¹ Pauli manda wa Yesu Kristo kwa mpenziwa Nongo, sawasawa na ahadi ya ukoti waubile ngati ya Kristo Yesu, ² kwa Timotheo mwana mpendwa: Neema, rehema na amani boka kwa Nongo Tati na Kristo Yesu Ngwana witu. ³ Nishukuru Nongo ambaye yuwanitumikia kwa nia njema ngati mwapangite Tati bitu, panikombokwa daima maombi gangu. Kilo na ⁴ mutwekati nitamani ya kukubona, lenga panga nitweli pulaika. Nikombokya moli gako. ⁵ Nibile kanikombokelwa kuhusu imani yako halisi, ambayo pa kwanza yatami kwa mbuya bako Loisi na mao bako Yunisi. Na nibile na uwakika panga imani yoo kwanza yatami ngati yako kabe. ⁶ Yeno ga sababu nganikukombokea uiutili karama ya Nongo yaibile ngati yako kwa ndela ya kwabekya moko gango. ⁷ Kwa mwanja Nongo hatupeile lili roho ya yogopa, ila ya nguvu na upendo na yowa. ⁸ Kwa nyoo kuneubone oni kombokia kuhusu Ngwana witu, wala wango nenga Pauli tabilwe wake. Ila ushiriki mateso kwa mwanja ya injili sawasawa na uwenzo wa Nongo. ⁹ Ni Nongo yuwatulopwiti na kutukema kwa kema mtakatifu. Hapangite linyoo bokana na kazi kitu ila bokana na neema na mpango wake mwene. Atupeile ikowe yee kwa Kristo Yesu kamla ya nyakati tumbwa. ¹⁰ Ila lelo wokovu wa Nongo ujiganilwe kwa hisa kwa mwokozi witu Kristo Yesu. Ni Kristo yuwaikomeshike mauti na leta ukoti wangeyomoka kwa nuru ya injili. ¹¹ Kwa mwanja nyoo batenichawa panga mhubiri, mtume na mwalimu. ¹² Kwa mwanjaa nyoo nendateseka kabe, lakini nibonali oni kwa mwanjaa nitangite yuwembe niyomwile kumwamini. Nanibile na uwakika panga yuwembe andawesa kukiangalia chelo chanikamwie kwake hata lisoba lelo. ¹³ Mukomboki mfano wa ujumbe wa uwaminifu wa uyowine boka kwango, pamoja na imani na upendo waubile ngati ya Kristo Yesu. ¹⁴ Mugaangalie makowe magolou gakukamwie Nongo petya Roho Mtakatifu yuwatama ngati itu. ¹⁵ Utangite panga, bote babaishi katika Asia batekunileka. Peneli kundi leno babile Figelo na Hemogene. ¹⁶ Ngwana airehemu nyumba ya Onesiforo kwa mwanja mara yambone ateniburudisha na aibwini lili oni minyororo yango. ¹⁷ Badala yake, paabile Roma ate ni pala kwa bidii na kunikolya. ¹⁸ Nongo anyali apate rehema boka kwake lisoba lelo. Ngati mwanasaidie paabile Efeso wenga utangite vyema.