¹ Nenga na mzabibu wa yolo kweli,na Tate bango nga nkulima wa mzabibu. ² Kila litawi nkati yango ambalo lipambika lii matunda,na nenda kulisafisha kila litawi lyabile lipambika ili pangaliweze pambika muno. ³ Mwenga tayari mubile safi kwa kitumbu sa ujumbe waubile taari nenda kuaamakiya. ⁴ Mtame nkati yango,na nenga nkati yinu.Mana itei liweza lii pambika kichake ila mu'mzabibu,kahalika ni mwenga,mana mwatama nkati yango. ⁵ Nenga na mzabibu;mwenga mwa matawi.Ywatama nkati yango na nenga nkati yake,mundu yoo upambika matunda yanambone,kwa mana mana ntopo nengamwaweza lii panga likowe lyolyote. ⁶ Mana itei mundu ywoywote ywasalia tama nkati yango,alowa yongolya kati litawi na kukauka,bandu ngabakusanya matawi na kugatupa mu mwoto, ⁷ mana itei malongelo gango gatidumu nkati yinu,mulobe lyolyote mwa mulipala,mwenga mwapangilwa. ⁸ Katika lee Tate bango atitukuzwa,panga mupambika matunda ganambone na panga ni banafunzi bango. ⁹ Mana Tate bango yaanipendile nenga,nenga kae naapendile mwenga,mutame katika lipendo lyango. ¹⁰ Mana itei mwaikamwile amri yango,mwatama mu'lipendo lyango kati yaaniikamwile amri ya Tate bango na tama mulipendo lyake. ¹¹ Nalongei makowe aga kwinu ili panga pulaha yango ibe nkati yinu na ili panga puraha yinu ipangike kuwa timilifu. ¹² Ayee nga amri yango,panga mupendane mwabene kati yaa niapendile mwenga. ¹³ Ntopo mundu ywabile na upendo nkulu kuliko wolo,panga mundu auleke ukoto wake kwa ajili ya mbwaga bake. ¹⁴ Mwenga mwa mbwiga bango mana itei mpanga galo ngaaniyatumite. ¹⁵ Niakema lii atumwa,kwa mana atumwa atangite lii chelo apangite bwana wake.Niakema mwenga mabwiga bango,kwa kitumbu niabayaye makowe gote gamugayowine ga boka kwa Tate. ¹⁶ Munchaulile lii nenga,ila nenga niachaulile mwenga na muyende beleka matunda,na tunda linu lipate tama.Alee libile nyaa panga cha chochote chamukipala kwa Tate kwa lina lyango,apaa kuwapea. ¹⁷ Makowe aga niatumite,panga mupendane kila mundu na ywenge. ¹⁸ Mana itei ulimwengu walowa kwachukyanga,mutange panga wendanichukyanga nenga kabla ya kwachukyanga mwenga. ¹⁹ Mana mubile wa ulimwengu,ulimwengu walowa kuwa penda kati wabe;lakini kwa kitumbu mwenga mwa wa ulimwengu lii na kwa mana nenda kuwatekwana boka mu ulimwengu,ni kwa ajili yee nga ulimwe waachukyanga mwenga. ²⁰ Mulikumbukyange likowe lyaniabaite,'Mtumwa nga nkulu lii kuliko bwana wake.' mana itei kabantesa nenga balowa kwatesa ni mwenga kae,mana balikamwa likowe lyango,balikamwa na likowe lya kwinu kae. ²¹ Ngabapangiya makowe aga gote kwa ajili ya lina lyango kwa kitumbu bandangite lii yolo ywandumite. ²² Mana itei niichile lii na kuabakiya bakiya,kana bapanga lii zambi;lakinii nambeambe babile lii uzuru kwa dhambi yane. ²³ Ywanichukyange nenga anchukya Tate kae. ²⁴ Mana itei nipangite lii kachi nkati yabe ambayo ntopo yumo ywaipanga,babile panga lii zambi;lakini nambeambe bapangite gote ganaibele baibweni na banichukyanga nenga na Tate bango. ²⁵ Alee ngalopangika kwa kitumbu likowe litimii ambalo lyandikilwe mu sharia yabe."Banchukyange nenga bila sababu.' ²⁶ Wakati yaisile,ambae nalowa kuntuma kwinu boka kwa Tate,ayoo nga,Roho wa kweli,ywabile aboka kwa Tate,alowanishuhudia. ²⁷ Mwenga kae mwendanishuhudia kwa kitumbu mubile pamope ninenga tangu mwanzo.