¹ patumbu po kwai na likowe, na likowe lyo lyai pamope na Nnungu,na likowe lyo lyai Nnungu. ² Ali,likowe,patumbu po lyai pamope na Nnungu. ³ Makowe goti gapangilwe pitya ywembe na bila ywembe n'tupu ata likowe limo lalipangilwe. ⁴ N'kati yake kwai na ukoto, na awo ukoto waibweya wa bandu bote. ⁵ Bweya uyaka palubindu,wala lubindu lwawechite lii imiya. ⁶ Pai na mundu ywatumilwe buka kwa Nnungu,mundu ywo akakemelwange Yohana. ⁷ Aichi kati n'nondoli wachimulya ulu bweya,ili bandu bote bapate ubilya pitya ywembe. ⁸ Yohana abile lii wulu bweya,ywembe achichimulya wulu bweya. ⁹ Awo wai bweya wa kakape wawaichi kudunia na wanyei bweya kila mundu. ¹⁰ Abile pa dunia na dunia yatengenezilye pitya ywembe,yantangite lii. ¹¹ Aichi kwa bandu bake,na bandu bake bampoki lii. ¹² Kwa bandu babampokile,babaubeli lina lyake,aapangite bana ba Nnungu. ¹³ Bembe babelekilwe,kwa damu lii wala gonja na mundu lii,au limbwing'a lii ila kwa Nnungu mwene. ¹⁴ Na likowe lyapangike mundu na icha tama pamope na twee,tubweni bweya wake,bweya wa kichake kati mundu ywa buka kwa Tati atyali makowe manong'elya ga kakape. Na ¹⁵ Yohana achimuli makowe gake,atondobiyelilobe lyake kabaya,"Ayo nganinchimulyange makowe gake kanilongela,"ywaicha badala yangu nenga ni mpindo kuliko nenga kwa kitumbu abile ata nenga nabelekwa lii. ¹⁶ Badala yaicha katika upindo wake twaboti tupoki wabule kila chaa tukipalite. ¹⁷ Kwa kitumbu sheliya yaletilwe pitya kwa Musa,ilebe nyingi yaicha pitya kwa YESU KRISTO. ¹⁸ N'tupu mundu ywamweni Nnungu muda woti wee mundu wa kichake ambaye ni Nnungu,ywabile pakwubu cha Tati,ampangite ywembe atanganikwe. ¹⁹ Na aga makowe ga Yohana wakati apendo ba Alawi babatumilwe na Ayahudi kunaluya wenga lelo wa nyai? ²⁰ Bila lendema akani lii,ila atiyangwa,nenga na Kristo lii. ²¹ Ata nyoo batikunaluya,"Kwa nyo wenga wa nyai nambiyambino?wenga wa Eliya?atiyangwa,nenga lili"bati kunnokiya wenga wa nabii atiyangwa "lili" ²² Bati kunnaluya kae,"wenga wa nyai?ili tukapei majibu bababatumite"?wibaya kitiwi wamwene?" ²³ Bai kwai na bandu babatumilwe buka kummwitu:mwinyoshe ndila ya Nnungu;kati nabii Isaya yaalongela." ²⁴ Bai kwai na bandu babatumilwe boka kwa Mafarisayo.Batikunnaluya na longela, ²⁵ Kwa kitiwi unda batiza basi mana wenga wa KRISTO lii wala Eliya lii,wala nabii?" ²⁶ Yohana atiayangwa na longela,"nendabatiza kwa mache,hata nyo,pakati yinu ayemi mundu wangali kuntanga. ²⁷ Aywo ngaicha badala yango.Nenga niwecha lii kwiundwana kamba ya ilatu yake," ²⁸ Makowe aga gapangike Bethania,kwiye ya Jordan,mahali ambapo Yohana abile kaabatia. ²⁹ lisoba lyalikengime Yohana amweni Yesu kaicha kachake ngalongela,"ninge ngondolo wa ³⁰ Nnungu ywaipotwa sambi ya bandu. Ayo nga nalongei makowe gake kanibaya,"ywembe ywaicha n'chugu yango ni mpindo kuliko nenga,kwasababu abile kabla yango nenga. ³¹ Natangite lii ywembe,ila gapangike gaa ili abonekane wa Israeli,panga naichi kanibatiza kwa mache. ³² Yohana atilongela,amweni Roho kauluka buka kwa Nnungu mfano wa ngunda,na atami panani yake. ³³ Nenga na ntangite lii lakini ywembe ywatumite ili nibatize kwa machi atinibakiya,yulu nywawamona Roho kauluka na tama panani yake,aywo ngabatiza kwa Roho Mpeletau. ³⁴ Nibweni na niakikishe pana ayu ni mwana wa Nnungu. ³⁵ Kae lichoba lalikengime Yohana atijimaa pamope na banapunzi bake abele, ³⁶ Bamweni Yesu katyanga na Yohana atilongela,linga,mwana ngondolo wa Nnungu. ³⁷ Banafunzi abele ban'yowine Yohana kalongela bembe bankengime Yesu. ³⁸ Na Yesu atitendebuka na kwabona banafunzi balo kaban'kengama,atikwanaluya,mpala namani?batiyangwa,mwalimu utama kwako? ³⁹ Atikwabakiya,mwiche na mlole" na bembe batiyenda na palola patamaye,batami pamope nakwe lichoba limo,kwavile yapangite kati saa komi yaa. ⁴⁰ Yumo kati ya balo abele baban'yowine Yohana kalongela na Yesu abile endeleya nunawe Simoni Petro. ⁴¹ Amweni nunawe Simoni na kumakiya,tumpatike masihi"(ywamayage Kristo) ⁴² Anetike kwa Yesu.Yesu atikunningaa na longela,"wengawa Simoni mwana wa Yohana"upa kemelwaKefa(maana yake Petro) ⁴³ lichob lyalikengime wakati Yesu papalage boka yenda Galilaya,ampatike Filipo na kummakiya,angengame nenga. ⁴⁴ Filipo abiele mwene kaya wa Bethsaida,kachake Andrea na Petro. ⁴⁵ Filipo ampatike Nathanieli na kumakiya,tumpatike yulu ambaye Musa ahandike abali yake katika sheriya ya manabii.Yesu mwana wa Yusufu,boka Nazareti. ⁴⁶ Nathaniel atikummakiya,"buli kilebe kizuli kiweza buka Nazareti?Filipo atikummakiya,uwiche na ulole." ⁴⁷ Yesu amweni Nathanieli aichi kachake na longela,"Linga,mwisraeli kwelikweli ntupu ata ubuchu nkati yake. ⁴⁸ Nathanieli atikummakiya,undakite kitiwi nenga?Yesu atiyangwana kummakiya,"kabla Filipo anakukema lii pawabilemwina ya mtini,nakubweni. ⁴⁹ Nathanieli atiyangwa,mwalimu wenga mwana wa Nnungu,wenga wa mfalume wa Isreal?" ⁵⁰ Yesu atiyangwa na kummakiya,kwa sababu ngubakiye nakubweni pai ya mtini,je?"undabilwa?wabona makowe makulu kuliko gano? ⁵¹ Yesu atilongela,uwobeli uwobeli nenda kukubakiya mwaibona mbingu kaiumukuka,na kwabona malaika kabaubuka na elya panani ya mwana wa adamu.