¹ Badala ya makowe ga Yesu atisafili na yenda Galilaya,kwa kitumbu apendi lii yenda Uyahudi babekage mipango ga malanga kumulaga. ² Kitumbu sikukuu ya Ayahudi,sikukuu ya ibanda,yabile kalibu. ³ Nga alongobe,ngabammakiya,uboke kono na uyende Uyahudi,kitumbu na banafunzi bako batange makowe gopanga. ⁴ Ntopo ywapanga makowe gakuchemba na kitumbu mwene apala tanganikwa,kitumbu upanga makowe gaa.Wilaye wamwene kwa bandu ba ulimwengu." ⁵ Ata alongobe bamwobeli lii. ⁶ Nga Yesu ngabakiya,wakati wango unaika lii lakini wakati winu uwikite. ⁷ Bandu bawecha lii kwa chukya mwenga,bapakunichukya nenga kitumbu nabakiya makowe ginu mabou. ⁸ Muoboke muyende kusikukuu,nenga niyenda lii kusikukuu yee kwa mana muda wango unaika lii. ⁹ Badala ya longela makowe go kachabe,aiyili nchogo Galilaya. ¹⁰ Ata nyo,alongobe pababoi kusikukuu,na ywembe ngayenda,kwabonekana lii ila kwa kwiiya. ¹¹ Ayahudi bandekumpala na lokiya,"abile kwako?" ¹² Kwabile na malongelo maingi kachabe,kitumbu chake benge kabalongela ni mundu n'ngolou,benge babaite,benge lii aobeya bandu. ¹³ Hata nyo ntopo ywalongei pabweya bayogopae Ayahudi. ¹⁴ Wakati sikukuu paikite pakatikati,Yesu atioboka na jingya munyumba ya Nnungu na tumbwa fundisha. ¹⁵ Ayahudi babile kabashangala na baya,kwa kitumbu gani mundu yoo atangite makowe maingi na asomite lii." ¹⁶ Yesu ngayangwa na kwabakiya,"Mapundisho aga nga yango lii ila yake ywembe ywanitumite. ¹⁷ Iwapo mundi ywoywote ywapala kengama mapundisho gake,alwotanga kuhusu mapundisho go,panga gaboka kwa Nnungu,au gaboka kachango mwene. ¹⁸ Kila ywalongela gaboka kwake mwene,apala makowe gake mwene,ywapala makowe gake ywanitumite mundu ywo ywa kakape,na nkati yake ntopo tenda manogao. ¹⁹ Musa ampeyangite lii mwenga sheria?lakini ntopo hata mundu yumo ywapanga sheria,kwa kele mpala kunibulaga?" ²⁰ Umati ngabayangwa,"Uwi na mashetani.Nyai ywapala kukubulaga?" ²¹ Yesu ngayangwa,na kuabakiya,"Mbangite kachi yimo na mwabote mwenda shangala kwa kitumbu chake. ²² Musa ampeyangite inilwa,(iboka kwa Musa lii,ila yaboi kwa atati), na lichoba lya sabato mwimwina mundu. ²³ Mana itei mundu ainilwa lichoba lya sabato kitumbu sheria ya Musa kana iwee,mwanja namani munikasirikia nenga nampangite ukoto mundu lichoba lya sabato? ²⁴ Kana muhukumu kwa kitumbu cha mugabona,ila muhukumu kwa kakape. ²⁵ Nkati yabe,boka Yerusalemu ngabalongela," Ayu lii ywabapala kumulaga? ²⁶ Na kumbe alongela waziwazi na ata bayangwa lii iwezekana panga iyongozi batangite kuhusu mundu yu panga nga KRISTO,awezekana? ²⁷ Tutangite panga ayo mundu aboka kwako,Kristo apaicha,ata nyo,atanga lii mundu kwaboka." ²⁸ Yesu atondobiye lilobe lyake mulihekalu,kafundisha nobaya,"mwenga mwaboti mundangite nenga na mutangite kwa mboka,niichi lii kwapenda na mwene ywanitumite nga wakakape,na muntangite lii ywembe. ²⁹ Nintangite ywembe kitumbu niboka kachake na nga ywaa anitumite." ³⁰ Babile kabapala kumwoywa,lakini ntopo ata mundu yumo ywapaite tondobeya luboko lwake,kwa kitumbu muda wake unaika lii. ³¹ Hata nyo,baingi pan'kutano batikumwobelya,bati baya,Kristo andaicha,apanga maluwe luwe maingi kulikoni gapanga yuu? ³² Mafarisayo gayowine bandu kabayoyota kumusu Yesu,nga apendo babe ngabapa matalishi pala kumoywa. ³³ Nga Yesu ngalongela,bado muda pachene mbaba na mwenga na badaye nayenda kachake ywanitumite. ³⁴ Mwanipala wala mwanibona lii;kulo kwana yenda mwawecha lii ika." ³⁵ Nga Ayahudi ngabalongela bene kwa bene,mundu yoo apa yenda kwako ata twakotoke kumona?,ayenda kwa ayaweli babatawanyike na yenda kwa pundisha Ayunani? ³⁶ Ni likowe gani lyalongei,mwanipala wala mwanibona lii;kolo kwaniyenda mwika lii?" ³⁷ Ata lichoba lya mwisho,lichoba likolo lya sikukuu,Yesu Yesu ati yema na tondobeya lilobe lyake na longela mana kwi na mundu ywoywote abile na ngota aiche kachango anywe. ³⁸ Ywembe ywaniobelya nenga kati,mahandiko mwagalongelaboka nkati yake yabutuka mache ga ukoto." ³⁹ Lakini agalongei gabokana na Roho,ambapo bembe baba mwobelya bampokya,Roho abile bado anapita lii kwa kitumbu Yesu anapotolekwa lii. ⁴⁰ Baazi yabe pan'kutano,pabayowine makowe ga ngabalongela kweli ayo ni nabii." ⁴¹ Benge batilongela.ayu nga Kristo." Lakini benge babayite,"namani,Kristo aweza boka Galilaya? ⁴² Mahandiko gaba panga Kristo aboka mulukolo lya Daudi na boka kwa Bethrehemu,ijiji ambacho Daudi abile? ⁴³ Palo umati ngababaganika kwa kitumbu chake. ⁴⁴ Benge bapale kumoywa,ntopo ywanyoshite luboko lwake kunani yake. ⁴⁵ Nga palo matalishi ngababuyangana kwa apendo babe na Mafarisayo kwabakiya,:kwa namani munetite lii? ⁴⁶ Matalishi ngabayangwa,ntopo mundu ywalongela kati mundu yoo." ⁴⁷ Nga Mafarisayo ngabayangwa,"Na mwenga kae bamwobiye? ⁴⁸ Kwi na ywoywote nkati ya atawala ywamwobelya,au ywoywote Amafarisayo? ⁴⁹ Bali aba umati wangatanga sheria-balaniwe." ⁵⁰ Nikodemo ngabakiye (ywembe ywan'yendeli Yesu palipite,abile yumo Amafarisayo) ⁵¹ Je sheria itu imwukumu mundu bila kumpekanywa na tanga chakilongela?" ⁵² Ngabayangwa na kumakiya,"Na wenga kae uboka Galilaya? upale na ubone kwamba ntopo nabii ywaboka Galilaya." ⁵³ (uzingatie;maneno yenge ga Yohana 7:53-8:11 gabile lii mu nakala bora za kale) . Boka po kila mundu ajei kachake.