¹ Na likowe ra obereya mundu mwenekapara ryengora asikofu aminikie kazi ya nainogo. ² Bai ngaparikwa asikofu abe mundu ywangari yondo relwa nnarome wa mwawa yumo mwene heshima na busara mundu ywa mborembore na karibisha na ywa manyi yegana. ³ Si mundu wa yobereya rabya nankombwa bandu rinabe mpore na mundu yo penda ikaori nahanabe mundu yo penda mbache. ⁴ Na mwene ywo ijemeya nyumba yake muno ywa manyi kuwabendea bana katika heshima. ⁵ Na mundu ywa ngamanga kunyemeya nyumba yake mwene apara kurikota kanisa rya nongo? ⁶ Na kanabe mundu ywa kachoparilwe pa pipi awe cha kuidai no tomboka katika chenuka kwa shetani. ⁷ Kaye ipalikwa ba mnongeri manogau na bandu ba babire panya ili kana atomboke katika chenuka na kitapa cha shetani. ⁸ Na nyonyonyo mashemasi, na babe na heshima si bene mirongero ibe reibere na bandu bangarinywa wembe muno na bandu bangariminikiya mbanje ya oni. ⁹ Kabakota sili ya obereya katika mawacho manogau. ¹⁰ Na ba bembe bapairwe tumbwa bahade bapange lyengo lya shemasi na bembe kababo hekana panga mtopo chenuka. ¹¹ Na nyanyanya na kina nyumba babe bao na heshima si bandu ba kopeya bandu ba heshima aminifu katika makawe gote. ¹² Na mashemasi babe na nwawa yumo kabaye meya banabane na goroka na nyumba yabe. ¹³ Kwa nya babapanga manogali lyengo lya shemasi kuipatia loka kugorou no kamara muno katika obereya yaibire katika Kristo Yesu. ¹⁴ Nanakurembya ago kaniyoberya icha kwo macho ba gano. ¹⁵ Lakini mwene nicherewite upate tanga jinsi mwaparikwa bandu ba yende katika nyumba ya nongu ya ibire kanisa lya nongu ywabire mkoti lipepere na msingi wa kweli. ¹⁶ Na bira yogopa siri ya uperetau ni ngoro nongo atitambulilwa katika yega ngatangwanika panga nangachenuka katika moyo nga bonekana na maraika ngarongelelwa katika milima nga obere lwa katika runia nga patolelwa kunani katika ukoro.''