ubweni kitiwi?Ngaabakiya abei litope minyo gango nane uluwa nga nibona. ¹⁶ Afarisayo ngababaya,mundu yu aboka lii kwa Nnungu kitumbu aikengama lii sabato benge ngabalongela ipanga kitiwi mundu mwene thambi panga makowe gaa?,ngabatumwa baganika nkati yabe. ¹⁷ Ngabanikiya kipofu kae,ubaya buli mundu ywo kwa kitumbu agapangie minyo gako?Kipofu kabaya,"Nga Nabii." ¹⁸ Hata wakati wolo Ayahudi baobelya lii mpaka bakemite apendo bake na kwalokiya. ^{19 20 21} Ngabalokiya apendo bake, ayo nga mwana winu ywabelekwi kipofu?apatike buli pona? Ngabayangwa babaya,"Tutangite ayo mwana witu abelekwile kipofu. Kwa mwanja namani apona tutangite lii,naywampangite lola tun'tangite lii munokiye mwene ayo mundu mpindoapalongela mwene. ²² Apendo gake ngababaya makowe ga,kwa kitumbu bayogopi Ayahudi,kwa kitumbu Ayahudi bayeketwaniye panga kila mundu ywapala kunyeketya Yesu alwa tengelwa na Sinagogi. ²³ Kwa kitumbu cheno nga apendo bake balongela,"ywa mundu mpindo munnokiye mwene." ²⁴ Kwa nyo ngabankema kwa mara yana ibele,yolo mundu ywabile kipofu na kummakiya,"Umpei Nnungu ubendo.Tutangite uyu mundu ni mwene zambi." ²⁵ "Nga yolo mundu kayangwa,"apange na mwene zambi,nee nitangite lii,kilebe chimo ngandangite nabile kipofu nambeambeno nenda lola." ²⁶ Ngabanokiya,akupangi namani?agaumwikwi kitiwi minyo gako? ²⁷ Ngayangwa,"Natikuwamakiya mwenga muyowine lii,kwa namani mpala yowa kae? na mwenga mpala panga banafunzi bake? ²⁸ Ngabantukana,wenga wenga wa mwanafunzi wake twenga twa banafunzi ba Musa. ²⁹ Tutangite Nnungu alongei na Musa lakini yuu mundu, tutangite lii paaboka. ³⁰ Yolo mundu ngayangwa na kuabakiya,"mwanja namani lipanga likowe lya ajabu,mutangite lii paaboka,na bado agaumukwi minyo gango. ³¹ Tutangite Nnungu ayowa lii wene zambi,lakini mana kayowa na kumwabudu Nnungu anda kunyowa mundu ywo. ³² Boka belekwa kwa ulimwengu,tuna yowa lii mundu panga amumwukwile mundu minyo ywabile kipofu. ³³ Ikapangange mundu yuu,aboka lii kwa Nnungu apele panga lii chochote." ³⁴ Ngabanyangwa na kumakiya,"Ubelekwi muzambi,na wenga utufundisha kae twenga?ngabamenga na kupiya panja ya lisinagogi. ³⁵ Yesu ngayowa bampiite musinagogi,ngankengama na kumakiya undakumwobelya mwana wa mundu? ³⁶ ngayangwa na longela,ni nyai,Bwana,na nenga nipate obelya?" ³⁷ Yesu ngamakiya,"Umweni,na ywalongela nakwe nga ywembe." ³⁸ Yolo mundu ngabaya,"Bwana,nenda obelya nga nsujudia. ³⁹ Yesu ngabaya,kwa hukumu niichi paduniya kitumbu ipofu bapate bona,iwete batyange,na babalola bapange ipofu." ⁴⁰ Baazi ya Afarisayo baabile pamope ni ywembe payowine makowe na kunnokiya,"Na twenga ipofu?" ⁴¹ Yesu ngabakiya,ipangangee mwaipofu,mpepangalii na zambi,ata nyo,nambeyambeno munda longela,'Tubona dhambi itu inda tama."