¹ Badala ya makowe gaa,Yesu ajei bahari ya Galilaya na kae ikemelwage bahari ya Tibiliya. ² Bandu baingi bati kunkengama,kitumbu babweni maluweluwe gapangang'e tokana na atamwe. ³ Yesu aobwike kunani na banafunzi bake. ⁴ (Na pasaka,sikukuu ya Ayahudi yatikalibiya) ⁵ Yesu patondobiye minyo gake ngabona umati wa bandu kaban'kengama,ngamakiya Filipo,tuyenda kwako pema mikati ili bandu balyangange?" ⁶ (Kwa kitumbu Yesu amakiye Filipo kwa kumpaya ywembe atangite galyo panga.) ⁷ Filipo ngayangwa,"Ata mikate ya dinari mia ibele yafaika lii kila yumo pata kipande kichunu." ⁸ Andrea yumo na banafunzi bake Simoni Petro nga yangwa ⁹ Yesu,"Abile nangota pano abile na mikate mitano na omba abele,lakini ifaika namani kwa bandu baa? ¹⁰ Yesu ngayangwa,mwatamite batu pae"(kwai na manyei maingi pandu palo) Analome babbile elfu tano batami pae. ¹¹ Yesu ngatola mikate yelo mitano atishukuru na kuapea balo babile batami. nyonyonyo atiakuapea omba kati yaa pabala. ¹² Bandu pabayukwite,ngabakiya banafunzi bake mukongwe ipande yaigalile,kana kiobe ata chimo." ¹³ Bai ngabakongowa na bapatanga itondo kumi na ibele,ipande ya mikate mitano na shayili,ipande yaigalile na balo babalile. ¹⁴ Bandu pababweni makowe gabapangite ngabalongela,kweli ayuu nga nabii ywaicha pa dunia. ¹⁵ Yesu patangite pala kumoywa apange mfalume wabe atikwiyengeya,kae ajei kukitombe ywembe kichake. ¹⁶ Paitimii kitamwinyo,banafunzi bake batielya na yenda ziwani. ¹⁷ Baobwike mun'tumbwe na loka yenda Kapernaumu(lubendo lwatumbwile abile anabuya lii kwa banafunzi bake). ¹⁸ Wakati wo pabile na mbepo koyoba,na bahari yai kaichapuka. ¹⁹ Kae banapuni bake bakombwi mputyo kati ya ishilini na tano au thelathini,ngabamona Yesu katyanga nkati ya bahari kukalibiya ntumbwi,bati yogopa. ²⁰ Tumbwe atikwabakiya,nenga pano kana muyogope." ²¹ Kae bai tayali kumpotwa kuntumbwi,nga ntumbwi ngauwika kuyumo kwayendage. ²² Machoba gagakengime,umati wajemi upande wa bahari karibu bamweni kuwa ntopo ntumbwi wenge ila wolo ambao Yesu na banafunzi bake babile baupandike lii lakini banafunzi bake baboi. ²³ (Ila yabile mitubwi ya bandu ba Tiberia pabalile mikate palo Bwana apite shukrani.) ²⁴ Wakati wabatangite panga Yesu lii wala banafunzi bake lii bababile kolo,bene baubwike mitumbwi na yenda Kapernaumu kunkengama Yesu. ²⁵ Baada ya kunkolya upande wenge wa liziwa ngabanokiya Bwana uwichi pakubawi kono? ²⁶ Yesu ngayangwa,na kwamakiya,muobeli mungengime nenga kwa kitumbu mwabweni maluwe luwe lii ila kitumbu mwalilangite mikate na yukuta. ²⁷ Muleke kukipangya kachi chakulya chakialibika,mukipangi kachi chakulya chakitama machoba goti chelo ambacho mwana wa adamu alyokumpeya kwa kitumbu Tati abei muli panani yake." ²⁸ Nga kaabakiya,"kilebe gani chatupalikwa panga kwa kitumbu cha kazi ya Nnungu?" ²⁹ Yesu ngayangwa,"yeno nga kachi ya Nnungu,kwa kitumbu mumwobeli ywembe ywanitumite." ³⁰ Bai ngabammakiya,"Maluweluwe gani ya upala panga,tubona na tuobeli?upapanga namani? ³¹ Tate bitu balilangite mana pamwitu,kati mwaiandikilwe apeyangite mikate boka kunani ngabalile. ³² Yesu ngayangwa,"muobeli Musa lii ywampei mikate boka kunani,ila Tate bango nga ywampei mikate ya ukoto boka kunani. ³³ Kwa kitumbu nkate wa Tate wauluka boka kunani na kwapeya bandu bake ukoto. ³⁴ Bai ngabakiya,"Bwana utupei nkate woo wakati wote." ³⁵ Yesu kaabakiya,"Nenga nga nkate wa ukoto,ywembe ywapaicha kwango kachango abona lii njala wala abona lii n'ngota." ³⁶ Nenga natikwabakiya,munibweni na bado muobeya lii. ³⁷ Bote Tate bangu bampea bapala icha kachango,na ywoywote ywapaicha kachango nin'taikwa lii panja. ³⁸ Kwa kitumbu niuluke kunani,kwa ajili ya panga kachi yango lii nipange kachi kwa ywanitumite. ³⁹ Na agaa nga makowe gake ywanitumite,panga kana nimwobeye ata yumo ywanitumite,kitumbu nayuyue lichoba la mwisho. Kwa kitumbu aga nga makowe ga ⁴⁰ Tate bango,panga ywoywote ywapa kunninga mwana,apate ukoto wangeyomoka,na nenga namfufua lichoba lya mwisho. ⁴¹ Kwa nyo Ayahudi batinung'unika ywembe kwa kitumbu cha akibaya,"Nenga na nkate wauluka boka kunani." ⁴² Ngababaya,ayo Yesulii mwana wa Yusufu,ambapo tate bake na mao bake tuntangite? ipangite kitiwi abaya panga aulilwike boka kunani?" ⁴³ Yesu ngayangwa,kaabakiya,"kana n'nyoyotane mwabene. ⁴⁴ Ntopo mundu ywaicha kachango,ya bila tumilwa na Tate bango,ywanitumite na nenga namyuyua lichoba lya mwisho. ⁴⁵ Kwa kitumbu iyandikilwe kwa manabii,bafundishilwa na Nnungu,kila ywapundishilwa apokya kwa Tate na icha kachango. ⁴⁶ Panga kwi na mundu ywamweni Tate,ywaboka kwa Tate ngaywamweni Tate. ⁴⁷ Uwobeli ywembe ywa mwobelya abile na ukoto wangayomoka. ⁴⁸ Nenga na nkate wa ukoto. ⁴⁹ kina tate binu balilangite mana pamwitu,bawile. ⁵⁰ A'u nga nkate wa uluka boka kunani,kitumbu mundu alye na kana awee. ⁵¹ Nenga na nkate woulwike boka kunani.Kati mundu ywoywote ywapala nkate wono,apatama wanga waa.Nkate wanaopiya ni n'yega yango,kwa kitumbu cha ukoto wa bandu. ⁵² Ayahudi ngabakachilika,bene kwa bene,ngabatumbwa shindana,mundu yuu awecha kitiwi kutupeya yega yake tulyee? ⁵³ Boka po Yesu ngabakiya,"mana munalyaa lii yega ya mwana wa adamu na kutoka ywa damu yake,ntopo ukoto nkati tinu. ⁵⁴ Ywoywote,wa nywaa damu yango,na lyaa yenga yango abile na ukoto wangayomoka,na nenga nalowa kumfufua lichoba lya mwisho. ⁵⁵ Kwa kuwa yenga yango nga chakulya cha kakape na damu yango nga kiyweli cha kakape. ⁵⁶ ywembe ywa nyaa damu yango na lya yenga yango atama nkati yango,na nee nkati yake. ⁵⁷ Kati Tate mwene ukoto mwanitumite,na kwakitumbu nitama pamope na Tate na ywembe atama kwasababu yango. ⁵⁸ A'ono nga nkate woulwike boka kunani,kati nyelo liikitate bati lya na wanganga,ywembe ywapala lyaa nkate gono apala tama muda wote. ⁵⁹ Yesu agalongei ga nkati ya ya lisinagogi,mwabile kapundisha akwo Kapernaumu. ⁶⁰ Boka po baingi ba banafunzi bake pabayowine gabalongela,aga mapundisho makolo ni nyai ywapala pokya?" ⁶¹ Yesu patangite panga banafunzi bake benda tumbala kwa kitumbu agaa,buri makowe gano mwenda tumbala? ⁶² Bai yapanga kitiwi pamwamona,mwaba wa adamu kauluka kwabite patumbu? ⁶³ Ni Roho ngapita ukoto.yega ifaidika lii kilebe chochote,makowe ganilongei kachini ni roho na ukoto. ⁶⁴ Bado kwana bandu palikundi linu banaobelya lii,kitumbu Yesu ywembe atangite ywaobelya na yolo ywapala kunkana. ⁶⁵ Ngaabakiya,kwa kitumbu cheno nganalongei panga mundu awecha lii icha kachango bila tumilwa na Tate. ⁶⁶ Boka po banafunzi bake baingi ngababuyangana nchogo,na balongwani yeli kae na ywembe. ⁶⁷ Yesu ngalokiya balo komi na ibele,buri na mwenga mpala bokanga?" ⁶⁸ Simoni Ptro ngayangwa,"Bwana tuyende kwa nyai na wenga ubile na makowe ga ukoto wangeyomoka, ⁶⁹ Tubweni na tuobelile panga wenga wampeletau wa Nnungu. ⁷⁰ Yesu ngabakiya,nenga ninchawile lii mwenga na yumo ni shetani? ⁷¹ Kitumbu alongele kuntabwa Yuda,mwa wa Simoni Iskarioti,kwa kitumbu abile ywembe abile pamope na balo kumi na ibele,nga palange kumsaliti Yesu.