¹ Hata pababire kabarongera na bandu baro makorongwa makuani naakida wa hekaru na masadukayo ngabapitya. ² Ngabahuchunika muno mwanja banda kumpundicha bandu na longera katika Yesu upupuwo wa ruperere. ³ Ngapababoywa ngapabeka gerechani haboka kindae kwa mwanja kupangite kita mwiya. ⁴ Lakini bambone babayoine makoe go batioberiya na isabu ya bandu alarome yabi kati elfu tano. ⁵ Hata kindae apendo naakoro batikwembana . ⁶ Na hanasi mkorongwa mkoro na kayafa na ywembe na yohane na iskanda na bote babire kinarongobe mkorongwa mkoro. ⁷ Pababire babekite pa katikati ngapabarokya kwa makakaraganyai na rina ra nyai mwenga mupanginene aga. ⁸ Ngapetero hatweriwe roho mperetau ngabakya mwenga wakongwa mwa bandu na mwapendo baisraeli. ⁹ Mwene baturokye rikoye reneng'oroka ga pang'ilwe yelo mundu kigopi ili mwaponi. ¹⁰ Mtang'ang'e mwenga mwabote na bandu bote ba israeli pang'a kwa rina la Yesu Kristo wa nazareti habage mwenga mwamumonerike na mnong'o hatikumpupuya kwa liperere kwa rina ilyo mundu yo andayema abire mkoto mnong'e yenu. ¹¹ Ywembe liwe lelo la lichawarariwe na mwenga mwaashi na ryembe litibekerwa pangariwe la pambwea. ¹² Hata mtopo mkochopari katika sehemu yote panga mtopo rina ryenge laribire pai ya mbinguni rabapeirwe banadamu lariwecha kutuko choporya kwaryo. ¹³ Bai pabalibweni utundumari wa petro na yohana na kuatanga panga bandu bangariso mana bangari malango bati shangara ngapabatanga babire pamepo na Yesu. ¹⁴ Ngapabamona yoro ywaponi pamope nabona bembe mtopo rikowe rayangwa. ¹⁵ Ngabakya baboke pabaracha ngabapanga mayeketyano bene kwa bene. ¹⁶ Ngababaya twapang'namani? bandu ba maana gabonike kwa bandu bote babatama yerusaremu panga malungelunge gapangikwe nabo wala tuwecha ri kana. ¹⁷ Lakini likowe neni kana liyoanike kwa bandu bote na twayogoye kana barongere kabe kwa mundu yeyote kwa lina ale. ¹⁸ Ngambakema na kwabakya kana balongere kaye wara pundisha kawarina la Yesu. ¹⁹ Peter na yohane ngabayangwa na kwabakya panga na haki mnonge ya mnonge kupeka niya mwenga kuliko mnongo mutuchenwe bai mwabene. ²⁰ Maana twenga tuwechali kuyaleka makowe gatu gabweni na kugayowa. ²¹ Mabembe pabayomirwe kuwayogoya ngapaba yogorya na babweni ndela ya kuwabonela kwa mwanja kwabire na bandu kwa mwanja bandu bote babile kabanumba mnong'o kwago gayapangike. ²² Maana umri wa mundu yo' ywapangirwe maru ng'arung'ega' ya pite miaka alobaini. ²³ Hata pabayogorire bayei kwa bandu babe ngapababakya makoe gote gababakirwe na akolongwa na apendo. ²⁴ Na payoine ngapabapikya lilobe mnongo malobe gabe kwa moyo umo kababaya mora! wenge ngawa mnongo ngawa ywembe waupangite kunani napai bahari na ilebe yote yaibile. ²⁵ Nawenga watilongera kwa Roho Mperetau kwa mkano wa tatebitu daudi mwanamache wako. Mbona amataifa bapanga unyogonyi na makabira bawachike ubocho bocho? ²⁶ Wafalme wa dunia batikuipanga na yeketiana kwa mope kunani ya mnongo na Kristo wake. ²⁷ Na kweri herode na poityo pirato pamope na mmataifa na bandu ba israeli batikwembana katika mkusanyiko wa pandu panokunani ya mwanamache wake mperetau ywa unyeire mauta. ²⁸ Hili bapange bote luboko lwao nawopara kugapanga gatipanga boka patombu gapite. ²⁹ Bai lelo gwana ugaringe mayogoyogabe ukapangi banamache bako longera rikoe ryako kwa utundumara kwote. ³⁰ Naurangiya ruboko rwako na upona marunge runge no ushangara ipangwike kwa lina la mwanamache wako Yesu. ³¹ Hata pabayomirwe kumnoba mnongo pandu paro paba kwembine patile ndema bote nga batweriya Roho Mparetau ngabalongera makowe ga mnongo kwandumara. ³² Na kipenga cha bandu babaobirire babire na moyo umo na Roho jimo mtopo hata yumo ywabaitepanga kila kilebe ni mali yake kichake na babire na ilebe yote kwa pamope. ³³ Na banamache ngapabapiya makoe gapupuka kwa Yesu kwa makarara gambone na ngongo yambane yabire kunani yabe. ³⁴ Hata mundu jumo ywabire kipenga chabe mwanja bandu bote bababire na ibarija na nyumba batipemeya ngapa bareta uyo loki wake mwailebe yote yabapemiye. ³⁵ Ngapabaleka pa magoro ga banamache na kila mundu ngababaganirwa na kumpeya kila mundu chopara. ³⁶ Na yusuph ywakemirwe na banamache na barinaba (mwana wa wopuraikya) mrawi kipere chake mundu wa kipro. ³⁷ Habire na mgunda atipemya ngaleta mbarije mjabeka pamaoro gabanamache.