¹ (Ufikiliye:ulinge mwafafanue Yohana 7:53-8-:11 hapo panani). ² Yesu ajei pakitumbi cha mizeituni. Mapema na kindai aichi kae mulihekalu,na bandu boti ngabanyendelya,ngatama na kwapundisha. ³ Afarisayo na Ahandishi, banetike nwawa ywabamoywi kagonja na mundu.ngabanneta pakatikati. ⁴ (Uwache:Ulinge longela kwa Yohana 7:53-8:11 hapo panani.) Ngabammakiya Yesu,"mwalimu nnwawa yoo tumwoywi kagonjana,katika panga kae. ⁵ Katika sheria,Musa atubakiye kwakombwa kwa maliwe mpaka waa wenga utubakiya buli? ⁶ Bapange nyaa ili kun'tega bapate kunshitaki,lakini Yesu ngalita pai na andika mubwee na lukonji lwake. ⁷ Pabayendeli kunnaluya,nga kakatuka na kwabakiya,"Ywembe ywabile ntopo sambi nkati inu,apange wa kwanza kuntaikulya maliwe." ⁸ Ngalita kae pae,ngaandika ka bwee na lukonji lwake. ⁹ Pabayowine go,ngababokanga tumbulya yumo mpaka ywenge,mpaka mpendo. Mwisho Yesu nyaigala kichake,pamope na yolo nwawa ywabile pakati kati yabe. ¹⁰ Yesu ngajema nakumakiya,we nwawa babakushitakiyanga babile kwako?Ntopo hata yumo ywakukombwile?" ¹¹ Kabaya,"Ntopo hata yumo Bwana." Yesu ngabaya hata nenga nguhukumu lii uyende na ndela yako;boka lino konoupange madhambi kae. ¹² Kae Yesu alongei na bandu na baya,"Nenga na bweya wa dunia ywapangengama nenga atama lii palubendo kae alwo panga na ukoto. ¹³ Afarisayo ngabamakiya, "wisifu wamwene;kwisifu kwako kwa ubocho bocho." ¹⁴ Yesu atiyangwa na kuabakiya,"Hata nihilumba namwene kwilomba kwango kwa noga,nitangite kwaniboka na kwaniyenda,lakini mwenga ntangite lii kwani boka wala kwani yenda. ¹⁵ "Mwenga mumwuhukumu kwa payega,nenga nihukumu lii ywoywote. ¹⁶ Nenga hata mana kani hukumu ukumu yango ya kweli kwa kitumbu nibile lii kichango,nibile na Tate ywa nitumite. ¹⁷ Elo,na hata musheria inu iyandikilwe mana balongei bandu abele kakape. ¹⁸ Nenga nganichimuliya na Tate ywanitumite andanichimuliya." ¹⁹ Ngabamakiya,"Tate bako abile kwao?" Yesu ngayangwa nenga mundangite lii wala Tate bango muntangite lii;ikapa nyange mundangite nenga mpale kuntanga na Tate bango. ²⁰ Agalongei ga abile kalibu na kibekyo muhekalu,na ntopo hata yumo ywa moywile kwa kitumbu muda wake unaika lii. ²¹ Bai ngabakiya kae,"Nenda boka;mwanipala na mwanipala mwawaa nyanya mumazambi yinu. Kolo kaniyenda muwecha lii ika. ²² Ayahudi ngababaya,"Apala kuibulaga mwene,ywembe atibaya,kolo kaniyenda mwecha lii icha?" ²³ Yesu ngaamakiya,"Muboka pae,nenga niboka kunani. Mwenga mwa ulimwengu wono;nenga na ulimwengo wolo lii. ²⁴ Kwa nyo naamakiya mwaa nyanya mumazambi yinu,pengenepo muobeli panga nenga,na ywembe,mwa waa nyanya mumazambi yinu." ²⁵ Kwa nyo ngabamakiya,"Wenga wa nyai?galo ganimakiye boka patumbu. ²⁶ Nibile na makowe maingi galongela na ukumu,kachinu,ata nyo ywembe ywanitumite ni kakape na makowe gake nganigabaya ulimwenguni." ²⁷ Bmwelewite lii alongela makowe yo kumaya Tate. ²⁸ Yesu ngakabaya,"Pamuntondobeya kunani Mwana wa mundu,nga mwantanga panga NENGA NGA YOLO,na panga nipangite lii kwa nafsi yango.Kati Tate ywanifundishe,nalongela makowe aga. ²⁹ Ywembe ywanitmite abile pamope na nenga,na ywembe anilekite lii kichangu,kwa kitumbu kila mara nipanga gapendile." ³⁰ Wakati Yesu kalongela aga,baingi ba mwobelile. ³¹ Yesu alongela kwa balo Bayahudi babamwobelile,manaitei mwatuma nkati yango,ngamwapanga mwabanafunzi bango kwelikweli. ³² Na mwenga mupala kwitanga kweli na ayo kweli ipala kumeka huru." ³³ Ngabanyangwa twenga twa bana ba Ibrahimu na tunawai lii pana twatumwa ba mundu ywoywote,ubaya buli upa kutubeka uru. ³⁴ Yesu ngayangwa,"muobeli muobeli nenda kuamakiya,kila ywapanga zambi abile ntumwa wa zambi. ³⁵ Ntymwa atama lii n'nyumba,wakati wote,mwana anda tama. ³⁶ Kwa nyo,mana itei mwana abile uru,mwapanga uru kweli kweli." ³⁷ Nitangite panga mwenga,mwa bana ba Ibrahimu,mpala kunibulaga kitumbu makowe gango gatama lii nkati inu. ³⁸ Nigabaya makowe ganigabweni na Tate bango,na mwenga mugayowa makowe ga kwa tate binu." ³⁹ Ngabayangwa na kummakiya"Tate bitu ni Ibrahimu." Yesu ngaabakiya ikapangange mwabana ba Ibrahimu mpepanga makowe ga Ibrahimu. ⁴⁰ Mpaka nambeambe mpala kunibulaga,mundu ywaamakiye ukweli panga njowine boka kwa Nnungu.Ibrahimu apangite lii nyaa. ⁴¹ Mupanga kachi ya tate binu,"Ngabammakiya,tubelekwi lii kwa kilombo twi na tate bitu yumo,Nnungu." ⁴² Yesu kaamakiya,"Ikapangange Tate binu Nnungu,mpeniyowa nenga,kwa kitumbu niboka kachake wala nichi lii kwa penda mwene,ywembe nganitumite. ⁴³ Kwa namani mugaelewa lii makowe gango?Kwa kitumbu muwecha lii komeya makowe gango. ⁴⁴ Mwenga mwa tate binu,shetani,na mpala panga makowe ga tamaa ya tate binu abile mulagi boka patumbu awecha lii jema mu kweli kwa kitumbu ukweli ntopo nkati yake.Paalongela ubocho,alongela boka muasili yake pakitumbu ni mocho na tate ba ubocho. ⁴⁵ Hata nambeambe,nibaya kwa kitumbu nilongela kweli muobelya lii. ⁴⁶ Nyai nkati yinu ywanicchimuliya,nibile na mathambi?nilongela gagabile ga kweli,kwa kitumbu gani muniobelya lii? ⁴⁷ Ywembe ywabile na Nnungu,agayowa makowe ga Nnungu,mwenga mugayowa lii kwa kitumbu mwenga mwa Nnungu lii" ⁴⁸ Ayahudi ngabayangwa na kummakiya,tunabaya lii kweli wenga wa Samalia winamashetani? ⁴⁹ Yesu ngayangwa,nenga ntopo mashetani,nenga nimweshimu Tate bango ni mwenga mwaniheshimia lii nenga. ⁵⁰ Nipala lii utakatifu wango;abile yumo ywapala na kwilumba. ⁵¹ Muobeli,muobeli,naamakiya,mana itei yumo winu aliboywa liko langu abona lii kiwo." ⁵² Ayahudi ngabamakiya,"lelo tutangite wina mashetani.Ibrahimu na manabii bawila ngite,wenga ubaya ywaliboywa langu uwa lii.' ⁵³ Wenga wa mpendo kuliko tate bitu Ibrahimu,ambaye ywawile?manabii wawile wenga wa nyaii? ⁵⁴ Yesu ngayangwa,mana mbala kwilumba,kwilumba kwango kwa bule ni Tate bango nganilumba ywamumaya mwenga nga Nnongo winu. ⁵⁵ Mwenga muntangite lii,lakini nenga nintangite mana mbaite nintangite lii napanga na mocho kati mwenga,Ata nyo,nintangite na malongelo gake nigakamwile. ⁵⁶ Tate binu Ibrahimu atishangala pabweni machoba gango,atibona na pulaika." ⁵⁷ Ayahudi ngabamakiya,"Unaika lii umuli wa myaka hamsini na wenga umweni Ibrahimu?" ⁵⁸ Yesu ngaabakya,"muobeli,muobeli,naamakiya,Kabla ya Ibrahimu anabeleka lii nee na nibile." ⁵⁹ Ngabalongela na lokota maliwe pala kunkombwa,Yesu ngayoba panja ya lihekalu.